ဂျက်စတင်ဘီဘာက ဆယ်ကျော်သက်များ၏ အသည်းကျော်အဆိုတော်တစ်ဦးမှသည် ကမ္ဘာတစ်ဝန်းတွင် လှောင်ပြောင်ဝေဖန်ခံရပြီး အမုန်းခံရဆုံး ပုဂ္ဂိုလ်တစ်ဦးဖြစ်လာစဉ် ကြုံတွေ့ခဲ့ရသည့် ၎င်း၏ ကြီးမားသော ဘဝအခြေအနေ အတက်အကျအကြောင်း ကို Instagram တွင် ထုတ်ဖော်ပြောကြားခဲ့ သည်။ ကလေးဘဝ အောင်မြင်ကျော်ကြားစဉ်က စိတ်ဓာတ်ကျခြင်း၊ တာဝန်ယူမှုနည်းခြင်းများ ဖြစ်လာရန် အစပျိုးခဲ့ပြီး မူးယစ်ဆေး သုံးစွဲမှုနှင့် အမျိုးသမီးများကို လေးစားမှုမရှိသူတစ်ဦးဖြစ်လာစေခဲ့သည်ဟု ဘီဘာက Instagram တွင် ရေးသားခဲ့သည်။
မိတ်ဆွေများ၏ ၀ိုင်းဝန်းကူညီမှု၊ ၎င်း၏ ခရစ်ယာန်ဘာသာ သက်ဝင်ယုံကြည်မှုနှင့် ၎င်း၏ အိမ်ထောင်ဖက်တို့ကြောင့် ဘဝကို ပြောင်းလဲသွားရန် ပံ့ပိုးပေးခဲ့သည်ဟု အသက်၂၅ နှစ်အရွယ်ရှိ ဘီဘာက ပြောကြားခဲ့သည်။ ဘီဘာသည် မော်ဒယ်တစ်ဦးဖြစ်သည့် Hailey Baldwin နှင့် ၂၀၁၈ ခုနှစ် နိုဝင်ဘာတွင် လက်ထပ်ခဲ့သည်။
“ကျွန်တော့်ကို ချစ်တဲ့သူတိုင်းနဲ့ ကျွန်တော် ဝေးကွာလာခဲ့တယ်။ အသက် ၁၈ နှစ်အရွယ်မှာ လုံလောက်တဲ့ ကျွမ်းကျင်မှုမရှိဘူး။ ဒေါ်လာ သန်းနဲ့ချီရတယ်။ ကျွန်တော်လိုချင်တဲ့ ဘယ်အရာမဆို အခွင့်အလမ်းတွေ ရခဲ့တယ်။ အသက် ၁၉ နှစ်အရွယ်မှာ မူးယစ်ဆေးသုံးခဲ့တယ်။ ကျွန်တော်ရဲ့ အချစ်ရေးတွေကို အလွဲသုံးစား လုပ်ခဲ့တယ်” ဟု ဘီဘာက ရေးသားခဲ့သည်။
ဘီဘာသည် ၂၀၁၇ ခုနှစ်တွင် ကမ္ဘာလှည့်ဖျော်ဖြေပွဲခရီးစဉ်ကို ရုတ်တရက် ဖျက်သိမ်းခဲ့မှုနှင့်ပတ်သက်၍ ကိုယ့်ကိုယ်ကိုယ် ယုံကြည်မှုနည်းပါးခြင်းကို ဖြေရှင်းရန်အတွက် ယင်းသို့ လုပ်ဆောင်ခဲ့ခြင်းဖြစ်ကြောင်း ပြောကြားခဲ့သည်။
ဘီဘာသည် ဓာတ်ပုံဆရာတစ်ဦးကို ကားဖြင့် မတော်တဆတိုက်မိခြင်းအပါအဝင် ဖြစ်စဉ်များဖြစ်ပြီးနောက် ဖျော်ဖြေပွဲခရီးစဉ် ဖျက်သိမ်းမှု ဖြစ်ပေါ်ခဲ့ခြင်းဖြစ်သည်။ ဘီဘာသည် မိုင်ယာမီတွင် ကားပြိုင်မောင်းမှု၊ အိမ်နီးချင်း၏အိမ်ကို ကြက်ဥများဖြင့် ပစ်ပေါက်မှုတို့ ပါဝင်သည့် ဖြစ်စဉ်များအတွက် တရားရေးဆိုင်ရာ ပြဿနာများနှင့်လည်း ရင်ဆိုင်ခဲ့ရသည်။
ဘီဘာ၏ ဆိုးရွားသည့် အပြုအမူများကြောင့် ၎င်းကို တရုတ်တွင် ဖျော်ဖြေခွင့်ပေးတော့မည်မဟုတ်ဟု တရုတ်အစိုးရက ၂၀၁၇ ခုနှစ်တွင် ထုတ်ပြန်ခဲ့သည်။ အသက် ၂၀ မတိုင်မီ ဆိုးရွားသည့် ဆုံးဖြတ်ချက်များကြောင့် လူချစ်လူခင်အများဆုံး အနုပညာရှင်အဖြစ်မှ လှောင်ပြောင်ဝေဖန်ခံရပြီး လူမုန်းအများဆုံးသူတစ်ဦး ဖြစ်လာခဲ့သည်ဟု ဘီဘာက ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
