မြန်မာနိုင်ငံအောက်ပိုင်း၌ အထင်ကရ ပွဲတော်ကြီးတစ်ခုဖြစ်သည့် ပဲခူးရွှေမော်ဓော ဘုရားပွဲတော်ကြီးတွင် ဇာတ်သဘင်အဖွဲ့ကြီး သုံးဖွဲ့ ပါဝင်ကပြမည်ဟု သိရသည်။ အဆိုပါ ပွဲတော်၌ ဇာတ်သဘင်အဖွဲ့များ ပါဝင်ကပြ နိုင်ရန်အတွက် လေလံပွဲကို မတ် ၁၄ ရက်က ပြုလုပ်ခဲ့ခြင်းဖြစ်သည်ဟု သိရသည်။
ပဲခူးရွှေမော်ဓောဘုရားပွဲတော်ကို ဧပြီ ၁၄ ရက်မှ ၂၃ ရက်အထိ ကျင်းပမည်ဖြစ်ကာ ဟန်ဇာမိုး၊ အဂ္ဂါမိုးဝင်းနှင့် နေမိုးဝင်းတို့၏ 'မဟာရန်ကုန် စံပြသဘင်' ၊ ဖိုးချစ်ဇာတ်သဘင် အဖွဲ့နှင့် စွမ်းဇာနည်ဇာတ်သဘင်အဖွဲ့သုံးဖွဲ့ ပါဝင်ကပြမည်ဟု သိရသည်။
“ဒီနှစ် ပဲခူးရွှေမော်ဓောဘုရားပွဲမှာ ဇာတ်သဘင်အဖွဲ့ကြီး သုံးဖွဲ့ပါဝင်ကပြမှာပါ။ ဇာတ်ရုံက ငါးရုံရှိပေမဲ့ ဇာတ်ရုံလေးရုံပဲ ပါဝင်တာပါ။ ဇာတ်အဖွဲ့သုံးဖွဲ့နဲ့ မိုးကြိုးငှက်ငယ်တစ်ဖွဲ့တို့ ပါဝင်ကပြမှာပါ။ ဒီနှစ်ရွှေမော်ဓောပွဲတော်က သင်္ကြန်ကာလနဲ့လည်း တိုက်နေတာ ကြောင့် စွမ်းနဲ့ ဖိုးချစ် ဇာတ်သဘင်အဖွဲ့နှစ် ဖွဲ့ကတော့ သင်္ကြန်ပွဲတော်ရက်တွေမှာ မက ဖြစ်ဘူးလို့ သိရပါတယ်။ ကျွန်တော်တို့ မဟာရန်ကုန် စံပြသဘင်အဖွဲ့ကတော့ ပွဲတော်ကာလ ရက်တစ်လျှောက်ပါဝင်ပြဖြစ်မှာပါ။ ပွဲတော်ကို သင်္ကြန်ပွဲတော်ရက်နဲ့တိုက်နေတဲ့အတွက် ရက်ထပ်တိုးဖို့လည်း စီစဉ်နေကြပါတယ်။ ပွဲတော်ရက် ထပ်တိုးဖြစ်ခဲ့ရင်လည်း အဲဒီထပ်တိုးရက်တွေမှာပါ စံပြသဘင်က ပါဝင်ကပြဖြစ်မှာပါ။ စံပြသဘင်အနေနဲ့ ဖျော်ဖြေ တင်ဆက်မှုအပိုင်းမှာ အစီအစဉ်အသစ် တွေ ပါဝင်မှာဖြစ်သလို စံပြသဘင်အနေနဲ့ လည်း ဒီပွဲတော်မှာ ဟန်ဇာမိုးဝင်း၊ အဂ္ဂါမိုးဝင်း နဲ့ နေမိုးဝင်း ညီအစ်ကိုသုံးယောက်လုံး ပါဝင် တင်ဆက်ကြမှာပါ” ဟု မဟာရန်ကုန်စံပြ သဘင်၏ ကန်ထရိုက်တာ ကိုကျော်ဇေယျက ပြောကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
