စစ်ကိုင်းတိုင်းဒေသကြီး ယင်းမာပင်ခရိုင် ဆားလင်းကြီးမြို့နယ်နှင့် ယင်းမာပင်မြို့နယ်တွင် COVID-19 ဧရိယာ ကန့်သတ်နယ်မြေအဖြစ် အပိတ်ခံရပြီးနောက် သမိုင်းဝင်ဖိုလ်ဝင်တောင် ရှေးဟောင်းယဉ်ကျေးမှု နယ်မြေအတွင်းရှိ မျောက်များ အစာရေစာအခက်ခဲဖြစ်ပေါ်နေကြောင်း ဒေသခံများ၏ ပြောကြားချက်အရ သိရသည်။
သမိုင်းဝင်ဖိုလ်ဝင်တောင်ရှေးဟောင်းယဉ်ကျေးမှုနယ်မြေအတွင်းသို့ COVID -19 အတည်ပြုလူနာ Case 8 (ဧည့်လမ်းညွှန်)အမျိုးသမီးသွားခဲ့သည့်အတွက် တိုင်းဒေသကြီးအစိုးရအဖွဲ့က ယင်းနေရာကို COVID-19ဧရိယာ ကန့်သတ်နယ်မြေအဖြစ် ပိတ်ထားခြင်း ဖြစ်ကြောင်း သိရသည်။
"အဓိကတော့ ဖိုလ်ဝင်တောင်မျောက်တွေက အစာရေစာအတွက် အခက်ခဲဖြစ်နေတယ်ကြားလို့ ကျွန်တော်တို့ မုံရွာမြို့ အိမ်ခြံမြေဝန်ဆောင်မှုအသင်းက အလှုရှင်တွေစုပေါင်းပြီးတော့ ဒီကမျောက်တွေအတွက် အစာရေစာ လာကျွေးတာပေါ့။ငှက်ပျောသီးတွေ၊မုန့်ကြွက်တွေ ကုလားပဲတွေ၊ ပြောင်းဖူးတွေ၊ ပြောင်းဆန်တွေကို ကျွေးခဲ့တယ်။ ဧပြီ ၂၄ ရက် (ဒီနေ့) အတွက်တော့ မျောက်တွေအတွက် အစာရေစာပြေလည်ပေမယ့် နောက်ရက်တွေအတွက် အစာရေစာ လိုအပ်နေသေးတယ်"ဟု မုံရွာမြို့ အိမ်ခြံမြေဝန်ဆောင်မှုအသင်း ဦးညိုဝင်းက ပြောကြားသည်။
လက်ရှိတွင် သမိုင်းဝင်ဖိုလ်ဝင်တောင်ရှေးဟောင်းယဉ်ကျေးမှုနယ်မြေတစ်ဝိုက်ရှိ ကျေးရွာများမှ သွားလာသူများကို ရှေးဟောင်း ယဉ်ကျေးမှုနယ်မြေ အဝင်ဂိတ်ပေါက်၌ အပူချိန်တိုင်းတာခြင်း၊ လက်ဆေးခြင်းစသည့်ကျန်းမာရေးစစ်ဆေးမှုများလည်း ပြုလုပ်နေကြောင်း သိရသည်။
သတင်း - ကောင်းခန့်လင်း(မုံရွာ)
-
ထိုင်ဝမ်၌ ဆေးရုံမီးလောင်သဖြင့် လူကိုးဦးေ-သဆုံး
-
ဘားအံ-လှိုင်းဘွဲ့ ကားလမ်းပေါ်တွင် ရေကြီးရေလျှံမှုကြောင့် ပျက်စီးခဲ့သည့် (၉) နေရာအနက် (၈) နေရာအား ပြင်ဆင်ပြီး
-
လာအိုတွင် ပြုလုပ်မည့် အာဆီယံထိပ်သီးအစည်းအဝေးသို့ မြန်မာ့နိုင်ငံခြားရေးဝန်ကြီးဌာနမှ အမြဲတမ်းအတွင်းဝန် တက်ရောက်မည်
-
တောင်တရုတ်ပင်လယ်အတွင်း ဗီယက်နမ်ငါးဖမ်းသမားများအား တိုက်ခိုက်ခဲ့သည့် တရုတ်ကို ဗီယက်နမ် နိုင်ငံခြားရေးဝန်ကြီး ဝေဖန်
-
အောင်ဘာလေ အွန်လိုင်းထီ တစ်လ နှစ်ကြိမ် ဖွင့်လှစ်မည်ဖြစ်ပြီး ဂဏန်းအရေအတွက် ငါးလုံးပါဝင်မည်
