မြန်မာ-ထိုင်းနယ်စပ် မြဝတီမြို့တွင် တစ်နိုင်တစ်ပိုင် အိမ်တွင်းမှု အသေးစား အထည်ချုပ်လုပ်ငန်း တွင်ကျယ်လာခြင်းကြောင့် လူငယ်လူရွယ်များ အလုပ်အကိုင် အခွင့်အလမ်း ပိုမိုရရှိလာကြောင်း အဆိုပါ အထည်ချုပ်လုပ်ငန်း၌ ဝင်ရောက် လုပ်ကိုင်နေသူများထံမှ သိရသည်။
နယ်မှလာရောက် လုပ်ကိုင်သူများအား နေထိုင်ရန် အဆောင်ပေးထားကာ ဒါဇင်အလိုက် ကိုယ်လုပ်နိုင်လျှင် လုပ်နိုင်သလောက် လုပ်အားခ ရရှိသည့်အတွက် အလုပ်သမားများ အနေဖြင့် တစ်လလျှင် ဘတ် ၄၀၀၀ မှ ၁၅၀၀၀ အထိ လုပ်အားခရသူရှိသည် ဟုဆိုသည်။
“သမီးတို့က နယ်ကလာလုပ်တာပါ။ စက်ရုံက နေစရာ အဆောင်ပေးပါတယ်။ စားတာတော့ ကိုယ့်ဘာသာကိုယ် စားပါတယ်။ အရင်က ထိုင်းဘက်မှာ လုပ်ပါတယ်။ ထိုင်းဘက်မှာ နေထိုင်ရေးတွေ အခက်အခဲ ဖြစ်လာတယ်။ ပတ်စ်စပို့ဗီဇာရှိမှ ဆိုတော့ ကိုယ့်နိုင်ငံဘက်မှာ လုပ်တာက အဆင်ပြေတယ်။ ကိုယ့်နိုင်ငံမှာဆိုတော့ အဖမ်းခံရမှာ မစိုးရိမ်ရတော့ဘူး” ဟု မြဝတီမြို့ရှိ အထည်ချုပ်စက်ရုံ၌ ဝင်ရောက် လုပ်ကိုင်နေသူ အမျိုးသမီးငယ် တစ်ဦးက ပြောကြားသည်။
ထိုင်းနိုင်ငံ မဲဆောက်တွင် အိမ်ရုံဟုခေါ်သော တစ်နိုင်တစ်ပိုင် အိမ်တွင်းမှု စက်ရုံအလုပ်ရုံ ထောင်နှင့်ချီရှိပြီး အထောက်အထားမဲ့ ဝင်ရောက် လုပ်ကိုင်နေကြသည့် မြန်မာရွှေ့ပြောင်း လုပ်သားများမှာ လုပ်အားခ ခေါင်းပုံဖြတ်ခံရသလို အလုပ်သမား အခွင့်အရေး ချိုးဖောက်ခံနေရဆဲ ဖြစ်ခြင်းကြောင့် မြဝတီဘက်သို့ ပြောင်းရွှေ့ဖွင့်လှစ်လာသော စက်ရုံငယ်များကြောင့် အလုပ်အကိုင် အခွင့်အလမ်း ပိုမိုရရှိကာ နေထိုင်စားသောက်ရေး အဆင်ပြေသည်ဟုလည်း သိရသည်။
မြဝတီမြို့တွင် အိမ်တွင်းမှု အထည်ချုပ် စက်ရုံငယ် ၅၀ အထက်ရှိပြီး စက်ရုံတစ်ရုံလျှင် လုပ်သား ၃၀ မှ ၅၀ ဝန်းကျင်အထိ ဝင်ရောက် လုပ်ကိုင်လျက်ရှိကြောင်း သိရသည်။
အဆိုပါ စက်ရုံများမှာ တစ်ဘက်နိုင်ငံ မဲဆောက် အထည်ချုပ်စက်ရုံများမှ အော်ဒါယူ ချုပ်လုပ်ခြင်းဖြစ်ပြီး လုပ်ခလစာများကို ဘတ်ငွေဖြင့် ရှင်းပေးကြောင်း၊ မြဝတီဒေသခံ အမျိုးသမီးငယ်များနှင့် နယ်ရပ်ဝေးမှ လာရောက် လုပ်ကိုင်ကြသူများလည်း ရှိကြောင်း အဆိုပါ အထည်ချုပ်စက်ရုံများမှ သိရသည်။
-
မြန်မာနှင့် လက်ဘနွန်အသင်း၏ ခြေစမ်းပွဲလက်မှတ်များ ရောင်းချနေပြီး ရုပ်သံမှ တိုက်ရိုက်ပြသမည်
-
တက်ကျမ်းစာပေ
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
