ရှမ်းပြည်ပြန်လည်ထူထောင်ရေးကော်မတီ (RCSS)မှ “ရေဘေးသင့်ပြည်သူများ ကူညီရေးကော်မတီ(RCSS)”ကိုဖွဲ့စည်းခဲ့ကြောင်း ရှမ်းပြည်ပြန်လည်ထူထောင်ရေးကောင်စီ၏ ဗဟိုအလုပ် အမှုဆောင်ကော်မတီမှ ယနေ့ စက်တင်ဘာ ၁၇ ရက်က ထုတ်ပြန်ခဲ့သည်။
ပြီးခဲ့သည့်ရက်များအတွင်းက မိုးသည်းထန်စွာအဆက်မပြတ်ရွာသွန်းမှုကြောင့် နေအိမ်များ၊ ကျေးရွာများနှင့်လယ်ကွင်းများအတွင်း ရေများဝင်ရောက်ခဲ့၍ အခက်အခဲများကြုံတွေ့နေရသည်ဟု ထုတ်ပြန်ချက်တွင်ရေးသားထားသည်။
ထို့ကြောင့် ရေဘေးသင့်ပြည်သူများအား ကူညီထောက်ပံ့ရေးနှင့်ပြန်လည်ထူထောင်ရေးတို့အ တွက် RCSS ၏ စီးပွားရေးဌာနမှူး ဗိုလ်မှူးစိုင်းရွေး ဦးဆောင်ကာ“ရေဘေးသင့်ပြည်သူများကူ ညီရေးကော်မတီ(RCSS)”ကိုဖွဲ့စည်းပေးခဲ့သည်ဟု ထုတ်ပြန်ခဲ့သည်။
အဆိုပါ ကော်မတီမှ ကူညီရေးရန်ပုံငွေမတည်ပေးခြင်း၊ ပြည်တွင်း/ပြည်ပမှအလှူရှင်များ၊ အ လှူရှင်အဖွဲ့များ(NGO-INGO)များအားဆက်သွယ် ၍ ရန်ပုံငွေများ၊ ဆန်နှင့်စားသောက်ကုန်များ၊ အသုံးအဆောင်ပစ္စည်းများရရှိနိုင်ရန် ဆောင်ရွက်သွားမည်ဖြစ်ကာ ရေဘေးသင့်သူများကူညီထောက်ပံ့ခြင်းကိုလည်း တာဝန်ယူဆောင်ရွက်သွားမည်ဟု ထုတ်ပြန်ရေးသားခဲ့သည်။
-
ဒေသခံများ၏လုံခြုံရေးကို အတူပူးပေါင်းလုပ်ဆောင်ရန် နယ်မြေခံတပ်များနှင့် ဒေသခံများ တစ်သားတည်းဖြစ်နေရမည်ဟု ကာချုပ် မှာကြား
-
ဘင်္ဂလားပင်လယ်အော်အနောက်မြောက်ပိုင်းတွင် လေဖိအားနည်းရပ်ဝန်းဖြစ်ပေါ်နေပြီး တိုင်းဒေသကြီး ခုနစ်ခုနှင့် ပြည်နယ်ငါးခုတွင် မိုးကြီးခြင်းနှင့် လေပြင်းတိုက်ခတ်ခြင်းများ ကြုံတွေ့ရနိုင်ဟု မိုးဇလ ခန့်မှန်း
-
■ မူဆယ်မြို့တွင် အွန်လိုင်း လိမ်လည်မှုပြုလုပ်သူ တရုတ်နိုင်ငံသား ၄၃ ဦးနှင့် မြန်မာနိုင်ငံသား ဦးရေ ၄၀၀ ကျော် ဖမ်းဆီးရမိ
-
ရေဘေးသင့်ပြည်သူများအား လှူဒါန်းရန် ရည်ရွယ်ပြီး ဖူဆယ်ဘောလုံးပြိုင်ပွဲ စတင် ကျင်းပ
-
■ ဒေါ်အောင်ဆန်းစုကြည် လွတ်မြောက်ရေးအတွက် ပုပ်ရဟန်းမင်းကြီး ဖရန်ဆစ်က တောင်းဆိုခဲ့ပြီး ဗာတီကန်က ၎င်းအား လက်ခံကြိုဆိုကြောင်း ပြောကြား