007 ရုပ်ရှင်ငါးကားတွင် James Bond နေရာမှ သရုပ်ဆောင်ခဲ့သည့် Daniel Craig ကို အောက်တိုဘာ ၆ ရက်တွင် ဟောလိဝုဒ် Walk of Fame ၌ ကြယ်ပွင့်ဖြင့် ဂုဏ်ပြုသွားမည် ဖြစ်သည်။
ထိုဂုဏ်ပြုပွဲအခမ်းအနားကို ဟောလိဝုဒ်ကုန်သည်များ အသင်းဥက္ကဌ Nicole Mihalka က သဘာပတိအဖြစ် ဆောင်ရွက်မည်ဖြစ်ပြီး ဘွန်းရုပ်ရှင် ထုတ်လုပ်သူများဖြစ်သည့် Michael G. Wilson နှင့် Barbara Broccoli ၊ တွဲဖက်မင်းသား Rami Malek (No Time to Die တွင် ဘွန်း၏ ရန်ဘက် Safin နေရာမှ သရုပ်ဆောင်သူ) တို့လည်း တက်ရောက် ဂုဏ်ပြုမည် ဖြစ်သည်။ Craig ၏ Walk of Fame ကြယ်ပွင့်ကို နောက်ထပ်နာမည်ကျော် ဘွန်းမင်းသားဖြစ်သည့် Roger Moore ၏ ကြယ်ပွင့်ဘေးတွင် ကပ်လျက်ထားမည် ဖြစ်သည်။
၂၅ ကားမြောက် ဂျိမ်းစ်ဘွန်း စွန့်စားခန်းရုပ်ရှင်ဖြစ်သည့် No Time to Die သည် Daniel Craig ကို ဇာတ်လိုက်နေရာ၌ နောက်ဆုံးမြင်ရမည့် ဇာတ်ကားဖြစ်ပြီး ၂၀၂၀ ခုနှစ် ဧပြီကတည်းက ရုံတင်ရန် စီစဉ်ခဲ့သော်လည်း ကပ်ရောဂါကြောင့် သုံးကြိမ်တိုင် ရုံတင်ချိန်နောက်ဆုတ်ခဲ့ရပြီး အောက်တိုဘာ ၁ ရက်ကမှ ရုံတင်ခဲ့ရသည်။
ဂျိမ်းစ်ဘွန်းရုပ်ရှင်ကားများသည် ဟောလိဝုဒ်တွင် အအောင်မြင်ဆုံး ရုပ်ရှင်များထဲတွင် ပါဝင်ကြသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
