ယူကရိန်းတပ်များသည် တောင်ပိုင်းရှေ့တန်းစစ်မျက်နှာရှိ ရိုဘိုတိုုင်ရွာကို ပြန်လည်သိမ်းပိုက်ခဲ့သည်ဟု သြဂုတ် ၂၈ ရက် တွင်ယူကရိန်းက ပြောကြားလိုက်ပြီး ယူကရိန်းတပ်များသည် အဆိုပါရွာတွင်အခိုင်အမာ နေရာယူထားသော ရုရှားတပ်များကို တန်ပြန်ထိုးစစ်ဆင်ခဲ့ခြင်းဖြစ်သည်ဟု ဆိုသည်။
ယူကရိန်းသည် အနောက်အုပ်စုကပေးသော စစ်လက်နက်များကို စုဆောင်းခဲ့ပြီးနောက် ဇွန်လတွင် ရုရှားကို တန်ပြန်ထိုးစစ် ဆင်နွှဲခဲ့သည်။
“ရိုဘိုတိုင်ရွာဟာ လွတ်မြောက်သွားပါပြီ။ ကျွန်မတို့ရဲ့ တပ်ဖွဲ့တွေဟာ ရိုဘိုတိုင် အရှေ့တောင်ဘက်နဲ့ မာလာတော့မာချလာ တောင်ဘက်ကို ချီတက်သွားကြပါတယ်”ဟု ယူကရိန်းဒုတိယကာကွယ်ရေးဝန်ကြီးဂျန် နာမာလျာကရုပ်မြင်သံကြားတွင် ပြောကြားသည်။
အဆိုပါရွာနှစ်ရွာသည် ဇာပိုရီရှားဒေသက ရွာများဖြစ်သည်။ ရုရှားသည် ဇာပိုရီရှားဒေသကို စစ်ရေးထိန်းချုပ်မှုမရှိသော်လည်း လွန်ခဲ့သောနှစ်တွင် ယင်းဒေသကို သိမ်းသွင်းထားသည်။
တောင်ပိုင်းစစ်မျက်နှာတွင် ယူကရိန်း၏ချီစစ်က အကန့်အသတ်ဖြစ်နေရာ ယူကရိန်းထိုးစစ် အောင်မြင်မှု ရှိမရှိနိုင်ငံရေးဆိုင်ရာ အငြင်းအခုံကို ပေါ်ပေါက်စေသည်။
ရုရှားလေကြောင်းကာကွယ်ရေးသည် မော်စကိုမြို့ကို ချဉ်းကပ်လာသော ဒရုန်းတစ်ခုနှင့် ယူကရိန်းနှင့် နယ်ချင်းထိနေသည့် ဒေသကို ချဉ်းကပ်လာသော ဒရုန်းနှစ်ခုတို့ကို ဖျက်ဆီးခဲ့သည်ဟု သြဂုတ် ၂၈ ရက် စောစောပိုင်းတွင် ရုရှားအာဏာပိုင်များက ပြောကြားသည်။
မြို့တော်မော်စကို အရှေ့တောင်ပိုင်းရှိ လူဘာစီခရိုင်က လေကြောင်းကာကွယ်ရေးသည် မော်စကိုဘက်ကို ပျံလာသော ဒရုန်းကိုဖျက်ဆီးခဲ့သည်ဟု မြို့တော်ဝန်ဆာဂေးဆိုဗျာနင်က တယ်လီဂရမ်တွင် ရေးသားခဲ့ပြီး ဒရုန်း ဖြင့် တိုက်ခိုက်သူအမည်ကို ဖော်ပြထားခြင်းမရှိပေ။
“ကနဦးသတင်းတွေအရ ထိခိုက်ဒဏ်ရာရသူ ဒါမှမဟုတ် ထိခိုက်ပျက်စီးမှုမရှိဘူးလို့ သိရပါတယ်။ အရေးပေါ်အဖွဲ့တွေကတော့ အဲဒီနေရာကို ရောက်နေပါတယ်”ဟု မော်စကိုမြို့တော်ဝန်က ဖော်ပြထားသည်။
ထို့အပြင် ယူကရိန်းနှင့် နယ်နိမိတ်ထိနေသော ဘရိုင်ယန်ဒေသတွင် လေကြောင်းကာကွယ်ရေးက အခြားဒရုန်းနှစ်ခုကို ဖျက်ဆီးခဲ့သည်ဟု ရုရှားကာကွယ်ရေးဝန်ကြီးဌာနက တယ်လီဂရမ်တွင် ဖော်ပြထားပြီး ထိခိုက်ပျက်စီးမှုသတင်းများကို မသိရသေးဟုဆိုသည်။
မြို့တော်မော်စကိုနှင့် အခြား ရုရှားဒေသများကို ယူကရိန်းက လွန်ခဲ့သောရက်ပိုင်းများတွင် ပစ်မှတ်ထားလာခဲ့သည်။ စစ်ပွဲသည်ရုရှားကိုလာပြီဟု မကြာသေးမီက ယူကရိန်းသမ္မတက ပြောကြားခဲ့သည်။
ယူကရိန်းပဋိပက္ခအကြောင်း အမေရိကန်သံတမန်များကို သတင်းပေးသည်ဟု ဆိုကာဗလာဒီဗော့စတော့ရှိ အမေရိကန်ကောင်စစ်ဝန်ရုံး ဝန်ထမ်းဟောင်းဖြစ်သော ရုရှားနိုင်ငံသားကို မိမိတို့ထိန်းသိမ်းလိုက်သည်ဟု သြဂုတ် ၂၈ ရက်တွင် ရုရှားက ပြောကြားသည်။
ရောဘတ်ရောဘတ်တိုဗစ်ချ်ရှိုနော့သည် မော်စကိုရှိ အမေရိကန်သံရုံးအတွက် သတင်းပေးလုပ်သည်ဟုဆိုကာ ထိန်းသိမ်းခြင်းဖြစ်သည်ဟုရုရှားအစိုးရက ပြောကြားသည်။
-
လေဖိအားနည်းရပ်ဝန်းအရှိန်ကြောင့် စစ်ကိုင်း အထက်ပိုင်း၊ ကချင်၊ ချင်းနှင့် ရခိုင်ပြည်နယ်တို့တွင် (၂၄)နာရီအတွင်း မိုးထစ်ချုန်းရွာနေဦးမည်
-
ကလောမြို့အနီး ကျောက်ဆောင်ကွေ့တွင် ရေကြီးမှုကြောင့် နေအိမ်ပျက်ဆီးဆုံးရှုံးခဲ့ရသူများ အကူအညီလိုအပ်လျှက်ရှိ
-
ရှမ်း/မြောက် နောင်ပိန်ကျေးရွာ စစ်ရှောင်စခန်း(၄)ခုတွင် အလှူရှင် မရှိ၍ ဆေးဝါးနဲ့ စားနပ်ရိက္ခာလိုအပ်သည့် အခြေအနေကြုံတွေ့နေရ
-
အာဆီယံ-ဒါကာ ကော်မတီ၏ အလှည့်ကျ ဥက္ကဋ္ဌ တာဝန်ကို ဗီယက်နမ်သံအမတ်ကြီးမှ ဆက်လက်တာဝန်ယူသွားမည်
-
နိုင်ငံပိုင်ဘဏ်များအပါအဝင် ပုဂ္ဂလိကဘဏ် ၁၅ ဘဏ်နှင့် ချေးငွေဆိုင်ရာ ပူးပေါင်းဆောင်ရွက်မှု သဘောတူစာချုပ်များ လက်မှတ်ရေးထိုးခဲ့