ပဲခူးတိုင်းဒေသကြီး၊တောင်ငူမြို့နှင့် အနီးတဝိုက်ရှိ ရေကြီး၊ ရေလျှံမှုဖြစ်ပေါ်နေသည့် ဒေသများသို့ ကယ်ဆယ်ရေးသွားရောက် ဆောင်ရွက်သူ ပရဟိတသမား (၂) ဦး ရေစီးနှင့်မျောပါကာ အသက်ဆုံးရှုံးခဲ့ရကြောင်း လူမှုကယ်ဆယ်ရေး အဖွဲ့များထံမှ သိရသည်။
ယမန်နေ့ စက်တင်ဘာ (၁၅)ရက်က တောင်ငူမြို့ ရေကြီး၊ ရေလျှံမှုကြောင့် ပိတ်မိနေသည့် ဒေသခံများကို သွားရောက်ကယ်ဆယ်ရာမှ ရှင်ပေါလုအသင်းမှ Volunteer အမျိုးသား (၁)ဦးနှင့် စုံစမ်းဆဲ အမျိုးသား (၁)ဦးတို့ အသက်ဆုံးရှုံးခဲ့ရခြင်းဖြစ်ကြောင်း သိရသည်။
“ယနေ့ တောင်ငူရေဘေး ကယ်ဆယ်ရေးလုပ်နေရင်း ကယ်ဆယ်ရေး (၂)ဦး ေ-သဆုံးကြောင်း သိရသဖြင့် များစွာ စိတ်မကောင်းဖြစ်ရပါတယ်။ ကောင်းရာသုဂတိလားကြပါစေ။ ကျွန်တော်တို့ လူမိုက်ကြီးတွေ ကျတဲ့ မျက်ရည်ပေါ့။ လူချင်းမသိပေမယ့် မွန်မြတ်တဲ့ ပရဟိတစိတ်ထားနဲ့ အများအတွက် ကယ်ဆယ်ရေးမှာ အသက်ပေးသွားသူမို့ ရင်ထဲနာနာကျင်ကျင်ပါပဲဗျာ။ ဒီရေဘေးမှာ အသက်ပေးကယ်သွားတဲ့ ကယ်ဆယ်ရေးသမား (၂( ယောက်ရှိပါတယ်”ဟု မြန်မာနိုင်ငံ လူမှုကယ်ဆယ်ရေးအဖွဲ့(ပြည်မြို့) ပရဟိတပါရမီ – Pyay Rescue ( ပဲခူးတိုင်းဒေသကြီး အနောက်ပိုင်း) ကဝမ်းနည်းစကားဆိုထားသည်။
ထို့ပြင် ၎င်းတို့ (၂)ဦး အသက်ဆုံရှုံးခဲ့ရမှု အပေါ် လူမှုကယ်ဆယ်ရေးအဖွဲ့ အသီးသီးမှလည်း ဝမ်းနည်းကြောင်း စကားများဆိုထားကြသည်။
နိုင်ငံတစ်ဝန်း ရေကြီး/ရေလျှံမှုများ ဖြစ်ပွားလျက်ရှိသည့် နေရာဒေသများသို့ ရန်ကုန်၊ မန္တလေးအခြေစိုက် လူမှုကူညီရေးအသင်းများနှင့် ပရဟိတအဖွဲ့အသီးသီးက မီးသတ်တပ်ဖွဲ့နှင့် ပူးပေါင်း၍ ရှာဖွေကယ်ဆယ်ရေး လုပ်ငန်းများ သွားရောက် ကူညီဆောင်ရွက်ပေးလျက်ရှိပြီး ရေဘေးတွင် ယခု ပရဟိတသမား (၂)ဦး အသက်ဆုံးရှုံးမှုမှာ ပထမဆုံးဖြစ်ကြောင်း သိရသည်။
-
နှစ်နိုင်ငံ နယ်စပ်ဒေသတွင် အခြေပြုလှုပ်ရှားနေသည့် အကြမ်းဖက်သမားများ၊ သောင်းကျန်းသူများကို တိုက်ဖျက်ရေး ပူးပေါင်းဆောင်ရွက်ရန် မြန်မာ-ဘင်္ဂလားဒေ့ရှ် ဆွေးနွေး
-
ဗန်းမော်မြို့အတွင်းသို့ ၁၀၇ မမ ရှော့တိုက်ဒုံးဖြင့် ပစ်ခတ်ခံရပြီး အမှတ် (၂၃၇) မူလတန်းကျောင်းတွင် ကျရောက်ပေါက်ကွဲသဖြင့် စာသင်ကျောင်းခေါင်မိုးနှင့် ပြတင်းတံခါးများ ပျက်စီး
-
အစိုးရအနေဖြင့် ထာဝရငြိမ်းချမ်းရေးအား အလေးအနက်ထားဆောင်ရွက်နေခြင်းကြောင့် တိုင်းရင်းသားလက်နက်ကိုင်အဖွဲ့များ တိုင်းပြည်အကျိုးစီးပွားကိုရှေးရှု၍ ငြိမ်းချမ်းရေးလမ်းကြောင်းပေါ် အမြန်ဆုံးလျှောက်လှမ်းရမည်ဟု နစကဥက္ကဋ္ဌ ပြောကြား
-
ရွှေကျင်မြို့နယ်ရှိ သံကူကွန်ကရစ်အမျိုးအစား ညောင်အိုင်ချောင်းကူးတံတား မိုင်းထောင်ဖောက်ခွဲဖျက်ဆီးခံရ
-
ဂရင်းဝုဒ်အား ယူရိုသန်း (၆၀) ဖြင့် ခေါ်ယူရန် ဘာစီလိုနာအသင်း စီစဉ်
