နော်ဝေမြို့တော် အော်စလိုသည် လျှပ်စစ်အငှားယာဉ်များအတွက် ကြိုးမဲ့အားသွင်းစနစ် တပ်ဆင်သည့် ကမ္ဘာ့ပထမဆုံးမြို့ဖြစ်လာမည်ဖြစ်သည်။ လျှပ်စစ်ကားများ အားသွင်းမှုကို လျင်မြန်စေပြီး ပိုမိုထိရောက်သည့်စနစ် ဖြစ်လာစေရန် ရည်မှန်းထားသော ထိုစီမံကိန်းတွင် လမ်းပေါ်၌ လျှပ်ကူးနိုင်သည့် အားသွင်းပြားများ တပ်ဆင်ထားသောစနစ်ကို အသုံးပြုမည်ဖြစ်သည်။ လျှပ်စစ်ကားတွင် တပ်ဆင်ထားသော အားသွင်းစနစ်နှင့် လမ်းပေါ်မှ လျှပ်ကူးစနစ်တို့ ချိတ်ဆက်ပြီး အားသွင်းနိုင်ရန် ရည်မှန်းထားကြောင်း ဖင်လန်ကုမ္ပဏီ Fortum က ပြောကြားခဲ့သည်။
၂၀၂၃ ခုနှစ်မှစပြီး အော်စလိုရှိ အငှားယာဉ်အားလုံးသည် လျှပ်စစ်ကားများဖြစ်ရမည်ဖြစ်ပြီး ၂၀၂၅ ခုနှစ်တွင် နော်ဝေနိုင်ငံရှိ ကားအားလုံးသည် ကာဗွန်ဒိုင် အောက်ဆိုဒ်ထုတ်လွှတ်မှုလုံးဝမရှိသည့် ကားများဖြစ်ရမည်ဟု နော်ဝေက ရည်မှန်းထားသည်။
ဗြိတိန်နှင့်ပြင်သစ် အပါအဝင် အခြားနိုင်ငံများကလည်း အလားတူ ရည်မှန်းချက်များကို ၂၀၄၀ မတိုင်မီရရှိရန် ရည်မှန်းထားသည်။ အမေရိကန်ကုမ္ပဏီ Momentum Dynamics နှင့် အော်စလိုမြို့တော် ကောင်စီတို့နှင့် ပူးတွဲဆောင်ရွက်နေသော Fortum က အငှားယာဉ်များအား လျှပ်စစ်ကားများအဖြစ် အသွင်ပြောင်းလဲရန် အကြီးမားဆုံးသော အဟန့်အတားသည် အခြေခံ အဆောက်အအုံဖြစ်နေခဲ့ကြောင်း ကားများအားသွင်းရန်အတွက် အချိန်ပေးရလွန်းပြီး အားသွင်းသည့် နေရာရှာရန်အတွက်လည်း အချိန်ပေးရကြောင်း Fortum က ပြောကြားခဲ့သည်။
ခရီးသည်များအား စောင့်သည့်နေရာတွင် တန်းစီနေချိန်၌ တဖြည်းဖြည်းချင်း အားသွင်းနိုင်သောကြောင့် လျှပ်ကူးပြားများဖြင့် အားသွင်းသည့်စနစ်သည် ပိုမိုထိရောက်မှုရှိသည်။
နော်ဝေသည် ကမ္ဘာပေါ်တွင် လျှပ်စစ်ကားပိုင်ဆိုင်မှု အမြင့်ဆုံးနိုင်ငံဖြစ်ပြီး လျှပ်စစ်ကားများအား လမ်းကြေးစျေးလျှော့ပေးခြင်း သို့မဟုတ် ကင်းလွတ်ခွင့်ပေးခြင်း၊ ကားရပ်နားရန်နေရာနှင့် အားသွင်း သည့်နေရာများ စီစဉ်ပေးခြင်းတို့ကြောင့် လျှပ်စစ်ကားအသုံးပြုမှု မြင့်မားစေခဲ့သည်။
ယမန်နှစ်က နော်ဝေတွင် ရောင်းချသည့် ကားသုံးစီးတွင် တစ်စီးနီးပါးသည့် လျှပ်စစ်ကားများဖြစ်သည်။ ကားထုတ်လုပ်မှုလုပ်ငန်းမရှိသော နော်ဝေတွင် သမားရိုးကျကားများအား အခွန်ကောက်ခံမှု အလွန်မြင့်မားသော်လည်း လျှပ်စစ်ကားများကို အစိုးရက အခွန်မှ ကင်းလွတ်ခွင့်ပေးထားသည်။
-
မြန်မာနှင့် လက်ဘနွန်အသင်း၏ ခြေစမ်းပွဲလက်မှတ်များ ရောင်းချနေပြီး ရုပ်သံမှ တိုက်ရိုက်ပြသမည်
-
တက်ကျမ်းစာပေ
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
