တိုင်းဒေသကြီးနှင့် ပြည်နယ် ငါးခုတွင် ကရင်ပြည်သူ့ပါတီ (KPP) က ကရင်တိုင်းရင်းသားရေးရာ ဝန်ကြီးနေရာများ ဝင်ရောက်ယှဉ်ပြိုင်မည်ဖြစ်ကြောင်း ကရင်ပြည်သူ့ပါတီ (ဗဟို) မှ တာဝန်ရှိသူက အတည်ပြုပြောကြားသည်။
အဆိုပါ ကရင်တိုင်းရင်းသားရေးရာ ဝန်ကြီးနေရာများကို ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊ မွန်ပြည်နယ်၊ ပဲခူးတိုင်းဒေသကြီးနှင့် တနင်္သာရီတိုင်းဒေသကြီးတို့၌ ဝင်ရောက်ယှဉ်ပြိုင်မည်ဖြစ်ကြောင်း သိရသည်။
“ ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊ မွန်ပြည်နယ်၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး အဲဒီငါးခုမှာ ကရင်လူမျိုးရေးရာဝန်ကြီးနေရာတွေ ဝင်မယ်။ ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊ မွန်ပြည်နယ်၊ ပဲခူးတိုင်းဒေသကြီး၊ တနင်္သာရီတိုင်းဒေသကြီးနဲ့ ကရင်ပြည်နယ်မှာ ကိုယ်စားလှယ်လောင်းတွေ ရွေးကောက်ပွဲဝင်ပါမယ်။ တိုင်းနဲ့ ပြည်နယ် ခြောက်ခုစလုံးမှာ မျှဝင်မယ်။ ကရင်တိုင်းရင်းသားတွေ အများဆုံးရှိတဲ့နေရာတွေကို အဓိက ဦးတည်ပြီး ရွေးကောက်ပွဲဝင်မှာပါ။ တိုင်းဒေသကြီး လွှတ်တော်တွေမှာ များတယ်။ အမျိုးသားလွှတ်တော်တို့ ပြည်သူ့လွှတ်တော်တို့ကတော့ ဒုတိယလောက်ပဲ လိုက်တယ်” ဟု ကရင်ပြည်သူ့ပါတီ (ဗဟို) မှ တွဲဖက်အတွင်းရေးမှူး နန့်ခင်အေးဦးက ဆိုသည်။
လာမည့် ၂၀၂၀ အထွေထွေရွေးကောက်ပွဲတွင် ကရင်တိုင်းရင်းသားရေးရာ ဝန်ကြီးနေရာများအတွက် မဲပေးရွေးချယ်ရာ၌ ကရင်ပါတီများမှ ကရင်လူမျိုးများကိုသာ ရွေးချယ်ပေးပါရန် မဲဆန္ဒရှင်များအား တိုက်တွန်းလိုကြောင်းလည်း ၎င်းက ဆက်လက်ပြောကြားသည်။
“ ကရင်တိုုင်းရင်းသား မဲဆန္ဒရှင်တွေကို ပြောချင်တာက ကရင်လူမျိုးရေးရာဝန်ကြီးနေရာကိုတော့ ကိုယ့်ကရင်ပါတီတွေက လူမျိုးတွေကိုပဲ ရွေးချယ်ပေးဖို့ တိုက်တွန်းလိုပါတယ်။ ဘာ့ကြောင့်လဲဆိုတော့ ကရင်လူမျိုးရေးကိစ္စတွေကို ထဲထဲဝင်ဝင်လုပ်နေသောသူများ၊ တကယ့်တကယ် လုပ်နိုင်ကိုင်နိုင်သောသူများကိုသာ မဲပေးဖို့၊ နာမည်ခံဖြစ်ပြီးတော့ ဘာမှမလုပ်တတ်တဲ့သူတွေကို မဲသွားပေးတဲ့အခါမှာ ကိုယ့်အရေးကိုယ့်အရာ စာပေယဉ်ကျေးမှုတွေ ဘာမှကောင်းကောင်း မလုပ်နိုင်ဘူးဆိုတဲ့ဟာကို ပြောချင်ပါတယ်” ဟု နန့်ခင်အေးဦးက ပြောကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
