စစ်တောင်းမြစ်ရေမှာ (၂၄) နာရီအတွင်း (၁) ပေခွဲခန့် ကျဆင်းသွားနိုင်သော်လည်း အဆိုပါရေများသည် အောက်ဘက်သို့ ဆက်လက်စီးဆင်းလာမည်ဖြစ်သည့်အပြင် နောက် (၃) ရက် (၄) ရက်အတွင်း မိုးများနိုင်သောကြောင့် ပဲခူးတိုင်းဒေသကြီးရှိ မြို့နယ် ၁၆ ခု ဝန်းကျင်၌ ရေကြီးရေလျှံမှုကို သတိထားရန် လိုအပ်ကြောင်း ပြင်ပမိုးလေဝသပညာရှင် ဦးဝင်းနိုင်က ၎င်း၏ လူမှုကွန်ရက်စာမျက်နှာမှ တစ်ဆင့် သတိပေးထားသည်။
“အခုအချိန်မှာ စစ်တောင်းမြစ်ရေက အထက်ဘက် တောင်ငူမှာ စိုးရိမ်ရေမှတ်အထက် (၅) ပေခွဲကျော် ရောက်နေပြီး နောက် (၂၄) နာရီအတွင်း ၁ ပေခွဲလောက် ကျနိုင်မယ်လို့ မိုးဇလရဲ့ (၁၅) ရက် နေ့လယ် ခန့်မှန်းချက်မှာ တွေ့ရပါတယ်။ ဒီရေတွေက အောက်ဘက်ကို ဆက်ဆင်းလာမှာပါ။ ရေတွေ အောက်ဘက်ကို ရောက်လာချိန် နောက် (၃) ရက် (၄) ရက်အတွင်း ပဲခူးမြို့ဝန်းကျင်မှာ မိုးကများနိုင်ပြီး၊ (၁၇)ရက် လပြည့်နေ့ ဒီရေတက်ချိန်နဲ့လည်းတိုက်ဆိုင်နေပါတယ်။ အဲဒီရက်အတွင်း မိုးရေချိန် (၂၄) နာရီအတွင်း (၃၀) မီလီမီတာနဲ့အထက် ရွာရင်တော့ ပုံပါရေကြီးနိုင်ချေရှိတဲ့ Risk area တွေအတွက် အန္တရာယ်များပါတယ်”ဟု ဦးဝင်းနိုင်က ရေးသားထားသည်။
အဆိုပါ ရေကြီးနိုင်ခြေများသည့် ဒေသများမှာ ပဲခူးတိုင်းအတွင်းရှိ ပဲခူး၊ ဘုရားကြီး ၊ ပဲနွယ်ကုန်း၊ ညောင်လေးပင်၊ ကျောက်တံခါး၊ ပိန်းဇလုပ်၊ ဖဒို၊ မဒေါက်၊ ရွှေကျင်၊ ဝေါ၊ သနပ်ပင်၊ ပြွန်တန်ဆာ၊ ကဝ၊ သက္ကလ ၊ အင်းတကော်၊ ဒိုက်ဦး မြို့တို့ဖြစ်ကြောင်း ၎င်းက အသိပေးထားသည်။
ထို့ပြင် မိုးနှောင်းကာလမှာ အောက်တိုဘာ (၁၀) ရက်အထိ ဆက်ရှိနေပြီး၊ မုတ်သုံဆုတ်ခွာရက်မှာ ခန့်မှန်း အောက်တိုဘာ (၁၅)ရက်
ဝန်းကျင်ဖြစ်နိုင်သောကြောင့် မုတ်သုံဆုတ်ခွာချိန်ကာလများအတွင်း မိုးများတတ်ကြောင်း ၎င်းက ရေးသားထားသည်။
“၂၄ နာရီအတွင်းမှာ မိုးရေချိန် ၁.၂ လက်မခန့် အထက်ရွာရင် မိုးများပါတယ်။ (၁၇) ရက် ညနေ (၃) နာရီမှ (၁၈) ရက် ညနေ (၃) နာရီအတွင်း မိုးများနိုင်တာက ရန်ကုန်တိုင်းနဲ့ ပဲခူးတိုင်းအရှေ့တောင်ပိုင်းလောက်ပါပဲ။ ဒါကြောင့် ကျန်ဒေသတွေ စိုးရိမ်စရာ မရှိပါ”ဟု ၎င်းက ဆိုသည်။
ဧရာဝတီတိုင်းဒေသကြီး၊ ချင်းပြည်နယ်အစရှိသည့် ဒေသများထက် စစ်တောင်းမြစ်အောက်ပိုင်း၊ ပဲခူးအောက်ဘက်၊ သံလျင်မြို့နယ်နှင့် ရန်ကုန်ဒေသကြီး အရှေ့ပိုင်းခရိုင်များတွင် မိုးများနိုင်မည့် အခြေအနေကို စောင့်ကြည့်သတိထားသင့်ကြောင်းလည်း ၎င်းက အသိပေးရေးသားထားသည်။
-
ရှမ်း/မြောက် နောင်ပိန်ကျေးရွာ စစ်ရှောင်စခန်း(၄)ခုတွင် အလှူရှင် မရှိ၍ ဆေးဝါးနဲ့ စားနပ်ရိက္ခာလိုအပ်သည့် အခြေအနေကြုံတွေ့နေရ
-
အာဆီယံ-ဒါကာ ကော်မတီ၏ အလှည့်ကျ ဥက္ကဋ္ဌ တာဝန်ကို ဗီယက်နမ်သံအမတ်ကြီးမှ ဆက်လက်တာဝန်ယူသွားမည်
-
နိုင်ငံပိုင်ဘဏ်များအပါအဝင် ပုဂ္ဂလိကဘဏ် ၁၅ ဘဏ်နှင့် ချေးငွေဆိုင်ရာ ပူးပေါင်းဆောင်ရွက်မှု သဘောတူစာချုပ်များ လက်မှတ်ရေးထိုးခဲ့
-
SEAGP-SEAOP ၏ ၂၀၂၄ ခုနှစ် ချစ်ကြည်ရေး ပိုက်ကျော်ခြင်း ပြိုင်ပွဲကျင်းပပြီးစီး
-
ACD ထိပ်သီးအစည်းအဝေးအတွင်း ဝန်ကြီးဦးသန်းဆွေမှ ကာဂျစ်နိုင်ငံ ဒု-ဝန်ကြီးချုပ်၊ နီပေါ နိုင်ငံခြားရေးဝန်ကြီးတို့နှင့်သီးခြားစီတွေ့ဆုံခဲ့