နစကအဖွဲ့ဝင် ကာကွယ်ရေးဝန်ကြီး ဗိုလ်ချုပ်ကြီး တင်အောင်စန်း ဦးဆောင်သော ကိုယ်စားလှယ်အဖွဲ့သည် တရုတ်နိုင်ငံပေကျင်းမြို့၌ ကျင်းပသည့် ပေကျင်းရှန်ကျန်းဖိုရမ်သို့ တရုတ်ကာကွယ်ရေးဝန်ကြီး၏ ဖိတ်ကြားမှုအရ တက်ရောက်ခဲ့ကြောင်း နိုင်ငံပိုင်သတင်းစာမှ သိရသည်။
(၁၁)ကြိမ်မြောက်အဖြစ် ကျင်းပသည့် ယင်းဖိုရမ်ကို စက်တင်ဘာ ၁၃ ရက်နေ့က ကျင်းပခြင်း ဖြစ်ကာ နိုင်ငံပေါင်းတစ်ရာကျော်ရှိကာကွယ်ရေးဝန်ကြီးများ အပါအဝင် ကိုယ်စားလှယ် ၁,၈၀၀ ကျော် တက်ရောက်ခဲ့ခြင်း ဖြစ်ကြောင်းလည်း သိရသည်။
ခရီးစဉ်အတွင်း ကာကွယ်ရေးဝန်ကြီးသည် တရုတ်နိုင်ငံ၊ ပေကျင်းမြို့ အခြေစိုက်အဆင့်မြင့် စက်မှုနည်းပညာဆိုင်ရာကုမ္ပဏီများသို့ သွားရောက်လေ့လာခဲ့ပြီး လေကြောင်းနည်းပညာဆိုင်ရာ ခေတ်မီထုတ်ကုန်များ၊ မောင်းသူမဲ့လေယာဉ်ထုတ်လုပ်မှုများ၊ အီလက်ထရောနစ် စစ်ဆင်ရေးနှင့် လေကြောင်းရန်ကာကွယ်ရေးနည်းပညာဆိုင်ရာ စစ်လက်နက်ပစ္စည်းများကို လေ့လာကြည့်ရှုခဲ့ကာ နည်းပညာပူးပေါင်းဆောင်ရွက် နိုင်မှုအခြေအနေများကို ကုမ္ပဏီများမှ တာဝန်ရှိသူများနှင့် ဆွေးနွေးညှိနှိုင်းခဲ့သည်ဟု သိရသည်။
ထို့အပြင် ကာကွယ်ရေးဝန်ကြီးသည် တရုတ်ပြည်သူ့သမ္မတနိုင်ငံ ဗဟိုစစ်ကော်မရှင် ဒုတိယဥက္ကဋ္ဌ ဗိုလ်ချုပ်ကြီးဟဲဝေတုန် (General He Weidong) နှင့်တွေ့ဆုံ၍ နှစ်နိုင်ငံနယ်စပ်ဒေသများ တည်ငြိမ်အေးချမ်းရေးနှင့် တရားဥပဒေစိုးမိုးရေး၊ ကာကွယ်ရေးဆိုင်ရာ နယ်ပယ်ကဏ္ဍစုံ၌ ပူးပေါင်းဆောင်ရွက်မှုများ တိုးမြှင့်ရေး၊ နှစ်နိုင်ငံဆွေမျိုးပေါက်ဖော် ချစ်ကြည်ရင်းနှီးမှု ပိုမိုခိုင်မာစေရေး၊ စစ်ဘက်နည်းပညာကဏ္ဍ ပူးပေါင်းဆောင်ရွက်မှုများ ဆက်လက်တိုးမြှင့်ဆောင်ရွက်ရေး၊ လေ့ကျင့်ရေးနှင့် သင်တန်းသားများစေလွှတ်ရေး၊ ဒေသတွင်းနှင့် မြန်မာနိုင်ငံ၏ လတ်တလောအခြေအနေများကိုလည်း ဆွေးနွေးခဲ့သည်ဟု သိရသည်။
စက်တင်ဘာ ၁၅ ရက် ညပိုင်း၌ ကာကွယ်ရေးဝန်ကြီးဦးဆောင်သော မြန်မာကိုယ်စားလှယ်အဖွဲ့သည် ရန်ကုန်မြို့သို့ ပြန်လည်ရောက်ရှိခဲ့ကြောင်း သိရသည်။
-
ဖိလစ်ပိုင်ကို ဦးတည်နေသည့် အပူပိုင်းမုန်တိုင်း စူပါတိုက်ဖွန်းအဆင့် ဖြစ်လာနိုင်
-
တယ်လီကွန်းနှင့်အင်တာနက်လိ-မ်လည်မှုတရားခံ ၂၀ ကို မြန်မာက တရုတ်သို့လွှဲပြောင်းပေးအပ်
-
ဗီယက်နမ်နှင့်ကမ္ဘောဒီးယားတို့ သတင်းအချက်အလက်နှင့်ပညာရေးကဏ္ဍ၌ ပူပေါင်းဆောင်ရွက်မှုတိုးမြှင့်မည်
-
ရထားလမ်းများကို ရေရှည်တည်တံ့ခိုင်မြဲရေး၊ အရည်အသွေးပြည့်မီရေး ဦးစားပေး၍ ပြုပြင်ရန် နစက ဥက္ကဋ္ဌမှာကြား
-
နေပြည်တော်ကဲ့သို့ မိတ္ထီလာဒေသကို စံပြနေရာတစ်ခုအဖြစ် ဖွံ့ဖြိုးတိုးတက်ရန်ဆောင်ရွက်နေ