သရုပ်ဆောင် နဝရတ်သည် မိခင်ဖြစ်သူ၏ ကျန်းမာရေးကိုအနီးကပ် ပြုစုစောင့်ရှောက်နေရသဖြင့် အနုပညာအလုပ်များကိုရပ်နားကာ မိခင်နှင့်အတူ ပြင်ဦးလွင်မြို့တွင်နေထိုင်လျက်ရှိသည်။ မေ ၂၁ ရက်က သူမ၏ မိခင်သည် ၉၆ ပါး ရောဂါဖြင့် ကွယ်လွန်သွားကြောင်း သိရသည်။ နဝရတ်မှ သူမလူမှုကွန် ရက်စာမျက်နှာပေါ်တွင် မေမေကွယ်လွန်သွားခြင်းအကြောင်းကို ရေးသားဖော်ပြထားသည်။
သရုပ်ဆောင် နဝရတ်မိခင်ဒေါ်အေးမြစိမ်းသည် တော်ဝင်ထွန်း ရုပ်ရှင်ထုတ်လုပ်ရေး၏ စင်တင်မင်းသမီးတစ်ဦးဖြစ်ခဲ့ပြီး ဇာတ်ကားများစွာရိုက်ကူးခဲ့သူဖြစ်သည်။ ကိုယ်တိုင်လည်း အနုပညာဝါသနာပါသူဖြစ်သကဲ့သို ့ သမီးဖြစ်သူနဝရတ်ကိုလည်း အနုပညာရှင်တစ်ယောက်ဖြစ်ရန် ပ့ံပိုးခဲ့သူဖြစ်သည်။ သရုပ်ဆောင်နဝရတ် ကိုယ်တိုင်သည်လည်း အနုပညာကို ရူးသွပ်စွာဝါသနာပါသူ ဖြစ်သည့်အတွက် သရုပ်ဆောင် ဦးကျော်ဟိန်းတပည့်ခံယူပြီး ဦးကျော်ဟိန်းနှင့် ဇာတ်ကားများစွာ ရိုက်ကူးပြီး အနုပညာလောကထဲသို့ ရောက်လာသူဖြစ်သည်။ ဝတ်စားဆင်ယင်မှု ဖက်ရှင်ပိုင်းတွင်လည်း ပရိသတ်အားပေးလက်ခံသည့်အပြင် သရုပ်ဆောင်မှုပိုင်းတွင်လည်း ကျရာဇာတ်ရုပ်ကိုပီပြင်စွာ သရုပ်ဆောင်နိုင်သည့်အတွက် သရုပ်ဆောင်နဝရတ်ကို ပရိသတ်များ အားပေးကြသည်။
အောင်မြင်မှုရရှိနေသည့် အချိန်တွင် သရုပ်ဆောင်နဝရတ်သည် အနုပညာလောကကကို စွန့်လွှတ်ပြီး စီးပွားရေးလောကထဲသို့ ဝင်ရောက်သွားခဲ့သည်။
သူမ၏ ပရိသတ်များမှ အနုပညာအလုပ်ကို ပြန်လည်လုပ်ရန် တောင်းဆိုပါသော်လည်း ဆုံးဖြတ်ချက် ခိုင်မာသည့် သရုပ်ဆောင် နဝရတ်သည် အနုပညာလောကကို စွန့်လွှတ်ခဲ့သည်။
သရုပ်ဆောင်အပြင် ရုပ်ရှင်ထုတ်လုပ်ရေးကိုပါ တည်ထောင်ပြီး နာမည်ကြီး ဇာတ်ကားများကိုလည်း ထုတ်လုပ်ရိုက်ကူးခဲ့သူဖြစ်သည်။ ထုတ်လုပ်ရိုက်ကူးပြီး ကိုယ်တိုင်လည်း ပါဝင်သရုပ်ဆောင်ထားသည့် တိမ်မင်းသမီး၏ ဒဏ္ဍာရီရုပ်ရှင်ဇာတ်ကားတွင် ပရိသတ်များမှ ထုတ်လုပ်သူဆုနှင့် သရုပ်ဆောင်ထူးချွန်ဆုများ မှန်းခဲ့သော်လည်း အကယ်ဒမီဆုနှင့် လွဲခဲ့သူဖြစ်သည်။
သရုပ်ဆောင်ကောင်းသူ ဖြစ်သဖြင့် အကယ်ဒမီဆုကို ပရိသတ်ကပိုင်ဆိုင်စေချင်သော်လည်း သရုပ်ဆောင် နဝရတ်သည် အကယ်ဒီဆုနှင့် အကြိမ်ကြိမ်လွဲခဲ့သည့် အနုပညာရှင်တစ်ဦးဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
