အောက်တိုဘာလ ၂၄ ရက်က ယှဉ်ပြိုင်ကစားခဲ့သည့် ဝက်စ်ဟမ်း(၁-၁)မန်စီးတီးပွဲ စဉ်တွင် တံကောက်ကြောဒဏ်ရာရရှိခဲ့သည့် မန်စီးတီးတိုက်စစ်မှူး အဂွဲရိုးသည် တစ်လခန့် အနားယူရဖွယ်ရှိကြောင်း သတင်းများက ဖော်ပြခဲ့သည်။
မန်စီးတီးအသင်းနည်းပြ ဂွါဒီယိုလာက အောက်တိုဘာလ ၂၆ ရက်က ပြုလုပ်ခဲ့သော မာဆေးလ်နှင့် ချန်ပီယံလိဂ်ပွဲကြိုသတင်းစာ ရှင်းလင်းပွဲတွင်လည်း အဂွဲရိုး၏ဒဏ်ရာအခြေအနေနှင့်ပတ်သက်၍ အတည်ပြုပြောကြားခဲ့သည်။ "သူဟာ အကောင်းဆုံး အခြေအနေမှာ မရှိဘူးဆိုတာ ကျွန်တော်တို့ သိပါတယ်။ ဒူးဒဏ်ရာကြောင့် လေးလ သို့မဟုတ် ငါးလလောက် နားနေခဲ့သူတစ်ယောက်ဟာ ဒဏ်ရာက သက်သာလာပြီး ပြန်ကစားချိန်မှာ အမြဲတမ်းစွန့်စားရပါတယ်။ အခုအနားယူရမှုက အနည်းဆုံး ၁၀-၁၅ရက်လောက် ဖြစ်လိမ့်မယ်။ သုံးပတ်ကနေ တစ်လလောက် အထိလည်း ဖြစ်သွားနိုင်ပါတယ်။ ကျွန်တော် မခန့်မှန်းနိုင်ပါဘူး"ဟု ဂွါဒီယိုလာက ပြောကြားခဲ့သည်။
အဂွဲရိုးသည် ၂၀၂၀ ခုနှစ်အတွင်း သုံးကြိမ်မြောက် ဒဏ်ရာရရှိခဲ့ခြင်းဖြစ်ပြီး ယခုကဲ့သို့ ဒဏ်ရာပြဿနာများနှင့် မကြာခဏရင်ဆိုင်နေရခြင်းမှာ အသင်းနှင့် စာချုပ်သက်တမ်းတိုးရန်အတွက် မရေမရာပိုဖြစ်လာစေနိုင်ကြောင်း သုံးသပ်မှုများလည်း ရှိနေသည်။
ဂွါဒီယိုလာကလည်း အဂွဲရိုးအနေဖြင့် စာချုပ်သက်တမ်းတိုးရန်အတွက် ထိုက်တန်သည့် စွမ်းဆောင်မှုပြသရန် လိုအပ်သည်ဟု မကြာသေးမီက လူသိရှင်ကြား သတိပေးခဲ့ဖူးသည်။
-
မြန်မာ့လက်ရွေးစင်ဖူဆယ်အသင်း၏ ဂိုးနည်းပြဖြစ်လာသည့် ထိုင်းနိုင်ငံသားနည်းပြ
-
ရေဘေးသင့် ပြည်သူများအတွက် အလှူငွေလက်ခံပွဲ ပြည်နယ်နှင့် တိုင်း ၈ ခုတွင် ကျင်းပမည်
-
အီလက်ထရောနစ်နည်းလမ်းဖြင့် အခွန်ပေးဆောင်နိုင်ပြီဟုဆို
-
မန္တလေးတိုင်းအတွင်း ရေဘေးအန္တရာယ် လျင်မြန်စွာ တုံ့ပြန်နိုင်ရေး ကြိုတင်ကာကွယ်နိုင်ရန်နှင့် သတိပြုရန် မီးသတ်တပ်ဖွဲ့မှ လိုက်လံသတိပေးဆော်သြမှုများ လုပ်ဆောင်
-
စစ်တောင်းမြစ်ရေ တောင်ငူမြို့၌ စိုးရိမ်ရေမှတ်အထက် ၃ ပေခွဲခန့်ကျော်လွန်ရောက်ရှိနေ
