လျှမ်းလျှမ်းတောက်အောင်မြင်နေသည့် တောင်ကိုရီးယားကေပေါ့အဖွဲ့ BTS သည် မေလ ၃၁ ရက်က အိမ်ဖြူတော်သို့သွားရောက်ကာ အမေရိကန်သမ္မတဂျိုးဘိုင်ဒင်နှင့် တွေ့ဆုံစကားပြောခွင့်ရခဲ့ပြီး အာရှသားများကို မုန်းတီးစိတ်ဖြင့်ပစ်မှတ်ထားတိုက်ခိုက်နေမှုများအကြောင်း ဆွေးနွေးခဲ့ကြသည်။
အဖွဲ့ဝင်ခုနစ်ဦးပါ BTS အဖွဲ့သည် ဂျိုးဘိုင်ဒင်နှင့်မတွေ့မီ၊ အိမ်ဖြူတော်သတင်း ထုတ်ပြန်ရေးအရာရှိ ကတ်ရင်းယန်ပီရယ်နှင့်အတူ သတင်းစာရှင်းလင်းပွဲပြုလုပ်ခဲ့ပြီး အာရှနွယ်ဖွားအမေရိကန်နိုင်ငံသားများကို ရန်လုပ်တိုက်ခိုက်မှုများ ရပ်တန့်ကြရန်လည်း တောင်းဆိုသွားခဲ့သည်။
အမေရိကန်တွင် အာရှတိုက်ဖွားအမေရိကန်သားများကို တိုက်ခိုက်မှုများအပါအဝင်၊ မုန်းတီးစိတ်ဖြင့်တိုက်ခိုက်သည့်ဖြစ်စဉ်များ မြင့်တက်လာသည့်အပေါ် စိတ်ထိခိုက်တုန်လှုပ်မိကြောင်း အဖွဲ့ဝင်ဂျီမင်က စကားပြန်မှ တစ်ဆင့်ပြောကြားခဲ့ပြီး၊ အဖွဲ့ဝင်ဆူဂါကမူ သည်းခံခြင်းကိုလက်ကိုင်ထားရန် မေတ္တာရပ်ခံသွားကာ အားလုံး၏မတူကွဲပြားမှုများကို လက်ခံတတ်လျှင် မျှတမှုဟူသည်ရှိလာမည်ဟု ပြောဆိုသွားသည်။
BTS နှင့် သမ္မတဂျိုးဘိုင်ဒင်တို့ တွေ့ဆုံပွဲကို သတင်းမီဒီယာများတက်ရောက်ခွင့်မရသော်လည်း ကွဲပြားမှုနှင့်တန်းတူပေါင်းစည်းရေး၊ ကမ္ဘာကြီးကို မျှော်လင့်ချက်နှင့် အကောင်းမြင်စိတ်တို့ ဖြန့်ဝေပေးရမည့် လူငယ် တာဝန်ရှိသူများအနေဖြင့် BTS ၏ တာဝန်ရှိမှုတို့ အရေးပါကြောင်းကို ဆွေးနွေးပြောဖြစ်ခဲ့ကြသည်ဟု အိမ်ဖြူတော်ကထုတ်ပြန်သည်။
BTS သည် ၂၀၁၃ ခုနှစ်တွင် အဖွဲ့စတင်ဖြစ်လာပြီးကတည်းက သီချင်းစာသားများ နှင့်တစ်မျိုး၊ ဆိုရှယ်ကမ်ပိန်းများနှင့်တစ်ဖုံ လူငယ်လူရွယ်များအား စိတ်ဓာတ်ခွန်အားပေးတတ်သည့်အဖွဲ့အဖြစ် ထင်ရှားခဲ့သည်။
ကိုဗစ်ဇစ်မြစ်အတွက် တရုတ်နိုင်ငံကို လက်ညှိုးထိုးရန် နိုင်ငံရေးသမားအချို့နှင့် ပညာရှင်အချို့က အမေရိကန်နိုင်ငံသားများ ကို တိုက်တွန်းအားပေးလာသည်နှင့်အမျှ ကပ်ရောဂါကာလအတွင်း အမေရိကတွင် အာရှလူမျိုးများကိုဆန့်ကျင်သည့်အမြင်များ၊ အကြမ်းဖက်မှုများလည်း မြင့်တက်ခဲ့သည်။
၂၀၂၀ ခုနှစ် ၊ ဇွန်လတွင် BTS ပရိသတ်များက အမေရိကန်လူမှုတန်းတူညီမျှရေး အတွက်အွန်လိုင်းကမ်ပိန်းတစ်ခုတွင် ဒေါ်လာတစ်သန်းခန့်ကို တစ်နေ့တည်းအရရှာပေးခဲ့သည်။ BTS အိမ်ဖြူတော်သို့ရောက်ရှိနေချိန် BTS ပရိသတ်များလည်း အိမ်ဖြူတော် အပြင်ဘက်တွင် စုဝေးရောက်ရှိနေခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
