Top News

ထမင်းတစ်နပ် ငြိမ်းချမ်းရမှာလား

24htopnews | March 20, 2024 2:39 PM CST

ရိုးသားတဲ့ထမင်းတစ်လုပ်အကြောင်း
ဝှီးချဲပေါ်ကလူများ စာလုံးမပေါင်းတတ်ဘူး။

ပြည့်ပြည့်စုံစုံ ထမင်းဝိုင်းအကြောင်း
ခြေထောက်တွေ စာလုံးမပေါင်းတတ်ဘူး။

အကျိုးအကြောင်း
ဟုတ်တယ်
အကျိုးအကြောင်း မညီညွှတ်တဲ့နိုင်ငံမှာ
လူဖြစ်တဲ့ကံကိုကတည်းက
‘မဟာအဝီစိ’ကို မက်မောတယ်လို့ ယောင်ရမ်းတမိ။

သူတို့က ဒုက္ခဆိုတာချိုနဲ့လားလို့ မေးတယ်။
ချမ်းသာသုခ ဆိုတာ ဘာလဲ
လူ ဆိုတာ ဘာလဲ
နိုင်ငံ ဆိုတာ ဘာလဲ
ဥပဒေ ဆိုတာ ဘာလဲ
ငြိမ်းချမ်းရေး ဆိုတာ ဘာလဲ
အစိုးရ ဆိုတာ ဘာလဲ
အမျိုးသားရေး ဆိုတာ ဘာလဲ
တစ်နိုင်ငံလုံးက ခြေထောက်တွေ ဘာမှမမေးဘူး။

ထစ်ဆို့အက်ကွဲမျှော်လင့်သံတွေနဲ့
‘ထမင်းတစ်နပ် ငြိမ်းချမ်းရမှာလား’
‘ကျောင်းတစ်ရက် တက်ခွင့်ရမှာလား’တဲ့။

ထက်လွင်