တောင်ကျရေနှင့်အတူ မိုးရွာသွန်းမှုများပြားသောကြောင့် ရှမ်းပြည်နယ်တောင်ပိုင်း၊ ညောင်ရွှေရှိ အင်းလေးကန်လည်း ရေမြင့်တက်နေပြီး ရွာတစ်ရာကျော်လည်း ယနေ့ စက်တင်ဘာ ၁၇ အထိ နစ်မြုပ်နေဆဲဖြစ်သည်။
“ရေမကျသေးဘူးဗျ၊ တောင့်နေတာ၊ အင်းလေးမှာရေတက်ရင် လကြာတတ်တော့ စိုးရိမ်တယ်၊ အစားအသောက်၊ ဆေးဝါးတွေလည်း ခက်ခဲနေတယ်” ဟု အင်းလေးဒေသခံတစ်ဦးက ပြောသည်။
အင်းလေးဒေသရှိ အင်းလေးကန်တွင် စက်တင်ဘာလဆန်းပိုင်းမှစတင်ကာ ရေတက်လာခြင်းဖြစ်ပြီး စက်တင်ဘာ ၁၂ ရက်နောက်ပိုင်း၌ ယခုကဲ့သိူ့ သိသိသာသာ ရေများသွားခြင်းဖြစ်ကြောင်း အထက်ပါ ဒေသခံကပင် ပြောသည်။
လက်ရှိတွင် အင်းလေးဒေသသိူ့ လာရောက်လှူဒါန်းသူများမှာ အနီးဝန်းကျင်မြို့များမှသာတနိုင်တပိုင် လာရောက်လှူဒါန်းနိုင်ကြပြီး အောက်ပြည်ဘက်မှဘရောက်လှူဒါန်းသည့်အဖွဲ့များမှာ နည်းပါးကြောင်းလည်း သိရသည်။
“သူ့မကူနိုင် ကိုယ့်မကယ်နိုင် ဖြစ်နေကြပြီ၊ အကုန်လုံး ပန်းနေကြပြီ။ အင်းသားတွေဆိုတော့ ပြန်ထူထောင်ရေးက လုပ်ရမယ်၊ ဆေးဝါး အစားအသောက် လောလောဆယ် ခက်နေတယ်” ဟုလည်း ညောင်ရွှေဒေသခံတစ်ဦးက ဆိုသည်။
အင်းလေးဒေသသည် အခြားသော ရေကြီးရေလျှံနေသည့် ပထဝီအနေထားမတူညီသည့် ရေထွက်ပေါက် နည်းပါးနေသောကြောင့်
ရေတက်ရက်သည် လနှင့်ချီ ကြာမြင့်နေပါက ဒေသခံများအတွက် နေထိုင်စားသောက်ရေး စိုးရိမ်ချက်တွေရှိနေကြကြောင်းလည်း မေးမြန်း သိရှိရသည်။
-
ဒေသခံများ၏လုံခြုံရေးကို အတူပူးပေါင်းလုပ်ဆောင်ရန် နယ်မြေခံတပ်များနှင့် ဒေသခံများ တစ်သားတည်းဖြစ်နေရမည်ဟု ကာချုပ် မှာကြား
-
ဘင်္ဂလားပင်လယ်အော်အနောက်မြောက်ပိုင်းတွင် လေဖိအားနည်းရပ်ဝန်းဖြစ်ပေါ်နေပြီး တိုင်းဒေသကြီး ခုနစ်ခုနှင့် ပြည်နယ်ငါးခုတွင် မိုးကြီးခြင်းနှင့် လေပြင်းတိုက်ခတ်ခြင်းများ ကြုံတွေ့ရနိုင်ဟု မိုးဇလ ခန့်မှန်း
-
■ မူဆယ်မြို့တွင် အွန်လိုင်း လိမ်လည်မှုပြုလုပ်သူ တရုတ်နိုင်ငံသား ၄၃ ဦးနှင့် မြန်မာနိုင်ငံသား ဦးရေ ၄၀၀ ကျော် ဖမ်းဆီးရမိ
-
ရေဘေးသင့်ပြည်သူများအား လှူဒါန်းရန် ရည်ရွယ်ပြီး ဖူဆယ်ဘောလုံးပြိုင်ပွဲ စတင် ကျင်းပ
-
■ ဒေါ်အောင်ဆန်းစုကြည် လွတ်မြောက်ရေးအတွက် ပုပ်ရဟန်းမင်းကြီး ဖရန်ဆစ်က တောင်းဆိုခဲ့ပြီး ဗာတီကန်က ၎င်းအား လက်ခံကြိုဆိုကြောင်း ပြောကြား