Top News

နိုင်ငံကို ၅၅ နှစ်အုပ်ချုပ်ခဲ့သော မိသားစုထဲက သမ္မတ အလီဘွန်ဂိုအန်ဒင်ဘာ အနိုင်ရသည်ဟု ကြေညာခဲ့သော အငြင်းပွားစရာ ရွေးကောက်ပွဲအပြီးတွင် အာဏာသိမ်းလိုက်သော ဂါဘွန်အာဏာသိမ်းခေါင်းဆောင်များက သြဂုတ် ၃၀ ရက်တွင် ဗိုလ်ချုပ်ကြီးတစ်ဦးကို အသွင်ကူးပြောင်းကာလဆိုင်ရာ သမ္မတအဖြစ်ခန့်အပ်လိုက်သည်။

အာဏာလွှဲပြောင်းယူလိုက်သည်ဆို သောအာဏာသိမ်းမှုသည် ၂၀၂၀ ခုနှစ်နောက်ပိုင်း အခြားနိုင်ငံ ငါးနိုင်ငံတွင် စစ်တပ်က အာဏာသိမ်းခဲ့သော အာဖရိကတိုက်တွင် ကူးစက်ဖြစ်ပွားလွယ်သော သက်ဦးစံပိုင် စနစ်နှင့်စပ်လျဉ်း၍ အာဖရိကသမဂ္ဂနှင့် နိုင်ဂျီးရီးယားတို့ထံမှ ပြစ်တင်ရှုတ်ချမှုကို ပေါ်ပေါက်စေခဲ့သည်။

၂၀၀၉ ခုနှစ်တွင် ဖခင် အိုမာထံမှ အာဏာလွှဲယူခဲ့သော အသက် ၆၄ နှစ်အရွယ် ဘွန်ဂိုကို နေအိမ်အကျယ်ချုပ်ဖြင့် ထိန်းသိမ်းထားပြီး ၎င်း၏ သားတစ်ဦးကို နိုင်ငံတော်သစ္စာဖောက်မှုဖြင့် ဖမ်းဆီးထားသည်ဟု အာဏာသိမ်းခေါင်းဆောင်များက ပြောကြားသည်။

စစ်သားရာပေါင်းများစွာက သမ္မတအို လီဂွီဟုအော်၍ ဗိုလ်ချုပ်ကြီး ဘရိုက်အိုလီဂွီအန်ဂွီမာအား ပျော်ရွှင်စွာထမ်းလာသည်ကို ရုပ်သံဓာတ်ပုံများတွင် တွေ့ရသည်။ဗိုလ်ချုပ်ကြီးဘရိုက်အိုလီဂွီအန်ဂွီမာသည် ရီပတ်ဘလီကင်အစောင့်တပ်၏ ခေါင်းဆောင်ဖြစ်သည်။

အာဏာသိမ်းခေါင်းဆောင်များက  နောက်ပိုင်းတွင်အိုလီဂွီအန်ဂွီမာကို အသွင် ကူးပြောင်းရေးကာလဆိုင်ရာသမ္မတဟု ကြေညာကြောင်းရုပ်သံထုတ်ပြန်ချက်အရ သိရသည်။

အာဏာသိမ်းမှုသည် အရုဏ်မတက်မီ မိန့်ခွန်းဖြင့် အစပြုခဲ့ခြင်းဖြစ်သည်။ စစ်တပ်အရာရှိတစ်စုက သမ္မတနိုင်ငံ၏ဌာနအားလုံးကို ဖျက်သိမ်းကြောင်း ယင်းမိန့်ခွန်းတွင် ပြောကြားခဲ့ပြီး ရွေးကောက်ပွဲရလဒ်များကို ပယ်ဖျက်လိုက်ကာ နယ်စပ်များကို ပိတ်လိုက်သည်ဟု ပြောကြားခဲ့သည်။

“နိုင်ငံဟာ စိုးရိမ်စရာကောင်းတဲ့ အဖွဲ့အစည်းဆိုင်ရာပြဿနာ၊ စီးပွားရေးပြဿနာ၊ နိုင်ငံရေးပြဿနာ၊ လူမှုရေးပြဿနာတို့ကို ဖြတ်သန်းနေရတာ ဖြစ်ပါတယ်”ဟု နိုင်ငံပိုင်ရုပ်သံတွင် ဖတ်ကြားသောမိန့်ခွန်းအရသိရ သည်။

Ref: AFP