ဧရာဝတီတိုင်း၌ ကညင်ရေလှောင်တမံအတွင်း သိုလှောင်ထားသည့် ရေများကိုအသုံးချကာ လျှပ်စစ်ဓာတ်အားထုတ်လုပ်မည့် “ကညင်ရေအားလျှပ်စစ်ဓာတ်အားထုတ်လုပ်ရေးစီမံကိန်း “ကို ဖော်ဆောင်သွားမည်ဖြစ်ကြောင်း သိရသည်။
အဆိုပါ စီမံကိန်းအား ကညင်ဟိုက်ဒရိုပါဝါကုမ္ပဏီလီမိတက်မှဆောင်ရွက်သွားမည်ဖြစ်ကာ စီမံကိန်း တည်ဆောက်၊ လုပ်ကိုင်၊ လွှဲပြောင်းခြင်းဆိုင်ရာသဘောတူစာချုပ်(B.O.T)အား ဧရာဝတီတိုင်းအစိုးရအဖွဲ့နှင့်ကုမ္ပဏီတာဝန်ရှိသူများမှ ယမန်နေ့ စက်တင်ဘာ ၂၁ ရက်နံနက်ပိုင်းက လက်မှတ်ရေးထိုးခဲ့ကြကြောင်း သိရသည်။
အခမ်းအနားသို့ ဧရာဝတီတိုင်းဝန်ကြီးချုပ်ဦးတင်မောင်ဝင်းတက်ရောက်ကာ ယင်းစီမံကိန်းသည် ကညင်ရေလှောင်တမံမှ သိုလှောင်ထားသည့်ရေများကို မိုးရာသီတွင် လုံလောက်စွာဖြင့်အသုံးချထုတ်လုပ်နိုင်မည်ဖြစ်ပြီး နွေရာသီ၌ဆည်ရေသောက်စိုက်ပျိုးမြေများအတွက်ပေးဝေသည့် ဆည်ရေကိုထိန်းသိမ်းအသုံးချနိုင်မည့် အကျိုးကျေးဇူးများကိုပြောကြားခဲ့သည်။
ထို့ပြင် ဆိုလာစနစ်ဖြင့်ပါ လျှပ်စစ်ဓာတ်အားထုတ်လုပ်ပြီး မဟာဓာတ်အားလိုင်းသို့ချိတ်ဆက်ပို့လွှတ်နိုင်ရေး ဆက်လက်ဆောင်ရွက်မည်ဖြစ်ရာများစွာအကျိုးရှိပြီး ဧရာဝတီတိုင်းအတွက်လိုအပ်သည့် လျှပ်စစ်ပမာဏကိုလည်းဖြည့်ဆည်းပေးနိုင်မည်ဟု ပြောသည်။
ထို့နောက် တိုင်းအစိုးရအဖွဲ့၏ သယံဇာတရေးရာဝန်ကြီးနှင့် ကညင်ဟိုက်ဒရိုပါဝါကုမ္ပဏီလီမိတက်မှတာဝန်ရှိသူတို့က ကုမ္ပဏီဆိုင်ရာ အချက်အလက်များ၊ ရေအားလျှပ်စစ် ၁၀ ဒသမ ၅ မဂ္ဂါဝပ်ထုတ်လုပ်မှု၊ ဆိုလာပါဝါစနစ်ဖြင့် ၂၀ မဂ္ဂါဝပ်ထုတ်လုပ်မည့်စီမံကိန်းဆိုင်ရာအချက်အလက်များကို ရှင်းလင်းတင်ပြခဲ့ကြကြောင်း သိရသည်။
-
တာချီလိတ်မြို့ပြန်လည်ထူထောင်ရေးအတွက် ရှမ်းပြည်နယ်အစိုးရအဖွဲ့နှင့် မြို့တာဝန်ရှိသူများတွေ့ဆုံဆွေးနွေး
-
ကူကီးစစ်သွေးကြွများ ဝင်လာသည့်သတင်းကြောင့် မဏိပူရ်တွင်တပ်လှန့်ထား
-
ဧရာဝတီတိုင်း၌ “ကညင်ရေအားလျှပ်စစ်ဓာတ်အားထုတ်လုပ်ရေးစီမံကိန်း”ဖော်ဆောင်မည်
-
ပေါင်းလောင်းဆည်၏ တမံသည်ကျောက်သားဖြင့်တည်ဆောက်ထားခြင်းဖြစ်၍ ဆည်ကျိုးမည့်သတင်းမှာ သတင်းမှားသာဖြစ်
-
ရှမ်း/တောင် ဟန်မြင့်မိုလ်-ရွာငံလမ်းပိုင်းတွင် (၁၂ )ဘီးကားပေါ်သို့ သစ်ပင်ကျိုးကျမှုဖြစ်ပွား၊ (၁)နာရီကျော်ကြာ လမ်း ပိတ်ဆို့