၆၆ ကြိမ်မြောက် Eurovision သီချင်းဆိုပြိုင်ပွဲကို အီတလီနိုင်ငံမြောက်ပိုင်းရှိ တူရင်မြို့တွင် ကျင်းပသွားမည်ဟု ပွဲစီစဉ်သူများက အောက်တိုဘာ ၈ ရက်တွင်ကြေညာထားပြီး နှစ်ပေါင်း ၃၁ နှစ်ကြာပြီးမှ အီတလီတွင် Eurovision ကျင်းပရန် အလှည့်ပြန်ရောက်လာခြင်း ဖြစ်သည်။
နယ်သာလန်နိုင်ငံ၊ ရော့တာဒမ်မြို့တွင် ကျင်းပခဲ့သည့် 2021 Eurovision ပြိုင်ပွဲတွင် အီတလီရော့ခ်ဂီတအဖွဲ့က ဗိုလ်စွဲထားသည့်အတွက် ၂၀၂၂ ပြိုင်ပွဲကို အီတလီက ကျင်းပခွင့်ရခြင်းဖြစ်သည်။၂၀၂၁ ပြိုင်ပွဲကို လူပေါင်း ၁၈၃ သန်း ရုပ်သံမှကြည့်ရှုခဲ့ပြီး အီတလီနိုင်ငံက တတိယအကြိမ် ဗိုလ်စွဲသွားခြင်း ဖြစ်သည်။
၂၀၀၆ ဆောင်းရာသီအိုလံပစ်ပြိုင်ပွဲ ကျင်းပခဲ့သည့်နေရာ၊ ရှေ့လတွင် ATP တင်းနစ်ဗိုလ်လုပွဲ ကျင်းပမည့်နေရာဖြစ်သည့် တူရင်မြို့သည် Eurovision 2022 ကျင်းပရန် အသင့်တော်ဆုံးမြို့များကို ရွေးချယ်ရာတွင် အခြား ၁၆ မြို့ကိုကျော်ပြီး အရွေးချယ်ခံထားရခြင်းလည်း ဖြစ်သည်။
ပြိုင်ပွဲကို PalaOlimpico ကွင်းတွင် ကျင်းပမည်ဖြစ်ပြီး ဆီမီးဖိုင်နယ်ပွဲများကို မေ ၁၀ ရက်နှင့် ၁၂ ရက်၊ မေ ၁၄ ရက်တွင် ဗိုလ်လုပွဲကို ကျင်းပမည်ဖြစ်သည်။ နေပယ်မြို့တွင်လည်း ၁၉၆၅ ခုနှစ်က Eurovision ပွဲ ကျင်းပထားကာ ၁၉၉၁ ခုနှစ်ပြိုင်ပွဲကို ရောမမြို့တွင် ကျင်းပထားသည်။
မြို့ရွေးချယ်ရာတွင် တင်းကြပ်သည့် သတ်မှတ်ချက်များရှိပြီး ကျင်းပမည့်မြို့က လေအေးပေးစနစ်ရှိသည့် လူ ၁၀,၀၀၀ ဆံ့ ပင်မခန်းမရှိသည့်နေရာ၊ ဝန်ထမ်းများ ပြိုင်ပွဲဝင်များအတွက် အခန်းများ၊ မီဒီယာအခန်းများ ရှိသည့်နေရာ ရှိရမည်ဖြစ်သည်။
Eurovision အမှုဆောင်ကြီးကြပ်ရေးမှူး Martin Osterdahl က Alps တောင်တန်း၏ ခြေရင်းတွင် ခန့်ညားစွာ ရှိနေသည့် ယဉ်ကျေးမှုစင်တာ တူရင်မြို့သည် အသင့်တော်ဆုံးမြို့ဟု ဆိုထားသည်။
၂၀၂၁ ပြိုင်ပွဲတွင် ထူးခြားဖြစ်စဉ်အချို့လည်း ရှိခဲ့သည်။ ဘီလာရုစ်နိုင်ငံမှ ယှဉ်ပြိုင်မည့်သီချင်းသည် နိုင်ငံရေးနွှယ်နေကာ ဘီလာရုစ်ဒီမိုကရေစီ ထောက်ခံရေးလှုပ်ရှားမှုကို လှောင်ပြောင်ထားသည့်အတွက် ပြိုင်ပွဲတွင် ဝင်ပြိုင်ခွင့်မရခဲ့ပေ။ Winner ဆုရခဲ့သည့် အီတလီရော့ခ်အဖွဲ့ Maneskin မှ ဦးဆောင် အဆိုတော် Damiano David သည်လည်း ဆေးသုံးခဲ့သည်ဆိုသည့် စွပ်စွဲမှုနှင့်ကြုံခဲ့ရပြီး ဆေးစစ်ခံခဲ့ရသည်။ သို့သော် Negative သာ ပြခဲ့သည်။
Maneskin ၏ Eurovision အောင်ပွဲသည် ကိုရိုနာဗိုင်းရပ်စ်ဒဏ်နှင့် အလူးအလဲ ရင်ဆိုင်ခဲ့ရသည့် အီတလီအတွက် အောင်မြင်မှုလမ်းစကို ဖွင့်ပေးလိုက်သည်။ အီတလီသည် ယူရို ၂၀၂၀ ချန်ပီယံ ဖြစ်လာကာ အီတလီ တာတိုအပြေးသမား Lamont Jacobs သည် တိုကျိုအိုလံပစ်အမျိုးသားမီတာ ၁၀၀ ပြေးပွဲတွင် ရွှေတံဆိပ်ရထားကာ လတ်တလော ရူပဗေဒဆိုင်ရာ နိုဘယ်ဆုရသွားသည့် သိပ္ပံပညာရှင်သုံးဦးထဲတွင်လည်း အီတလီမှတစ်ဦး ပါသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
