ကိုးကြိမ်မြောက်အဖြစ် ကျင်းပသည့် ဝဿန်ရုပ်ရှင်ပွဲတော်၏ ဖွင့်ပွဲအစီအစဉ်ကို စက်တင်ဘာ ၄ ရက်ညနေပိုင်းတွင် ရန်ကုန်မြို့ ဝဇီရာရုပ်ရှင်ရုံ၌ ပြုလုပ်ခဲ့ပြီး အဖွင့်ရုပ်ရှင် ဇာတ်ကားအဖြစ် “ပြာပြာညိုရောင်မှိုင်းတလဲ့လဲ့”ဇာတ်ကားအား ပြသခဲ့ကြောင်းသိရသည်။ ဝဿန်ရုပ်ရှင်ပွဲတော်ကို စက်တင်ဘာ ၄ ရက် မှ ၉ ရက်အထိပြုလုပ်လျက်ရှိကာ ရန်ကုန်မြို့ ဝဇီရာရုပ်ရှင်ရုံ၊ ဂျပန်ဖောင်ဒေးရှင်းနှင့် Gorthe-Institut တို့တွင်ပြုလုပ်နေခြင်းဖြစ်သည်။ ဝဿန်ရုပ်ရှင်ပွဲတော်၏ဖွင့်ပွဲအစီအစဉ်သို့ ပြိုင်ပွဲဝင်ဇာတ်ကားများ၏ဒါရိုက်တာ များ၊ မှတ်တမ်းရုပ်ရှင်ဒါရိုက်တာများ၊ ဖိတ်ကြားထားသည့် ဧည့်သည်တော်များ တက်ရောက်ခဲ့ကြကြောင်း သိရသည်။
“ဝဿန်ရုပ်ရှင်ပွဲတော်မှာ ကျွန်တော် ကိုယ်တိုင်လည်း ဝင်ရောက်ယှဉ်ပြိုင်ခဲ့ဖူး သလို ဆုလည်းရခဲ့ပါတယ်။ အဲဒီကနေတစ်ဆင့် အနုပညာလမ်းကြောင်းပေါ်ကိုခြေလှမ်း တစ်ခုအနေနဲ့ရောက်လာတယ်လို့ပြောရမှာ ပေါ့။ လူငယ်အနုပညာရှင်တွေရဲ့အိပ်မက်တွေ အကောင်အထည်ပေါ်လာဖို့ လမ်း ကြောင်းတစ်ခုအနေနဲ့ရှိနေတဲ့ ဝဿန်ရုပ်ရှင် ပွဲတော်ကို ကျွန်တော်တို့ သူစိမ်းအိမ်အဖွဲ့က လာရောက်ဝန်းရံပေးတာပါ။ ဝဿန်ရုပ်ရှင် ပွဲတော်ဆက်လက်ချီတက်နိုင်ပြီး လူငယ်မျိုး ဆက်သစ်များစွာကို မွေးထုတ်ပေးနိုင်ပါစေ လို့ ဆုတောင်းပေးပါတယ်”ဟု ဝဿန်ရုပ်ရှင် ပွဲတော်တွင်ဆုရရှိခဲ့ဖူးသည့် ဒါရိုက်တာထူး ပိုင်ဇော်ဦးက ဆိုသည်။
စက်တင်ဘာ ၅ ရက် တွင် ဝဿန်ရုပ်ရှင် ပွဲတော်၌ S-Express အစီအစဉ်မှဇာတ်ကား များပြသခြင်း၊ ပြိုင်ပွဲဝင်ဇာတ်ကားများပြသခြင်း၊ Highlight Program အဖြစ်ရွေးချယ် ထားသည့် ဇာတ်ကားများပြသခြင်းတို့ ပြု လုပ်ခဲ့သည်။ What does animation ခေါင်း စဉ်ဖြင့် အင်နီမေးရှင်းဇာတ်ကားများ ပြသ ဆွေးနွေးခြင်းကိုပါ ဂျပန်ဖောင်ဒေးရှင်း၌ပြု လုပ်ခဲ့ကြောင်း သိရသည်။
စက်တင်ဘာ ၆ ရက်တွင် S-Express ဇာတ်ကားများပြသခြင်း၊ ပြိုင်ပွဲဝင်ဇာတ် ကားများပြသခြင်း၊ Special Screening အစီ အစဉ်များဖြင့်ပြုလုပ်မည်ဖြစ်သည်။ စက်တင်ဘာ ရရက်နှင့် ၈ရက်များတွင်လည်းပြိုင် ပွဲဝင်ဇာတ်ကားများပြသခြင်း၊ ရုပ်ရှင်ဇာတ် ကားကြည့်ရှုကာ ဖန်တီးသူများနှင့် ဆွေးနွေး ခြင်းအပြင် ကမ္ဘာတစ်ဝန်းမှဇာတ်ကားတို များ ရွေးချယ်ပြသသည့်အစီအစဉ်ကိုပါ ပြု လုပ်မည်ဖြစ်သည်။
စက်တင်ဘာ ၉ ရက်ညနေ ၄ နာရီတွင် ရုပ်ရှင်ပွဲတော်၏ပိတ်ပွဲနှင့် ဆုချီးမြှင့်ပွဲတို့ကို ပြုလုပ်မည်ဖြစ်ပြီး ပြိုင်ပွဲဝင်ဇာတ်ကားများ ထဲမှ အကောင်းဆုံးလက်ရာများရွေးချယ်ကာ ဆုများ ပေးအပ်သွားမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
