အင်္ဂလိပ်၊ စပိန်စကားပြော ပေါ့ပ်စတားများက တောင်ကိုရီးယားအဆိုတော်အဖွဲ့များနှင့် ဂီတပူးတွဲဖန်တီးမှုများ လုပ်ဆောင်နေကြစဉ် လတ်တလော ပေါ့ပ်တေးဂီတသည် အရှေ့တိုင်းနှင့် အနောက်တိုင်း ဂီတပညာရှင်များ ပူးပေါင်းဖျော်ဖြေမှု၏ ဦးဆောင်မှုအောက်သို့ ရောက်ရှိနေသည်ဟု ဆိုရမည်ဖြစ်သည်။
နာမည်ကြီး တောင်ကိုရီးယား အမျိုးသားအဆိုတော်အဖွဲ့ BTS နှင့် ထင်ရှားကျော်ကြားသော ဗြိတိန်တေးဂီတအဖွဲ့ Coldplay တို့က My Universe တေးသီချင်းတွင် ပူးပေါင်းသီဆိုကြမည်ဖြစ်ကြောင်း နှစ်ဖက်စလုံးက အတည်ပြုခဲ့ကြသည်။
My Universe တေးသီချင်းသည် လာမည့် စက်တင်ဘာ ၂၄ ရက်တွင် ထွက်ရှိမည်ဖြစ်သည်။
ထို့ပြင် ပေါ်တိုရီကန် အဆိုတော် Ozuna က ၎င်း၏အသစ်ထွက်ရှိမည့် တေးသီချင်းတွင် DJ Snake ၊ အမေရိကန်ဟစ်ဟော့ပ် အဆိုတော် Megan Thee Stallion နှင့် ကိုရီးယားအမျိုးသမီး အဆိုတော်အဖွဲ့ Blackpink တို့ ပါဝင်သီဆို ပေးထားကြောင်း စက်တင်ဘာ ၁၂ ရက်က ကျင်းပသော MTV VMA ဆုပေးပွဲတွင် ပြောကြားခဲ့သည်။
ထိုပြောကြားချက်သည် BTS အဖွဲ့၏ Butter တေးသီချင်းအား Megan Thee Stallion သီဆိုမှုနှင့် ပေါင်းထားသည့် တေးသွားထုတ်လွှင့်ပြီး မကြာမီ၌ ထွက်ရှိလာခဲ့ခြင်း ဖြစ်သည်။
လွန်ခဲ့သည့် နှစ်နှစ်အတွင်းကလည်း အဆိုတော် Lady Gaga ၊ Jason Derulo ၊ Dua Lipa ၊ Selena Gomez တို့သည် Blackpink ၊ BTS ၊ NCT 127 အဖွဲ့တို့နှင့် ဂီတပူးတွဲဖန်တီးမှုများ လုပ်ဆောင်ခဲ့ကြသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
