မွန်ပြည်နယ် မော်လမြိုင်မြို့ရှိ မဟာမြိုင် ပရိယတ္တိစာသင်တိုက်မှ ပြည်တွင်းပြည်ပ “ပ”သုံးလုံးသာသနာပြုအကျော် ဟိတဓရဆရာတော် ဘဒ္ဒန္တဝိမလာဘိဝံသ ဦးဆောင်၍ ပြည်တွင်းပြည်ပအလှူရှင်များက ရေဘေးသင့်ပြည်သူများအတွက် အလှူငွေကျပ်သိန်း ၆၀ဝ လှူဒါန်းထားပြီးဖြစ်ကြောင်း သိရသည်။
အဆိုပါ လှူဒါန်းငွေ ကျပ်သိန်း ၆၀ဝ မှာ စက်တင်ဘာ ၁၅ ရက်အထိ လှူဒါန်းမှုဖြစ်ကြောင်း ဆရာတော်၏ လှုပ်ရှားမှုသတင်းများကို ပုံမှန်ဖော်ပြနေသည့် Hitadara Channel တွင် ဖော်ပြထားချက်အရသိရသည်။
“ပြည်တွင်းပြည်ပအလှူရှင်များ၏ ကောင်းမှုတော် စက်တင်ဘာ ၁၅ ရက် တနင်္ဂနွေနေ့၌ သိန်း(၆၀ဝ)လှူဒါန်းပြီးဖြစ်ပါသည်။ ကျေးဇူးတင်ပါကြောင်း၊ လိုအပ်တဲ့နေရာမှာ လိုအပ်သလိုလှူပေးလို့ ဝမ်းသာပါတယ်။ ရေဘေးကြီးကြောင့် မိသားစုတွေ စီးပွါးရေးတွေ စိတ်ဓာတ်ပိုင်းဆိုင်ရာတွေ ဆုံးရှုံးနေကြ၊ အားငယ်နေကြ ပူဆွေးသောကရောက်နေကြသော မြန်မာနိုင်ငံရေဘေးမိသားစုများအားလုံး၏ ကိုယ်စား ကျေးဇူးလည်းတင်ပါတယ်။ ကျေးဇူးလည်းမမေ့ပါဘူး။ အခုလိုအဖြစ်ဆိုးကြီးကို ဘယ်တော့မှ မရောက်ပါစေပဲ အစဉ်ထာဝရ အေးချမ်းပျော်ရွှင်တဲ့ မိသားစုဘဝလေးကို ရရှိနိုင်ပါစေလို့ ဆုမွန်ကောင်းတောင်းအပ်ပါသည်” ဟု Hitadara Channel တွင် ရေးသားထားသည်။
ထိုသို့ လှူဒါန်းငွေများကို ဟိတဓရဆရာတော် ဘဒ္ဒန္တဝိမလာဘိဝံသကိုယ်တိုင် နေပြည်တော်နှင့် ရမည်းသင်းဒေသများ သွားရောက်လှူဒါန်းခဲ့ခြင်းဖြစ်ပြီး ယင်းလှူဒါန်းမှုများတွင် ရေနစ်မြုပ်မှုဒဏ်ခံစားခဲ့သည့် ပျဉ်းမနားမြို့နယ် ဆင်သေရွာ ပြန်လည်ထူထောင်ရေးအတွက် ကျပ်သိန်း ၁၀ဝ လှူဒါန်းခဲ့ကြောင်းသိရသည်။
-
ဒေသခံများ၏လုံခြုံရေးကို အတူပူးပေါင်းလုပ်ဆောင်ရန် နယ်မြေခံတပ်များနှင့် ဒေသခံများ တစ်သားတည်းဖြစ်နေရမည်ဟု ကာချုပ် မှာကြား
-
ဘင်္ဂလားပင်လယ်အော်အနောက်မြောက်ပိုင်းတွင် လေဖိအားနည်းရပ်ဝန်းဖြစ်ပေါ်နေပြီး တိုင်းဒေသကြီး ခုနစ်ခုနှင့် ပြည်နယ်ငါးခုတွင် မိုးကြီးခြင်းနှင့် လေပြင်းတိုက်ခတ်ခြင်းများ ကြုံတွေ့ရနိုင်ဟု မိုးဇလ ခန့်မှန်း
-
■ မူဆယ်မြို့တွင် အွန်လိုင်း လိမ်လည်မှုပြုလုပ်သူ တရုတ်နိုင်ငံသား ၄၃ ဦးနှင့် မြန်မာနိုင်ငံသား ဦးရေ ၄၀၀ ကျော် ဖမ်းဆီးရမိ
-
ရေဘေးသင့်ပြည်သူများအား လှူဒါန်းရန် ရည်ရွယ်ပြီး ဖူဆယ်ဘောလုံးပြိုင်ပွဲ စတင် ကျင်းပ
-
■ ဒေါ်အောင်ဆန်းစုကြည် လွတ်မြောက်ရေးအတွက် ပုပ်ရဟန်းမင်းကြီး ဖရန်ဆစ်က တောင်းဆိုခဲ့ပြီး ဗာတီကန်က ၎င်းအား လက်ခံကြိုဆိုကြောင်း ပြောကြား
