အိန္ဒိယနိုင်ငံ၊ ပန်ဂျပ်ပြည်နယ်တွင် နာမည်ကြီးပန်ဂျာဘီအဆိုတော်တစ်ဦး ပစ်သတ်ခံရမှုသည် ၎င်းတို့လက်ချက်ဟု လူဆိုးခေါင်းဆောင်လောရန့်ဘစ်ရှ်နွိုင်အဖွဲ့က ဝန်ခံလိုက်ပြီးသည့်နောက်၊ မွမ်ဘိုင်းရဲတပ်ဖွဲ့က ဘောလိဝုဒ်စတားဆယ်လ်မန်ခန်၏ လုံခြုံရေးကို တိုးမြှင့်ပေးထားသည်ဟု အိန္ဒိယမီဒီယာများက ဖော်ပြနေကြသည်။
‘ဆယ်လ်မန်ခန်ရဲ့လုံခြုံရေးကို တိုးယူထားပါတယ်။သူ့အိမ်အနီးဝန်းကျင်မှာ ရဲတွေ ရှိနေပါမယ်’ ဟု အကြီးတန်းရဲအရာရှိတစ်ဦးက ပြောဆိုထားသည်။
မေလ ၂၉ ရက်က ပန်ဂျာဘီအဆိုတော် ဆစ်ဒူမုစ်ဝါလာအသတ်ခံရမှုကို ကနေဒါအခြေစိုက်လူဆိုးဂိုဏ်းဝင်ဂိုဒီဘရာဆိုသူက ဝန်ခံထားပြီး သူသည် ဂိုဏ်းခေါင်းဆောင် လော့ရန့်ဘစ်ရှ်နွိုင်နှင့် အနီးကပ်နေသူဖြစ်သည်။
ဗြိတိန်နှင့် ကနေဒါနိုင်ငံများတွင် အခြေချသည့် အိန္ဒိယနှင့်ပန်ဂျာဘီလူမျိုးများအကြား ရေပန်းစားသူဆစ်ဒူသည် ကားမောင်းလာရင်း သေနတ်ဖြင့်ပစ်ခတ်ခံရပြီး ဆေးရုံရောက်ပြီးနောက် သေဆုံးသွားခဲ့သည်။
ပန်ဂျပ်ပြည်နယ်ရဲတပ်ဖွဲ့ကမူ သူအသတ်ခံရမှုကို လူဆိုးဂိုဏ်းချင်းပြိုင်ဆိုင်မှုကြောင့်ဟု ထုတ်ဖော်ပြောဆိုခဲ့ပြီး တရားခံကို အလွတ်မပေးဟုလည်း ပြည်နယ်ဝန်ကြီးချုပ်က ကြိမ်းဝါးထားသည်။
ဆစ်ဒူ၏အလောင်းကို ပန်ဂျပ်ပြည်နယ်၊ မန်ဆာခရိုင်ရှိ ၎င်းဇာတိရွာလေးမှာပင် မေလ ၃၁ ရက်က မီးသဂြိုဟ်လိုက်ပြီး သူ့နောက်ဆုံး ခရီးကို ပြည်နယ်ပေါင်းစုံမှသူ့ပရိသတ်များ လာရောက်ပို့ဆောင်ပေးခဲ့ကြသည်။
ဘစ်ရှ်နွိုင်လူဆိုးဂိုဏ်းက ဂိုဏ်းဝင်တစ်ဦးအသတ်ခံရမှုအတွက် လက်တုံ့ပြန်သည့်အနေဖြင့် သူ့ကိုသတ်သွားခြင်းဖြစ်သည်။ဘစ်ရှ် နွိုင်ဂိုဏ်းတွင် အဖွဲ့ဝင် ၇၀၀ ခန့်ရှိပြီး လောရန့်ဘစ်ရှ်နွိုင်က ဂိုဏ်းခေါင်းဆောင်ဖြစ်သည်။
တောဆိတ်ကိုသတ်ဖြတ်ခဲ့သည့်ကိစ္စဖြင့် ဆယ်လ်မန်ခန်ကိုသတ်မည်ဟု ၂၀၁၈ ခုနှစ်တွင် ဘစ်ရှ်နွိုင်၏လက်ထောက်က ခြိမ်းခြောက်ထားဖူးသည်။ တောဆိတ်ကို အထွတ်အမြတ်ထားဖွယ်အကောင်များအဖြစ် ဘစ်ရှ် နွိုင်က မှတ်ယူထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
