
အိန္ဒိယနိုင်ငံမြောက်ပိုင်း ပန်ဂျပ်ပြည်နယ်တွင် မေလ ၂၉ ရက်၊ညနေပိုင်းက နာမည်ကြီးပန်ဂျာဘီအဆိုတော် ဆစ်ဒူမုစ်ဝါလာ ကားမောင်းနေရင်း သေနတ်ဖြင့်ပစ်သတ်ခံ ခဲ့ရသည်။
ရှုဘဒီဆင်းဆစ်ဒူ(အမည်ရင်း)ခေါ် ဆစ်ဒူမုစ်ဝါလာသည် ဟစ်ဟော့ပ်၊ရက်ပ်နှင့် ကျေးလက်ရိုးရာတေးများကို ပေါင်းစပ်သီဆို တတ်သည့် ပန်ဂျာဘီရက်ပ်အဆိုတော်ဖြစ်ပြီး ယခုသူအသတ်ခံရမှုကို ရဲတပ်ဖွဲ့က စုံစမ်းစစ် ဆေးနေကြပြီဖြစ်သည်။
အသက် ၂၈ နှစ်အရွယ်မုစ်ဝါလာသည် ထိုနေ့က ပန်ဂျပ်ပြည်နယ်၊မန်ဆာခရိုင်တွင် ကားမောင်းလာရင်း သေနတ်ဖြင့်အပစ်ခံရပြီး ဆေးရုံရောက်ပြီးနောက်တွင် ဆုံးသွားခဲ့သည်။ ပန်ဂျပ်ပြည်နယ်ထိပ်တန်းရဲအရာရှိတစ်ဦး ကမူ ကနဦးစစ်ဆေးမှုများအရ သူအသတ်ခံရမှုသည် လူဆိုးဂိုဏ်းအချင်းချင်းပြိုင်ဆိုင်မှုကြောင့်ဟု ထုတ်ဖော်ပြောဆိုထားသည်။
အခင်းမဖြစ်မီတစ်ရက်တွင် ပန်ဂျပ်ပြည်နယ်အစိုးရက VIP ယဉ်ကျေးမှုကို နှိပ်ကွပ်သည့်အနေဖြင့် အဆိုတော်မုစ်ဝါလာ အပါအဝင် လူပုဂ္ဂိုလ် ၄၀၀ ကျော်အတွက် လုံခြုံရေးယူပေးရမှုကို ရုပ်သိမ်းလိုက်သည်ဟု ပြည်တွင်းမီဒီယာများက ဖော်ပြကြသည်။
မုစ်ဝါလာသည် တေးရေးဘဝမှ အဆို တော်ဘဝသို့ပြောင်းလာသူဖြစ်ပြီး ဗြိတိန်နှင့် ကနေဒါနိုင်ငံများတွင်အခြေချသည့် အိန္ဒိယနှင့်ပန်ဂျာဘီလူမျိုးများအကြား ရေပန်းစားလှ သည်။သူ့သီချင်းအများစုသည် ပန်ဂျာဘီလို ဆိုထားသော်လည်း သီချင်းနာမည်က အင်္ဂ လိပ်နာမည်များဖြစ်သည်။
သူ့ပထမဆုံးသီချင်းခွေက ၂၀၁၈ ခုနှစ် တွင်ထွက်လာပြီး ကနေဒါ၏ လူကြိုက်အများဆုံး တေးသီချင်းခွေများစာရင်းထဲအထိ ပါခဲ့သည်။
သို့သော်အချို့သောသီချင်းစာသားများကြောင့် မုစ်ဝါလာသည် အာဏာပိုင်များနှင့် ငြိခဲ့မှုများလည်းရှိပြီး၊ သီချင်းတစ်ပုဒ်တွင် လက်နက်ကိုင်ဆောင်မှုအလေ့ကိုအားပေးထားသည်ဟုဆိုကာ ၂၀၂၀ ခုနှစ်တွင် ရဲတပ် ဖွဲ့ကသူ့ကို အိန္ဒိယလက်နက်ဆိုင်ရာဥပဒေဖြင့် တရားစွဲခဲ့ဖူးသည်။
သူသည်မနှစ်က အိန္ဒိယကကွန်ဂရက်ပါတီသို့ ဝင်ရောက်ထားပြီး ပြည်နယ်လွှတ်တော် ရွေးကောက်ပွဲတွင် ဝင်ပြိုင်သော်လည်း မအောင်မြင်ခဲ့ပေ။
ပန်ဂျပ်ပြည်နယ်ဝန်ကြီးချုပ်ကမူ မုစ်ဝါလာအသတ်ခံရမှုကို သူအလွန်တုန်လှုပ်ဝမ်း နည်းမိသည်ဟုဆိုပြီး တရားခံကိုအလွတ်ပေးမည်မဟုတ်ဟု ကြိမ်းဝါးထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်