ရန်ကုန်တိုင်း၊ ကြည့်မြင်တိုင်မြို့နယ်၊ စက်ဆန်းရပ်ကွက်နှင့်အလတ်ချောင်းရပ်ကွက်တို့ရှိ ရပ်ကျေးရုံးများတွင် ယနေ့ စက်တင်ဘာ ၃၀ ရက်မွန်းတည့် ၁၂ နာရီကျော်ခန့်က ပေါက်ကွဲမှုများဖြစ်ပွားခဲ့ကြောင်း လုံခြုံရေးအဖွဲ့နှင့်နီးစပ်သူများထံမှ သိရသည်။
စက်ဆန်းရပ်ကွက်နှင့်အလတ်ချောင်းရပ်ကွက်တို့ရှိ ရပ်ကျေးရုံးများတွင် Smart Card များပြုလုပ်ပေးနေစဉ် ရေဘေးသင့်ဒေသများသို့ပို့ဆောင်ရန် အလှူခံရရှိထားသည့် ဆန်အိတ်တစ်လုံးနှင့်စက္ကူပုံးတစ်လုံးအတွင်းတို့မှ ပေါက်ကွဲမှုများဖြစ်ပွားခဲ့ခြင်းဖြစ်ကြောင်း သိရသည်။
” စုံစမ်းသိရသလောက်ဆိုရင် ရေဘေးအတွက်ဆိုပြီးလာလှူထားတဲ့ ဆန်အိတ်နဲ့စက္ကူပုံးထဲမှာ မိုင်းထောင်ထားပြီး ဖောက်ခွဲတိုက်ခိုက်ခဲ့တာလို့ သိရတယ်။ ထိခိုက်ဒဏ်ရာရတဲ့လူများတယ်။ ဒီဖြစ်စဉ်ကိုသုံးသပ်ရမယ်ဆိုရင် ရေဘေးဒုက္ခကြုံနေရတာကိုအခွင့်ကောင်းယူပြီး လှူမယ့်ပစ္စည်းတွေထဲမှာ ဖောက်ခွဲရေးပစ္စည်းတွေထည့်ပြီးတိုက်ခိုက်တာက လုံးဝမဖြစ်သင့်တဲ့ကိစ္စပါ”ဟု လုံခြုံရေးအဖွဲ့နှင့်နီးစပ်သူတစ်ဦးကပြောသည်။
ပေါက်ကွဲမှုကြောင့် Smart Card ပြုလုပ်နေသည့် ယင်း ရပ်ကွက်များအတွင်းနေထိုင်သူ ၁၀ ဦးကျော်ခန့်တွင် ထိခိုက်ဒဏ်ရာများရရှိခဲ့သဖြင့် လူမှုကူညီရေးအသင်းကားများဖြင့် အမှတ်(၂)တပ်မတော်ဆေးရုံ(ခုတင် ၅၀၀)သို့ ပို့ဆောင်ပေးခဲ့ကြကြောင်း သိရသည်။
-
ပြည်တွင်း ဈေးကွက်တွင် အမေရိကန် ဒေါ်လာစျေး ထပ်မံကျဆင်း
-
ရေလှောင်တမံနှင့် ရေထိန်းတမံများ ကြံ့ခိုင်မှုကောင်းမွန်၍ စိုးရိမ်စရာမရှိဟုဆို
-
စုပေါင်းသမဝါယမစနစ် စိုက်ပျိုးမွေးမြူရေးလုပ်ငန်းများကို နိုင်ငံတော်က ကူညီပေးမည်
-
ဘင်္ဂလားဒေ့ရှ်လေထုသန့်စင်ရေးစီမံချက်ကို ကမ္ဘာ့ဘဏ်ကဒေါ်လာသန်း ၃၀၀ ထောက်ပံ့မည်
-
ဘင်္ဂလားဒေ့ရှ်၌ သွေးလွန်တုပ်ကွေး စံချိန်တင်ဖြစ်ပွား
