ဘောလိဝုဒ်စတား ရှာရွတ်ခန်၏သားဖြစ်သူ အာယန်ခန်ကို အောက်တိုဘာ ၃ ရက်တွင် မူးယစ်ဆေးဝါးတိုက်ဖျက်ရေး ဗျူရို NCB က ဖမ်းဆီးလိုက်သည်ဟု အိန္ဒိယသတင်းဌာနများက ဖော်ပြကြသည်။ အာယန်ခန်နှင့်အတူ ဖမ်းဆီးခံထားရသူများကို အောက်တိုဘာ ၄ ရက်တွင် ရုံးထုတ်ခဲ့ပြီး ရှာရွတ်ခန်၏ဇနီးလည်း တက်ရောက်ခဲ့သည်။
အာယန်ခန်ဘက်က အမှုအတွက် အာမခံလျှောက်ထားခဲ့သော်လည်း NCB ဘက်ကမူ နောက်ထပ်စစ်ဆေးမှုများ ဆောင်ရွက်နိုင်ရန် အာယန်ခန်ကို ဆက်လက်ထိန်းသိမ်းထားခွင့်ရရန် ကြိုးစားမည်ဟုဆိုသည်။ စစ်ဆေးဖော်ထုတ်မှုအတွင်း သိရှိထားသည်များ ပတ်သက်ချိတ်ဆက်နေမှုများကိုမူ NCB က ထုတ်မပြောနိုင်သေးဟုလည်း ပြောသည်။
အပျော်စီး သင်္ဘောတစ်စင်းပေါ်တွင် ပါတီရှိသည်ဆိုသည့် သတင်းပေးချက်ကြောင့် NCB အဖွဲ့က အောက်တိုဘာ၂ ရက် ညနေပိုင်းတွင် ဂိုအာကိုသွားမည့်အပျော်စီး သင်္ဘောတစ်စင်းကို စီးနင်းရှာဖွေလိုက်ရာ လူအချို့ထံမှ မူးယစ်ဆေးဝါးများ တွေ့ခဲ့ရသည်။
အာယန်ခန်ကို ဖမ်းခေါ်သွားစဉ် ၎င်းကိုယ်ပေါ်တွင် မည်သည့်အရာမှ မတွေ့ခဲ့သည့်အတွက် ၎င်းကိုမူးယစ်ဆေးသုံးမှုဖြင့်သာ မှတ်တမ်းတင်ထားသည်ဟုလည်း သတင်းများက ဖော်ပြကြသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
