ဆော်ဒီကလပ် အယ်လ်ဟီလယ်အသင်းက ပြင်သစ်တိုက်စစ်မှူး ဘာပေအား ကမ္ဘာ့စံချိန်တင်ပြောင်းရွှေ့ကြေး ယူရို သန်း(၃၀၀)ဖြင့် ကမ်းလှမ်းထားသော်လည်း မိခင်ကလပ် PSG အသင်းသည် အခြားကမ်းလှမ်းမှုများကိုလည်း မျှော်လင့်နေကြောင်း သိရသည်။
PSG အသင်းနှင့် စာချုပ်သစ်ချုပ်ဆိုမည်မဟုတ်ဟု အစောပိုင်းကတည်းက ကြေညာထားသူ ဘာပေသည် ဂျပန်နှင့် တောင်ကိုရီးယားသို့ ရာသီကြိုခြေစမ်းခရီးစဉ် သွားရောက်လျက်ရှိသည့် PSG အသင်းလူစာရင်းတွင် ရွေးချယ်ခံရခြင်းမရှိကြောင်း သိရသည်။
အသင်းနှင့် နီးစပ်သည့် သတင်းရင်းမြစ်များက PSG အသင်းသည် ၎င်းတို့ကြိုက်နှစ်သက်သည့် ကစားသမားကို အလဲအလှယ်ပြုလုပ်မည့်ပုံစံဖြင့် ကမ်းလှမ်းမှုမျိုး မျှော်လင့်နေသည်ဟုလည်း ပြောကြားခဲ့သည်။
ပရီးမီးယားလိဂ်ထိပ်သီးကလပ်များဖြစ်သည့် မန်ယူ၊ ချယ်လ်ဆီးနှင့် စပါးအသင်းများအပြင် အင်တာမီလန်၊ ဘာစီလိုနာစသည့်အသင်းများမှလည်း ဘာပေကို ခေါ်ယူရန် စိတ်ဝင်စားလျက်ရှိသည်။
PSG အသင်းအနေဖြင့် ဘာပေကို သြဂုတ်လ(၁) ရက်မတိုင်မီ ရောင်းချနိုင်ခြင်းမရှိလျှင် စာချုပ်ကို သစ္စာစောင့်သိကြေး Loyalty Bouns အဖြစ် ကစားသမားဖြစ်သူထံ ယူရို သန်း(၆၀)ပေးချေရမည်ဖြစ်ပြီး ယင်းငွေကို အရစ်ကျခွဲပေးရမည်ဖြစ်သည်။
ဘာပေသည် ဆော်ဒီလိဂ်သို့ ပြောင်းရွှေ့ရန် ဆန္ဒမရှိသလို၊ PSG အသင်းတွင် လက်ကျန်စာချုပ်သက်တမ်းတစ်နှစ်ကို ဆက်နေပြီးမှ လာမည့်နှစ်နွေရာသီတွင် လာလီဂါကလပ် ရီးယဲလ်မက်ဒရစ်အသင်းသို့ ပြောင်းရွှေ့ကြေးအလွတ်ဖြင့် ပြောင်းရွှေ့ရန် စီစဉ်ထားခြင်းဖြစ်သည်။
ဘာပေသည် ရီးယဲလ်အသင်းနှင့်လည်း ယင်းအပြောင်းအရွှေ့အတွက် သဘောတူထားပြီးဖြစ်သည်ဟု PSG အသင်းက ယုံကြည်လျက်ရှိသည်။
ဘာပေအနေဖြင့် လာမည့်နှစ်တွင် PSG အသင်းမှ ပြောင်းရွှေ့ကြေးအလွတ်ဖြင့် ထွက်ခွာနိုင်လျှင် ရီးယဲလ်အသင်းတွင် လက်မှတ်ထိုးကြေး ယူရို သန်း (၁၆၀) နီးပါး ရရှိနိုင်သည်ဟုလည်း သတင်းရင်းမြစ်များက ပြောကြားခဲ့သည်။
လက်ရှိတွင် ချယ်လ်ဆီးအသင်းကို ကိုင်တွယ်နေသည့် PSG အသင်းနည်းပြဟောင်း ပိုချက်တီနိုကမူ ဘာပေနှင့်သတင်းများကို ငြင်းဆန်ခဲ့ပြီး PSG နှင့် ဘာပေအကြား နှစ်ဦးနှစ်ဖက် ပြဿနာပြေလည်သွားရန်သာ မျှော်လင့်ကြောင်း မှတ်ချက်ပြုခဲ့သည်။
-
အိန္ဒိယမှ ခဲယမ်းမီးကျောက်များ ယူကရိန်းသို့ ပို့နေ၍ ရုရှား ဒေါသထွက်
-
မဆင်မခြင်မောင်းနှင်သည့် YBS ယာဥ်မောင်းများ၏ Smart Card များကိုဖျက်သိမ်းမည်
-
ငမိုးရိပ်ချောင်းရေမြင့်တက်လာသဖြင့် မြောက်ဒဂုံ၊ သင်္ဃန်းကျွန်းနှင့် ဒေါပုံမြို့နယ် အနိမ့်ပိုင်းရှိ ရပ်ကွက်နေရာအချို့ ရေဝင်ရောက်လျက်ရှိ
-
■ မိုးဇလဌာနက အထူးမိုးလေဝသသတင်းများဆက်တိုက်ထုတ်ပြန်နေ
-
ပြည်ပရောက်အလုပ်သမားများ၏လွှဲပို့ငွေ မပြနိုင်သည့် အေဂျင်စီ ၈၁ခု ကို အလုပ်ခေါ်စာအသစ် တင်ခွင့်ခေတ္တဆိုင်းငံ့
