Aquaman ရုပ်ရှင်ဇာတ်ကား၏ အဓိကဇာတ်ကောင် Arthur Curry နေရာတွင် ပါဝင်သရုပ်ဆောင်ရသည့် Jason Momoa က သူသည် နောက်ထွက်လာမည့် Aquaman 2 ရုပ်ရှင်၏ ဇာတ်အိမ်ဖွဲ့မှုကိုလည်း ပါဝင်ကူညီခဲ့သည်ဟု ပြောကြားခဲ့သည်။
အသက် ၄၁ နှစ်အရွယ် အမေရိကန် သရုပ်ဆောင် Jason သည် ၂၀၁၈ ခုနှစ် DC Comics ၏ Aquaman ရုပ်ရှင်၏ နောက်ဆက်တွဲဖြစ်သည့် Aquaman 2 ရုပ်ရှင်တွင် Arthur Curry နေရာနှင့် ၎င်း၏ စူပါဟီးရိုးဇာတ်ကောင် Aquaman နေရာတွင် စရိုက်နှစ်မျိုးဖြင့်သရုပ်ဆောင်ရမည့် ဇာတ်လမ်းဇာတ်ကွက်များကို ၎င်း၏ ကိုယ်ပိုင်အိုင်ဒီယာဖြင့် ထည့်သွင်းပုံဖော်ရန် ဒါရိုက်တာဂျိမ်းစ်ဝမ်က အားပေးခဲ့သည်ဟုဆိုသည်။
“ပထမရုပ်ရှင်ကားပြီးတော့ ကျွန်တော်နဲ့ ဇာတ်ညွှန်းရေးတဲ့သူဟာ ဒုတိယတစ်ကားအတွက် ပူးပေါင်းဆောင်ရွက်ခဲ့ကြပါတယ်။ ကျွန်တော်တို့ အိုင်ဒီယာတွေထုတ်တယ်။ ဇာတ်အိမ်တွေဖွဲ့ကြတယ်” ဟု Jason က The Drew Barry more Show အစီအစဉ်တွင် ပြောကြားခဲ့သည်။
Aquaman 2 ရုပ်ရှင်ဇာတ်ကားကို ဗြိတိန်တွင် မကြာမီရိုက်ကူးတော့မည် အကြောင်းကိုလည်း ၎င်းကထုတ်ဖော်ပြောဆိုခဲ့သည်။
Aquaman 2 ရုပ်ရှင်တွင် Amber Heard ၊ Patrick Wilson နှင့် Abdul-Mateen II တို့လည်း ပြန်လည်ပါဝင်မည်ဖြစ်ပြီး ၂၀၂၂ ခုနှစ်တွင် ထွက်ရှိမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
