Top News

နိုင်ငံတော်၏ငြိမ်းချမ်းရေးဆွေးနွေးရေးအဖွဲ့နှင့် ကရင်အမျိုးသားအစည်းအရုံး/ ကရင်အမျိုးသားလွတ်မြောက်ရေးတပ်မတော် ငြိမ်းချမ်းရေးကောင်စီ(KNU/KNLA-PC)၊ ဒီမိုကရေစီအကျိုးပြုကရင်တပ်မတော်(DKBA) ငြိမ်းချမ်းရေးကိုယ်စားလှယ်အဖွဲ့တို့သည် နေပြည်​​တော်တွင် ဒုတိယအကြိမ် ​တွေ့ဆုံ​ဆွေး​နွေးခဲ့​ကြောင်း နိုင်ငံ​တော်စီမံအုပ်ချုပ်​ရေး​ကောင်စီ သတင်းထုတ်ပြန်​ရေးအဖွဲ့က ထုတ်ပြန်ထားသည်။

စက်တင်ဘာ ၁၅ ရက်က နေပြည်​တော်ရှိ အမျိုးသားစည်းလုံးညီညွှတ်​ရေးနှင့် ငြိမ်းချမ်း​ရေး​ဖော်​ဆောင်မှုဗဟိုဌာန အစည်းအ​ဝေးခန်းမတွင် နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့နှင့် KNU/KNLA-PC၊ DKBA ငြိမ်းချမ်း​ရေး ကိုယ်စားလှယ်အဖွဲ့တို့ ​တွေ့ဆုံ​ ​ဆွေး​နွေးခဲ့ခြင်း ဖြစ်​ကြောင်းသိရသည်။

​တွေ့ဆုံ​ဆွေး​နွေးပွဲသို့ နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်၊ ပြည်​ထောင်စုအစိုးရအဖွဲ့ရုံးဝန်ကြီးဌာန(၁) ပြည်​​ထောင်စုဝန်ကြီး၊ အမျိုးသားစည်းလုံးညီညွတ်​​ရေးနှင့် ငြိမ်းချမ်း​ရေး​ဖော်​ဆောင်မှုညှိနှိုင်း​ရေး​ကော်မတီ ဥက္ကဌ၊ ငြိမ်းချမ်း​ရေး​ဆွေး​နွေး​ရေးအဖွဲ့​ခေါင်း​ဆောင် ဒုတိယဗိုလ်ချုပ်ကြီးရာပြည့်၊ အဖွဲ့ဝင်များဖြစ်ကြသည့် နိုင်ငံ​တော်စီမံအုပ်ချုပ်​ရေး​ကောင်စီအဖွဲ့ဝင် ဒုတိယဗိုလ်ချုပ်ကြီး မိုးမြင့်ထွန်း၊ အမျိုးသားစည်းလုံးညီညွတ်​​ရေးနှင့် ငြိမ်းချမ်း​ရေး​ဖော်​ဆောင်မှုညှိနှိုင်း​ရေး​ကော်မတီ အတွင်း​ရေးမှူး ဒုတိယဗိုလ်ချုပ်ကြီး မင်း​နောင်နှင့် ဒီမိုကရေစီအကျိုးပြုကရင်တပ်မတော်(DKBA)စစ်ဦးစီးချုပ် ​​​စောစတီး၊ စစ်​ရေးချုပ် ​စောစိန်ဝင်း၊ ကရင်အမျိုးသားအစည်းအရုံး/ ကရင်အမျိုးသားလွတ်မြောက်ရေးတပ်မတော် ငြိမ်းချမ်းရေးကောင်စီ(KNU/KNLA-PC)မှ ဒုတိယဥက္ကဋ္ဌ ​​ဒေါက်တာနော်က​ပေါ်ထူး၊ အ​ထွေ​ထွေအတွင်း​ရေးမှူးချုပ် ​စော​ကျော်ညွှန့်တို့ တက်​ရောက်ကြ​ကြောင်း သိရသည်။​

​တွေ့ဆုံ​ဆွေး​နွေးပွဲတွင် ငြိမ်းချမ်း​ရေး​ဆွေး​နွေး​ရေးအဖွဲ့​ခေါင်း​ဆောင် ဒုတိယဗိုလ်ချုပ်ကြီးရာပြည့်နှင့် တက်​ရောက်လာကြသည့် တိုင်းရင်းသားလက်နက်ကိုင်အဖွဲ့များကိုယ်စား ဒီမိုကရေစီအကျိုးပြုကရင်တပ်မတော်(DKBA)စစ်ဦးစီးချုပ် ​​​စောစတီးတို့က နှုတ်ခွန်းဆက်အမှာစကား ​ပြောကြားကြ​ကြောင်း သိရသည်။

ထို့​နောက် ဖွဲ့စည်းပုံအ​ခြေခံဥပ​ဒေ(၂၀၀၈ ခုနှစ်)ပါ ဇယား(၁) ပြည်​ထောင်စု ဥပ​ဒေပြုစာရင်းနှင့် ဇယား(၂) တိုင်း​ဒေသကြီး သို့မဟုတ် ပြည်နယ် ဥပ​ဒေပြု​စာရင်းတို့နှင့်ပတ်သက်၍ ညှိုနှိုင်း​ရေး​ကော်မတီ အဖွဲ့ဝင် ဒုတိယဗိုလ်ချုပ်ကြီး ဝင်းဗိုလ်ရှိန်က ကဏ္ဍအလိုက် ရှင်းလင်းတင်ပြပြီး ၂၀၂၀ အလွန် အဆင့်လိုက် လုပ်ငန်းစဉ်များနှင့် အဆင့်လိုက် အ​ကောင်အထည်​ဖော်မှုများ (ဇယား ၂)အား ညှိုနှိုင်း​ရေး​ကော်မတီ အတွင်း​ရေးမှူး ဒုတိယဗိုလ်ချုပ်ကြီး မင်း​နောင်က ရှင်းလင်းတင်ပြခဲ့​ကြောင်း သိရသည်။

ယင်း​​နောက်တွင် တက်​ရောက်လာကြသူများမှ မိမိတို့၏ သ​ဘောထားများ၊ လိုလားချက်များကို အပြန်အလှန် ​ဆွေး​​နွေးညှိုနှိုင်းခဲ့ကြပြီး ​တွေ့ဆုံ​ဆွေး​နွေးပွဲ ပထမ​နေ့ကို ရပ်နားခဲ့​ကြောင်းနှင့် ဒုတိယ​နေ့ ​ဆွေး​​နွေးပွဲကို စက်တင်ဘာ ၁၆ ရက်တွင် ဆက်လက် ကျင်းပသွားမည်ဖြစ်​ကြောင်း သိရသည်။