ဧပြီ ၂၄ ရက် နံနက် ၉ နာရီထုတ်ပြန်ချက်တွင် ထုတ်ပြန်ခဲ့သည့် ဆေးသုတေသနဦးစီးဌာန (ရန်ကုန်) မှ စစ်ဆေးတွေ့ရှိသော COVID-19 လူနာသစ် ခုနစ်ဦးမှာ ရန်ကုန်ရှိ ဟိုတယ်တစ်ခုတွင် အသွားအလာ ကန့်သတ်ထားရှိ သူများဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ ထုတ်ပြန်ချက်အရ သိရသည်။
ထုတ်ပြန်ချက်အရ အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) နှင့် ဆေးသုတေသန ဦးစီးဌာန (ရန်ကုန်) တို့သည် (၂၃-၄-၂၀၂၀) ရက်နေ့တွင် စုစုပေါင်း (၃၂၉) ဦးတို့၏ ဓာတ်ခွဲနမူနာများအား စစ်ဆေးခဲ့ရာ စုစုပေါင်း (၁၂) ဦး၏ ဓာတ်ခွဲနမူနာများတွင် COVID-19 ရောဂါပိုးတွေ့ရှိ (တွေ့ရှိ) ရပြီး ကျန် (၃၁၇) ဦး တွင် COVID-19 ရောဂါပိုးမတွေ့ရှိ (မတွေ့ရှိ) ခဲ့ကြောင်း သိရသည်။
သို့ဖြစ်ရာ (၂၄-၄-၂၀၂၀) ရက်နေ့၊ နံနက် (၁၀:၀၀) နာရီအချိန်အထိ မြန်မာနိုင်ငံတွင် COVID-19 ရောဂါဓာတ်ခွဲ အတည်ပြုလူနာ စုစုပေါင်း (၁၃၉) ဦး တွေ့ရှိခဲ့ပြီး သေဆုံးလူနာ (၅) ဦးနှင့် ရောဂါသက်သာ၍ ဆေးရုံမှ ဆင်းခွင့်ရရှိသူ (၉) ဦး ရှိကြောင်း သိရသည်။
လက်ရှိအချိန်တွင် အဆိုပါ လူနာများအား သက်ဆိုင်ရာ ဆေးရုံများတွင် ဆေးကုသမှုပေးလျက် ရှိကြောင်း သိရသည်။
-
ထိုင်ဝမ်၌ ဆေးရုံမီးလောင်သဖြင့် လူကိုးဦးေ-သဆုံး
-
ဘားအံ-လှိုင်းဘွဲ့ ကားလမ်းပေါ်တွင် ရေကြီးရေလျှံမှုကြောင့် ပျက်စီးခဲ့သည့် (၉) နေရာအနက် (၈) နေရာအား ပြင်ဆင်ပြီး
-
လာအိုတွင် ပြုလုပ်မည့် အာဆီယံထိပ်သီးအစည်းအဝေးသို့ မြန်မာ့နိုင်ငံခြားရေးဝန်ကြီးဌာနမှ အမြဲတမ်းအတွင်းဝန် တက်ရောက်မည်
-
တောင်တရုတ်ပင်လယ်အတွင်း ဗီယက်နမ်ငါးဖမ်းသမားများအား တိုက်ခိုက်ခဲ့သည့် တရုတ်ကို ဗီယက်နမ် နိုင်ငံခြားရေးဝန်ကြီး ဝေဖန်
-
အောင်ဘာလေ အွန်လိုင်းထီ တစ်လ နှစ်ကြိမ် ဖွင့်လှစ်မည်ဖြစ်ပြီး ဂဏန်းအရေအတွက် ငါးလုံးပါဝင်မည်
