တောင်ကိုရီးယားစစ်တပ်က ထောက်လှမ်းရေးကင်မရာ တစ်ထောင်ကျော်ကို ဖယ်ရှားလိုက်သည်ဟု စက်တင်ဘာ ၁၃ ရက်တွင် တာဝန်ရှိသူကအေအက်ဖ်ပီကို ပြောကြားခဲ့သည်။
ယင်းသို့ဖယ်ရှားခဲ့သည့် ထောက်လှမ်းရေး ကင်မရာများထဲတွင် မြောက်ကိုရီးယားနယ်စပ်အနီးရှိ ကင်မရာအချို့ပါဝင်သည် ဟု ဆိုသည်။
အဆိုပါ ထောက်လှမ်းရေး ကင်မရာများသည် တရုတ်ထုတ် ကင်မရာများဖြစ်နေသည်ကို တွေ့ရှိခဲ့ပြီးနောက် တောင်ကိုရီး ယားစစ်တပ်က ထောက်လှမ်းရေးကင်မရာ တစ်ထောင်ကျော်ကို ဖယ်ရှားခဲ့ခြင်း ဖြစ်သည်။
လုံခြုံရေးထူထပ်စွာ ချထားသော နယ်စပ်အပါအဝင် စစ်အခြေစိုက်စခန်းများတွင် တပ်ဆင်ထားသော ကင်မရာ ၁,၃၀၀ ဝန်းကျင်ကို ဖယ်ရှားခဲ့သည်ဟု တောင်ကိုရီးယားစစ်တပ် တာဝန်ရှိသူက အေအက်ဖ်ပီကို ပြောကြားခဲ့သည်။
ပုံမှန်လုပ်ဆောင်နေကျ စစ်ဆေးမှုအတွင်း အဆိုပါကင်မရာများကို တရုတ်နိုင်ငံတွင် ထုတ်လုပ်သည်ဟု တွေ့ရှိ ခဲ့သည်ဆိုသော်လည်း ယင်းကင်မရာများကို ကိုရီးယားကုမ္ပဏီတစ်ခုက တင်ပို့ပေးခဲ့ခြင်း ဖြစ်သည်ဟု ဆိုသည်။
စစ်တပ်ထဲရောက်လာသည့် ပြည်ပပစ္စည်းကိရိယာများနှင့်ဆက်စပ်၍ လုံခြုံရေးအားနည်းမှုများကို ဖော်ထုတ်စဉ် ယခုကဲ့သို့ တွေ့ရှိခြင်းဖြစ်သည်။
Ref:AFP
-
TRUST Entertainment ၏လုပ်ငန်းမှတ်ပုံတင် ယာယီရုပ်သိမ်းခံရ
-
နာဂဒေသအတွင်း မိုးရွာသွန်းမှုရှိနေသော်လည်း စိုးရိမ်ရသည့်အခြေအနေ မရှိဟုဆို
-
ကမ္ဘောဒီးယားနိုင်ငံဆိုင်ရာ မြန်မာသံရုံးမှတစ်ဆင့် ရေဘေးသင့်ပြည်သူများအတွက် လှူဒါန်းထားသည့် ဆန်အိတ်(၄၄၀၀)အိတ်ကို လွှဲပြောင်းပေးအပ်
-
မြစ်သားမြို့နယ်ရှိ ရပ်ကွက်/ကျေးရွာ(၂၁)ခုအတွင်း ပန်းလောင်မြစ်ရေမြင့်တက်ကာ ရေဝင်ရောက်၍ လူဦးရေ ၂ သောင်းခန့်ထပ်မံရေဘေးသင့်ခဲ့ ကယ်ဆယ်ရေးစခန်း ၂၇ ခုဖွင့်လှစ်ခဲ့
-
နိုင်ငံအသီးသီးမှ အဝယ်တော်များ တက်ရောက်မည့် COEX Food Week 2024 ပြပွဲတွင် မြန်မာများပါဝင်ရန် ဖိတ်ခေါ်