ကလောမြို့ပေါ်တွင် ရေဘေးကြောင့် ၁၃ ဦးသေဆုံးပြီး လေးထောင်ကျော် ရေဘေးသင့်ကာ အိမ်အလုံးရေ ၈၀၀ ကျော် ပျက်စီးခဲ့ရသည်ဟု ကလောမြို့ ကြက်ခြေနီအဖွဲ့မှ တာဝန်ရှိသူတစ်ဦးက ပြောကြားသည်။
ကလောမြို့တွင် ရေဘေးသင့်အဆိုးဝါးဆုံးထိခိုက်ခဲ့သည့် နေရာမှာ ရပ်ကွက် ၂၊ ၃၊ ၄ ဖြစ်သည်။
“မြို့ရဲ့အနေအထားအရဆိုရင် ရပ်ကွက် ၃ က ထိခိုက်မှုအများဆုံးပဲ။ အဲ့ဒီရပ်ကွက်က ရေကိုထိပ်ဆုံးကနေ ခံရတာ။ ရေကဝင်ဆောင့်တော့ အဲ့ဒီမှာ အိမ်တွေကျွတ်ပါကုန်တယ်။ ရပ်ကွက် ၄ က မြို့လယ်ခေါင်လောက် ဖြစ်သွားတယ်။ ပြီးတော့ ရပ်ကွက် ၂ ပေါ့” ဟု အဆိုပါတာဝန်ရှိသူက ပြောကြားသည်။
စက်တင်ဘာ ၁၆ ရက်အထိ ရရှိထားသည့် စာရင်းများအရ သေဆုံးသူ ၁၃ ဦးရှိပြီး လူ ၄၀၉၇ ဦး ရေဘေးသင့်ခဲ့ကာ အိမ်အလုံးရေ ၈၁၂ လုံး ပျက်စီးခဲ့သည်။
“အိမ်ကျွတ်ပြီး ပါသွားတာ။ ဘယ်လိုမှ နေထိုင်လို့မရတော့ အိမ်မျိုးက ၂၃၄ လုံးရှိတယ်။ ရေထိလို့ ပျက်စီးသွားတာက ၅၇၈ လုံးရှိတယ်။ အဲ့ဒါကကျတော့ ပြန်နေလို့ရတယ်။ သန့်ရှင်းရေးပြန်လုပ်၊ ပြန်ပြင်လိုက်ရင် နေလို့ရတဲ့ အိမ်မျိုးပေါ့” ဟု ၎င်းက ဆက်လက်ပြောကြားသည်။
အဆိုပါစာရင်းများမှာ ကလောမြို့ပေါ်၏ အထိအခိုက်ပျက်စီးမှုများဖြစ်ပြီး ကလောမြို့ ပတ်ဝန်းကျင်ကျေးရွာများ၏ စာရင်းများ မရရှိသေးကြောင်း၊ ယင်းနေရာများကို ဆက်သွယ်ရန် မလွယ်ကူသေးသဖြင့် မသိရှိရသေးကြောင်း အဆိုပါတာဝန်ရှိသူက ပြောကြားသည်။
လတ်တလောတွင် ကလောမြို့ ရေဘေးသင့်ပြည်သူများအတွက် အဝတ်အထည်၊ စောင်၊ ခြင်ထောင်နှင့် ဒန်အိုးဒန်ခွက်၊ ပန်းကန်များ လိုအပ်နေကြောင်း သိရသည်။
-
မြဝတီ – ကော့ကရိတ် ဒေါနတောင် လမ်းဟောင်းတွင် (၁၀) ဘီးကား ချောက်ထဲထိုးကျတိမ်းမှောက်ပြီး ယာဉ်မောင်း အမျိုးသား အသက်ဆုံးရှုံး
-
တာချီလိတ်မြို့တွင် မိုးသည်းထန်စွာရွာသွန်းသဖြင့် အနိမ့်ပိုင်းရပ်ကွက်များ ရေကြီးရေလျှံထပ်မံဖြစ်ပွားနေ
-
အမျိုးသားများလည်းသန္ဓေတားဆေးသောက်နိုင်တော့မည်
-
မီယဇခိလေဆိပ်၌ ပေါက်ကွဲမှုဖြစ်၍ လေဆိပ်ယာယီပိတ်ခဲ့ရ
-
မြန်မာ့ကုန်ထုတ်လုပ်ငန်းကဏ္ဍ Lockdown ကန့်သတ်ချက်ဒဏ်ကြောင့် ဆိုးရွားစွာ ထိခိုက်နေဆဲဖြစ်ပြီး ဝယ်လိုအားနည်းပါးနေ၍ ထုတ်လုပ်မှုနှင့် အော်ဒါအသစ်များရရှိမှု ဆက်လက်ကျဆင်းနေ