သြဂုတ် ၂၉ ရက်က အင်ဒိုနီးရှားနိုင်ငံ ဘာလီကျွန်းနှင့် အခြားကျွန်းများတွင် ပြင်းအား ၇ ဒသမ ၁ မဂ္ဂနီကျုရှိ အင်အားပြင်းဇောက်နက်ငလျင်တစ်ခု လှုပ်ခတ်ခဲ့ပြီး နောက်ဆက်တွဲငလျင်များလည်း လှုပ်ခတ်ခဲ့ကြောင်း အမေရိကန်ဘူမိဗေဒ လေ့လာရေးဌာန (USGS)၏ ထုတ်ပြန်ချက်အရ သိရသည်။
ငလျင်လှုပ်ခတ်မှုများကြောင့် အဆိုပါကျွန်းများတွင် လာရောက်အပန်းဖြေနေသည့် ခရီးသွားများသည် လမ်းပေါ်သို့ ကြောက်လန့်တကြား ပြေးထွက်ခဲ့ရသော်လည်း အပျက်အစီးကြီးကြီးမားမား ဖြစ်ပေါ်ခဲ့ခြင်းမရှိကြောင်း သိရသည်။
ဒေသစံတော်ချိန် နံနက် ၃ နာရီ ၅၅ မိနစ်ဝန်းကျင်တွင် ဘာလီကျွန်း၏ အရှေ့မြောက်ဘက်ကမ်းလွန်နှင့် ၅၁၅ ကီလိုမီတာခန့်အကွာတွင် ငလျင်လှုပ်ခတ်ခဲ့ခြင်းဖြစ်သည်။
ဘာလီကျွန်းအနှံ့အပြားနဲ့ အနီးနားရှိ လွန်ဘော့နဲ့ ဆမ်ဘာဝါကျွန်းတို့တွင်လည်း တုန်ခါမှုဒဏ်ကို ခံစားခဲ့ရသည်။
ဒုတိယအကြိမ် နောက်ဆက်တွဲငလျင်သည် ပထမအကြိမ်ထက် ပိုမိုပြင်းထန်ပြီး ပိုမိုကြာမြင့်သည့် တုန်ခါမှုများကို ဖြစ်ပေါ်စေသည်ဟု ဘာလီဒေသခံများက ပြောကြားခဲ့သည်။
"ပထမတစ်ကြိမ် ငလျင်လှုပ်တုန်းက လှေစီးနေတုန်း ယမ်းခါနေသလိုပါပဲ။ ဒုတိယတစ်ကြိမ်ကတော့ တစ်အိမ်လုံးတုန်ခါသွားတယ်" ဟု ၃၁ နှစ်အရွယ် ဒေသခံတစ်ဦးဖြစ်သူ အာဒီလာ ယူလီယာစီထရာက ဆိုသည်။
ကနဦးငလျင်လှုပ်ခတ်ပြီး မိနစ်ပိုင်းအတွင်း ပြင်းအား ၅ ဒသမ ၄ မဂ္ဂနီကျုနဲ့ ၅ ဒသမ ၆ မဂ္ဂနီကျုရှိ နောက်ဆက်တွဲငလျင်များ လှုပ်ခတ်ခဲ့သည်ဟု USGS က ထုတ်ပြန်ခဲ့သည်။
ဘာလီကျွန်းမှ လှေဖြင့်ခဏတာသွားလျှင် ရောက်ရှိသည့် လွန်ဘော့ကျွန်းနှင့် မလှမ်းမကမ်းရှိ ဂီလီကျွန်းစု၏ အရှေ့မြောက်ဘက် ၁၈၁ ကီလိုမီတာအကွာတွင် ငလျင်ဗဟိုပြုလှုပ်ခတ်ခဲ့ခြင်းဖြစ်သည်။
-
အာရှ အဝေးပြေးလမ်းမ ပြန်လည်ပြုပြင်နိုင်ရေး ထိုင်း တွန်းအားပေး
-
ရေဘေးကြာင့် ဆရာ၊ဆရာမ၊ဝန်ထမ်း ၉၅၀၀ ဦးကျော်ရေဘေးသင့်ခဲ့
-
WHO ကလှူသည့် ပြင်းထန်ဝမ်းပျက်ဝမ်း လျှောရောဂါကာကွယ်ဆေး ၂ သန်းကျော် (doses)ရောက်ရှိ
-
မုန်တိုင်း”ဆိုးလစ်ခ်”အရှိန်ကြောင့် မနက်ဖြန်မှစ၍ စက်တင်ဘာ ၂၅ ရက်အတွင်းတိုင်းနှင့်ပြည်နယ် (၁၃)ခု၌ မိုးသည်းထန်စွာရွာမည်
-
လွိုင်ကော်တွင် ရေကြီးမှု ထပ်မံဖြစ်ပါက လူနှင့် တိရိစ္ဆာန်များ ေ-သဆုံး၊ ပျောက်ဆုံးမှု မရှိစေရေး ကယ်ဆယ်ရေး လုပ်ငန်းများဆွေးနွေး
