ပေကျင်း၊စက်တင်ဘာ ၂၉
ပါဝင်ပတ်သက်နေသည်ဟုယူဆရသော တရုတ်နိုင်ငံသား ၂၀ ဦးအား မြန်မာနှင့်ပူးတွဲစစ်ဆင်ရေး၌ ဖမ်းမိခဲ့ပြီးနောက် တရုတ်နိုင်ငံသို့လွှဲပြောင်းလိုက်ပြီဖြစ်ကြောင်း တရုတ်ပြည်သူ့လုံခြုံရေးဝန်ကြီးဌာန (အမ်ပီအက်စ်)က တနင်္ဂနွေနေ့၌ ပြောကြားခဲ့သည်။
အမ်ပီအက်စ် ၏ သတင်း ထုတ်ပြန်ချက်အရ အဆိုပါစစ်ဆင်ရေးသည် တရုတ်နိုင်ငံနှင့်မြန်မာနိုင်ငံ တရားဥပဒေစိုးမိုးရေးတပ်ဖွဲ့များ အကြား ပူးပေါင်းဆောင်ရွက်မှုမှရရှိလာသည့် ကြီးမားသည့် နောက်ထပ်အောင်မြင်မှုတစ်ခုကို ကိုယ်စားပြုသည်ဟုဆိုသည်။
ယင်းသံသယရှိသူများသည် မြန်မာနိုင်ငံမြောက်ပိုင်းရှိ ရာဇဝတ်အဖွဲ့အစည်းများနှင့် ဆက်စပ်မှုရှိနေကြောင်းတွေ့ရှိရပြီး ၎င်းတို့သည် လက်နက်ကိုင်တပ်ဖွဲ့များကိုကွပ်ကဲခြင်း၊ တယ်လီဖုန်းလိ-မ်လည်မှုစခန်းများထူထောင်ခြင်းများပြုလုပ်ကာ တရုတ်နိုင်ငံသားများကိုပစ်မှတ်ထားလုပ်ကိုင်နေခြင်းမျိုးတွေ့ရသည်ဟုလည်းဆိုသည်။
၎င်းတို့သည် လူသ–တ်မှုနှင့်ရုပ်ပိုင်းဆိုင်ရာ ညှဉ်းပမ်းနှိ-ပ်စက်မှုများအပါအဝင် ပြင်းထန်သည့်ပြစ်မှုများကို ရည်ရွယ်ချက်ရှိရှိ နှင့် ကျူးလွန်ခဲ့သူများအဖြစ် သံသယရှိသူများလည်းဖြစ်သည်ဟုသိရသည်။
တယ်လီကွန်းနှင့်အင်တာနက်လိ-မ်လည်တိုက်ဖျက်ရာ၌ နိုင်ငံတကာပူးပေါင်းဆောင်ရွက်မှုများအားကောင်းလာခြင်းသည် ခေတ်စားလာသည့်လမ်းကြောင်းတစ်ခုဖြစ်ကြောင်း အမ်ပီအက်စ် မှတာဝန်ရှိသူတစ်ဦးကပြောကြားခဲ့ပြီး ယခု ကဲ့သို့သော ကိစ္စများက တရုတ်-မြန်မာပူးပေါင်းဆောင်ရွက်မှုယန္တရားအတွက် ပိုမိုတိုးတက်လာစေခဲ့သည်ဟုလည်းဆိုသည်။
Source : ရှင်းဟွာ
-
ဖိလစ်ပိုင်ကို ဦးတည်နေသည့် အပူပိုင်းမုန်တိုင်း စူပါတိုက်ဖွန်းအဆင့် ဖြစ်လာနိုင်
-
တယ်လီကွန်းနှင့်အင်တာနက်လိ-မ်လည်မှုတရားခံ ၂၀ ကို မြန်မာက တရုတ်သို့လွှဲပြောင်းပေးအပ်
-
ဗီယက်နမ်နှင့်ကမ္ဘောဒီးယားတို့ သတင်းအချက်အလက်နှင့်ပညာရေးကဏ္ဍ၌ ပူပေါင်းဆောင်ရွက်မှုတိုးမြှင့်မည်
-
ရထားလမ်းများကို ရေရှည်တည်တံ့ခိုင်မြဲရေး၊ အရည်အသွေးပြည့်မီရေး ဦးစားပေး၍ ပြုပြင်ရန် နစက ဥက္ကဋ္ဌမှာကြား
-
နေပြည်တော်ကဲ့သို့ မိတ္ထီလာဒေသကို စံပြနေရာတစ်ခုအဖြစ် ဖွံ့ဖြိုးတိုးတက်ရန်ဆောင်ရွက်နေ