တရုတ်နိုင်ငံခြားရေးဝန်ကြီးဝမ်ယိ မြန်မာနိုင်ငံမှ သြဂုတ် ၁၄ ရက်မှ ၁၅ ရက်ထိ လာရောက်ချိန်တွင် အမေရိကန်ကလည်း သြဂုတ် ၁၅ ရက်တွင် မြန်မာအတိုက်အခံအင်အားစုများနှင့် တွေ့ဆုံပြီး အကူအညီပေးရေးကိစ္စရပ်များ ဆွေးနွေးခဲ့ကြောင်း သိရသည်။
NUG အဖွဲ့မှ ယာယီသမ္မတဒူဝါလရှီးလက ၎င်း၏ တွစ်တာအကောင့်တွင် သြဂုတ် ၁၅ ရက်တွင် ရေးသားချက်အရ အမေရိကန်နိုင်ငံခြားရေးဝန်ကြီးဌာန၏ အတိုင်ပင်ခံ တွမ်ဆူလီဗန်၊ နိုင်ငံတကာဖွံ့ဖြိုးရေးအတွက် အမေရိကန်အကူအညီအေဂျင်စီ (USAID) မှ ဒုတိယအုပ်ချုပ်ရေးမှူးမိုက် ကယ်ရှစ်ဖားတို့နှင့် အွန်လိုင်းတွင် တွေ့ဆုံခဲ့ကြောင်း သိရသည်။
ထိုသို့တွေ့ဆုံရာတွင် ပြည်သူ့ဝန်ဆောင်မှုလုပ်ငန်းများနှင့် လူသားချင်းစာနာမှုဆိုင်ရာအကူအညီများပေးရာတွင် တိုးတက်မှုရစေရန် တိုက်ရိုက်ကူညီပံ့ပိုးတာကို တိုးချဲ့လုပ်ဆောင်ပေးသည့်အတွက် အမေရိကန်ပြည်ထောင်စုကို ကျေးဇူးတင်းစကားပြောကြားခဲ့ကြောင်း ဒူဝါလရှီးလက ရေးသားထားသည်။
NUG ကို ပြည်ထောင်စုလွှတ်တော်ကိုယ်စားပြုကော်မတီ(CRPH)က ၂၀၂၁ ခုနှစ် ဧပြီ ၁၆ ရက်တွင် ဖွဲ့စည်းခဲ့ခြင်းဖြစ်သည်။
CRPH၊ NUG နှင့် ဆက်စပ်အဖွဲ့များကို အကြမ်းဖက်အုပ်စုများအဖြစ် နစကက ၂၀၂၁ ခုနှစ် မေလ ၈ ရက်တွင် ကြေညာထားသည်။
မြန်မာအတိုက်အခံအင်အားစုများနှင့် တွေ့ဆုံခဲ့သည့် တွမ်ဆူလီဗန်သည် ၂၀၂၄ ခုနှစ် ဇွန်လကုန်ပိုင်းတွင် နိုင်ငံခြားရေးဝန်ကြီးဌာန၏ အတိုင်ပင်ခံ ဒဲရက်ချောလက်၏နေရာကို အစားထိုးဝင်ရောက်လာသူဖြစ်သည်။ ၎င်းသည် အမေရိကန်နိုင်ငံခြားရေးဝန်ကြီးဌာနတွင် နိုင်ငံခြားရေးဝန်ကြီး၏အကြီးတန်း မူဝါအကြံပေးအဖြစ် ဆောင်ရွက်ခဲ့သူဖြစ်ပြီး ကျယ်ပြန့်သော ပြဿနာအသီးသီးကို ကိုင်တွယ်ခဲ့ရသူဖြစ်ကာ ဝန်ကြီးက ညွှန်ကြားသော သံတမန်ဆိုင်ရာအလုပ်တာဝန်များကို ဆောင်ရွက်ရသူဖြစ်သည်။
ဆူလီဗန်သည် ၂၀၂၁ ခုနှစ် ဇန်နဝါရီကတည်းက နိုင်ငံခြားရေးဝန်ကြီး ဘလင်ကင်၏ ဒုတိယဝန်ထမ်းရေးရာအကြီးအကဲအဖြစ် ထမ်းဆောင်ခဲ့သည်။
ဆူလီဗန်သည် အမေရိကန်နိုင်ငံခြားရေးဝန်ကြီးဌာနနှင့် အထက်လွှတ်တော်တို့တွင် ယခင်က ရာထူးတာဝန်များကို ထမ်းဆောင်ခဲ့သူဖြစ်သည်။ ဆူလီဗန်သည် နိုင်ငံခြားရေးဝန်ကြီးကယ်ရီလက်ထက် ၂၀၁၅ ခုနှစ်မှ ၂၀၁၇ ခုနှစ်အထိ အလားတူတာဝန်များကို ထမ်းဆောင်ခဲ့သူဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
