DC Comics ၏ ဇာတ်ကောင်ကို အခြေပြုရိုက်ကူးထားသည့် Joker ဇာတ်ကားကို ဗင်းနစ်ရုပ်ရှင်ပွဲတော်၌ သြဂုတ် ၃၁ ရက်တွင် ပွဲဦးထွက် ပြသခဲ့သည်။ ယင်းဇာတ်ကားသည် ၇၆ ကြိမ်မြောက် ဗင်းနစ်ရုပ်ရှင်ပွဲတော်၏ ရွှေခြင်္သေ့ဆုအတွက်လည်း ပါဝင်ယှဉ်ပြိုင်မည် ဖြစ်သည်။
ဒါရိုက်တာ တော့ဒ်ဖိလစ်ရိုက်ကူးသည့် ယင်းဇာတ်ကားတွင် ဟွာကင်းဖီးနစ်၊ရောဘတ်ဒီနီယို၊ Zazie Beetz နှင့် Frances Conroyတို့ ပါဝင်သရုပ်ဆောင်ထားသည်။
ယင်းဇာတ်ကားတွင် ဟွာကင်းဖီးနစ်က လူ့အဖွဲ့အစည်း၏ အရေးစိုက်ခြင်းမခံရသည့် အောင်မြင်မှု မရှိသော လူရွှင်တော်တစ်ဦးဘဝမှသည် ဂိုသမ်မြို့တွင် ပရမ်းပတာ အခြေအနေဖြစ်အောင်လုပ်ဆောင်ခဲ့ပြီး ရာဇဝတ်မှုကျူးလွန်သူတစ်ဦး ဖြစ်လာခဲ့သည့် fhArthur Fleck / Joker ဇာတ်ကောင်အဖြစ် သရုပ် ဆောင်ထားသည်။ အသက် ၄၄ နှစ် အရွယ်ဖီးနစ်သည် ယင်းဇာတ် ကောင်အတွက် ပြင်ဆင်မှုအဖြစ် ကိုယ်အလေးချိန် ၅၂ ပေါင် လျှော့ချခဲ့ရသည်။ ယင်းဇာတ်ကားတွင် Joker ၏ ရယ်မောသံအတွက် ငိုခြင်း၊ ရယ်ခြင်းကို ထိန်းချုပ်မရနိုင် သည့်ရောဂါခံစားနေရသူများ၏ ဗီဒီယိုများကို ကြည့်ခဲ့ရပြီး လူသတ်သ မားခံစားချက်ကို သိရှိစေရန် နိုင်ငံရေးလုပ်ကြံမှုအကြောင်းရေးထား သည့်စာအုပ်ကို ဖတ်ခဲ့ရသည်ဟု ဖီးနစ်က ဆိုသည်။
ယင်းဇာတ်ကောင်အတွက် ၁၉၇၀ ပြည့်လွန်နှစ်များက ဖြန့်ချိခဲ့သည့် ဇာတ်ကားများထဲမှ ဇာတ်ကောင်များကို မှီငြမ်းခဲ့ရသည်ဟု The Hangover ဇာတ်ကားများဖြင့် အောင်မြင်မှုရရှိခဲ့သည့် ဒါရိုက်တာ တော့ဒ်ဖိလစ်က ပြော ကြားခဲ့သည်။
ဒေါ်လာ ၅၅ သန်း ကုန်ကျခံ ရိုက်ကူးခဲ့သည့် Joker ဇာတ်ကားသည် ၂၀၁၉ ခုနှစ်၏ အကောင်းဆုံး ဇာတ်ကား တစ်ကားဖြစ်ပြီး ဟွာကင်း ဖီးနစ်သည် အသည်းထိတ်လောက်အောင် သရုပ်ဆောင်ကောင်းသူတစ်ဦးဟု ရုပ်ရှင်ဝေဖန်သူများက ချီးမွမ်းခဲ့ကြသည်။
ယင်းဇာတ်ကားကို တိုရွန်တို ရုပ်ရှင်ပွဲတော်၌ စက်တင်ဘာ ၉ ရက်တွင် ပြသမည်ဖြစ်ပြီး အောက်တိုဘာ ၄ ရက်တွင် အမေရိကန်၌ ဖြန့်ချိ ရန် စီစဉ်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
