ကချင်ပြည်နယ် ဗန်းမော်မြို့အတွင်းသို့ ၁၀၇ မမ ရှော့တိုက်ဒုံးဖြင့် နိုဝင်ဘာ ၅ ရက် ပစ်ခတ်ခံရပြီး အမှတ်(၂၃၇) မူလတန်းကျောင်းတွင် ကျရောက်ပေါက်ကွဲသဖြင့် စာသင်ကျောင်းခေါင်းမိုးနှင့် ပြတင်းတံခါးများ ပျက်စီးခဲ့ကြောင်း နိုင်ငံတော်စီမံအုပ်ချုပ်ရေးကောင်စီသတင်းထုတ်ပြန်ရေးအဖွဲ့က ထုတ်ပြန်သည်။
ဗန်းမော်မြို့အတွင်းသို့ နိုဝင်ဘာလ ၅ ရက် ညနေပိုင်းတွင် KIA အဖွဲ့နှင့် PDF ပူးပေါင်းအဖွဲ့က ဗန်းမော်မြို့၏ မြောက်ဘက်မီတာ ၂၃၀၀ အကွာမှ ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း သတင်းထုတ်ပြန်ချက်တွင် ဖော်ပြထားသည်။
ထိုသို့ပစ်ခတ်တိုက်ခိုက်ခြင်းကြောင့် အမှတ် (၂၃၇) အခြေခံပညာမူလတန်းကျောင်းအတွင်းသို့ ကျရောက်ပေါက်ကွဲခဲ့ပြီး စာသင်ကျောင်းခေါင်မိုးနှင့် ပြတင်းတံခါးများ ပျက်စီးဆုံးရှုံးခဲ့ကြောင်း သတင်းထုတ်ပြန်ချက်အရ သိရသည်။
ထိုသို့ ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့သည့် အဖွဲ့များ၏နေရာတစ်ဝိုက်အား လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းများဆောင်ရွက်လျက်ရှိကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်မှုအရ သိရသည်။
-
ပြည်ပထွက်အလုပ်လုပ်လိုပါက PJ ပတ်စပို့လျှောက်ထားရန် အလုပ်သမားဝန်ကြီးဌာန ထပ်မံတိုက်တွန်း
-
နမ့်ခုတ်ချောင်းကူး ဆိုက်ခေါင်တံတားအား အောက်တိုဘာလ ဒုတိယပတ်အတွင်း ပြီးစီအောင်တည်ဆောက်သွားမည်
-
နှစ်နိုင်ငံ နယ်စပ်ဒေသတွင် အခြေပြုလှုပ်ရှားနေသည့် အကြမ်းဖက်သမားများ၊ သောင်းကျန်းသူများကို တိုက်ဖျက်ရေး ပူးပေါင်းဆောင်ရွက်ရန် မြန်မာ-ဘင်္ဂလားဒေ့ရှ် ဆွေးနွေး
-
ဗန်းမော်မြို့အတွင်းသို့ ၁၀၇ မမ ရှော့တိုက်ဒုံးဖြင့် ပစ်ခတ်ခံရပြီး အမှတ် (၂၃၇) မူလတန်းကျောင်းတွင် ကျရောက်ပေါက်ကွဲသဖြင့် စာသင်ကျောင်းခေါင်မိုးနှင့် ပြတင်းတံခါးများ ပျက်စီး
-
အစိုးရအနေဖြင့် ထာဝရငြိမ်းချမ်းရေးအား အလေးအနက်ထားဆောင်ရွက်နေခြင်းကြောင့် တိုင်းရင်းသားလက်နက်ကိုင်အဖွဲ့များ တိုင်းပြည်အကျိုးစီးပွားကိုရှေးရှု၍ ငြိမ်းချမ်းရေးလမ်းကြောင်းပေါ် အမြန်ဆုံးလျှောက်လှမ်းရမည်ဟု နစကဥက္ကဋ္ဌ ပြောကြား
