အွန်လိုင်း အလိ-မ်အညာဂိုဏ်းများတွင် အဓမ္မခိုင်းစေရန်အတွက် လူကုန်ကူးမှုလုပ်ခဲ့သည်ဟူသော စွပ်စွဲချက်ဖြင့် အထက်လွှတ်တော်အမတ် သူဋ္ဌေးကြီးတစ်ဦးကို အမေရိကက ပိတ်ဆို့ဒဏ်ခတ်ရန် ဆုံးဖြတ်ခဲ့မှုကို အလွန်စိတ်ပျက်ရသည်ဟု ကမ္ဘောဒီးယား အစိုးရက ထုတ်ဖော်ပြောဆိုသည်။ ယင်းလုပ်ရပ်သည် နိုင်ငံရေးရည်ရွယ်ချက်ဖြင့် လုပ်ဆောင်ခြင်းဖြစ်သည်ဟုလည်း ဆိုခဲ့သည်။
အမေရိက၏ ဒဏ်ခတ်ပိတ်ဆို့မှုများ ချမှတ်မည့် အစီအစဉ်ကို ကြာသပတေးနေ့တွင် ရိုက်တာသတင်းဋ္ဌာနက စတင်ဖော်ပြခဲ့ခြင်းဖြစ်သည်။ဝန်ကြီးချုပ်ဟောင်း ဟွန်ဆင်၏ သားဖြစ်သူ လက်ရှိဝန်ကြီးချုပ်သစ် ဟွန်မာနက်ကို အမေရိက က လက်ကမ်းရန် ကြိုးပမ်းခဲ့သော်ငြားလည်း ကမ္ဘောဒီးယားသည် ဝါရှင်တန်၏ မဟာပြိုင်ဘက် တရုတ်နှင့် ပိုမိုနီးကပ်သည့်လမ်းကိုသာ လိုက်ခဲ့မှုကြောင့် သိမ်မွေ့သည့် ဆက်ဆံရေးအခြေအနေတွင် ယခုကိစ္စဖြစ်ပေါ်လာခဲ့သည်။
ယခုကဲ့သို့ တစ်ဖက်သတ် ပိတ်ဆို့အရေးယူမှုများ ချမှတ်ခြင်းသည် နိုင်ငံတကာ ဥပဒေနှင့် နိုင်ငံအချင်းချင်း ဆက်ဆံရေးကို ထိန်းကွပ်သည့် အခြေခံစံနှုန်းများ၊ အထူးသဖြင့် အချုပ်အခြာအာဏာပိုင်မှုဆိုင်ရာ တန်းတူရေးနှင့် မစွက်ဖက်ရေးမူများဆိုင်ရာ လေးစားလိုက်နာရမှုများကို ထိခိုက်စေကြောင်း ကမ္ဘောဒီးယားနိုင်ငံခြားရေးဝန်ကြီးဋ္ဌာနက ထုတ်ပြန်ပြောဆိုခဲ့သည်။
ပစ်မှတ်ထားခံရသော သူဋ္ဌေးကြီး Ly Yong Phatသည် ၂၀၂၀ ပြည့်နှစ်က ဟွန်ဆင်(လက်ရှိ အထက်လွှတ်တော် ဥက္ကဋ္ဌ) ၏ ပုဂ္ဂိုလ်ရေးအကြံပေးအဖြစ် ခန့်အပ်ခံရသူဖြစ်သည်။
သူသည် ထိုင်းနိုင်ငံနှင့် ထိစပ်နေသည့် အနောက်တောင်ပိုင်းပြည်နယ်တခွင်ကို သြဇာလွှမ်းမိုးမှုကြောင့် “ King of Koh Kong” အဖြစ် အမည်တပ်ခံရသူဖြစ်သည်။
ပိတ်ဆို့ဒဏ်ခတ်မှုများသည် သူ၏ L.Y.P.Group လုပ်ငန်းစုနှင့် O-Smach ဟိုတယ်တို့ကို ပစ်မှတ်ထားခဲ့သည်။ Ly အပိုင် သို့မဟုတ် ထိန်းချုပ်သော ကမ္ဘောဒီးယားအခြေစိုက် Garden City ဟိုတယ်၊ Koh Kong Resort နှင့် ဖနွမ်ပင်ဟိုတယ်တို့ကိုလည်း ပိတ်ဆို့ဒဏ်ခတ်ထားသည်ဟု အမေရိကန် ဘဏ္ဍာရေးဋ္ဌာန၏ နိုင်ငံရပ်ခြားပိုင်ဆိုင်မှုများ ထိန်းချုပ်ရေးရုံးက ပြောဆိုခဲ့သည်။
Ref: ဘန်ကောက်ပို့စ်
-
ရှမ်း/မြောက် နောင်ပိန်ကျေးရွာ စစ်ရှောင်စခန်း(၄)ခုတွင် အလှူရှင် မရှိ၍ ဆေးဝါးနဲ့ စားနပ်ရိက္ခာလိုအပ်သည့် အခြေအနေကြုံတွေ့နေရ
-
အာဆီယံ-ဒါကာ ကော်မတီ၏ အလှည့်ကျ ဥက္ကဋ္ဌ တာဝန်ကို ဗီယက်နမ်သံအမတ်ကြီးမှ ဆက်လက်တာဝန်ယူသွားမည်
-
နိုင်ငံပိုင်ဘဏ်များအပါအဝင် ပုဂ္ဂလိကဘဏ် ၁၅ ဘဏ်နှင့် ချေးငွေဆိုင်ရာ ပူးပေါင်းဆောင်ရွက်မှု သဘောတူစာချုပ်များ လက်မှတ်ရေးထိုးခဲ့
-
SEAGP-SEAOP ၏ ၂၀၂၄ ခုနှစ် ချစ်ကြည်ရေး ပိုက်ကျော်ခြင်း ပြိုင်ပွဲကျင်းပပြီးစီး
-
ACD ထိပ်သီးအစည်းအဝေးအတွင်း ဝန်ကြီးဦးသန်းဆွေမှ ကာဂျစ်နိုင်ငံ ဒု-ဝန်ကြီးချုပ်၊ နီပေါ နိုင်ငံခြားရေးဝန်ကြီးတို့နှင့်သီးခြားစီတွေ့ဆုံခဲ့