ကလောမြို့အနီး ကျောက်ဆောင်ကွေ့တွင် ရေကြီးမှုကြောင့် နေအိမ်များ ဆုံးရှုံးခဲ့ရသည့် လူဦးရေ ငါးဆယ်ခန့် အကူအညီလိုအပ်လျှက်ရှိသည်။
ကျောက်ဆောင်ကွေ့အနီးတွင် ရေကြီးမှုကြောင့် လမ်းမကြီးများ ပြိုကျပျက်ဆီးခဲ့ပြီး လမ်းမကြီးဘေးတွင် နေအိမ်ဆောက်ကာ နေထိုင်သည့် လူဦးရေငါးဆယ်ခန့်မှာ နေအိမ်များ ဆုံးရှုံးပျက်ဆီးခဲ့ရကြောင်း သိရသည်။
လမ်းမကြီးဘေးဖြစ်သဖြင့် လာရောက်ကူညီသူမရှိကြောင်း အဆိုပါ ကျောက်ဆောင်ကွေ့နေသူများထံမှ သိရသည်။
ကျောက်ဆောင်ကွေ့မှာ ကလောမြို့အဝင်အနီးတွင် တည်ရှိခြင်းဖြစ်ပြီး ကျောက်ဆောင်ကွေ့မှ ကလောမြို့သို့ သွားရန် နာရီဝက်ကျော်ခန့် ကြာမြင့်ကြောင်း သိရသည်။
"နာရီဝက်ကျော်လောက် မောင်းတာနဲ့ ကလောကို ရောက်ပြီ။ယင်းမာပင် ကျောက်ဆောင်ကွေ့ လမ်းမကြီးဘေးမှာ ဆောက်ထားတဲ့ အိမ်တွေပါ။လမ်းမကြီးဘေးမှာဆိုတော့ လှုတဲ့သူတွေက ကျော်သွားကြတာ။နေအိမ်က ခုနှစ်အိမ်ရှိတယ်။ကလေးတွေရော လူကြီးတွေရောဆို လူဦးရေက ငါးဆယ်လောက်ရှိတယ်။လမ်းဘေးမှာ အိမ်ဆောက်ပြီးနေကြသူတွေများတယ်။ရေကြီးတော့ လမ်းက ရေတိုက်စားပြီး ပြိုကျတာ"ဟု ကျောက်ဆောင်ကွေ့နေသူ တစ်ဦးက ပြောကြားသည်။
လက်ရှိတွင် ၎င်းတို့နေထိုင်ရန်နှင့် အစားအသောက်အခက်အခဲများ ဖြစ်ပေါ်လျှက်ရှိကြောင်း သိရသည်။
"အိမ်တွေက ပြိုကျသွားတော့ သူများအိမ်မှာ သွားနေနေရတယ်။အိမ်က ဘယ်လိုမှ ပြန်ဆောက်လို့ မရနိုင်တော့ပါဘူး။အလှုရှင်တွေက မသိတော့ ကျော်သွားကြတာ။လာရောက်လှုဒါန်းပေးဖို့ တောင်းဆိုချင်ပါတယ်"ဟုကျောက်ဆောင်ကွေ့နေသူ တစ်ဦးက ပြောကြားသည်။
စုစုပေါင်း နေအိမ်ခြောက်အိမ်ပျက်ဆီးဆုံးရှုံးခဲ့ပြီး ကျန်ရှိခဲ့သည့် နေအိမ် တစ်အိမ်အား ပြန်လည်ပြုပြင်ရန် ရောင်စဉ်မဲ့လူမှုကူညီရေးအသင်းနှင့်အလှုရှင်များမှ ငွေကျပ်ဆယ်သိန်း လှုဒါန်းခဲ့သည်။
"ယိုင်သွားတဲ့အိမ်ကို ပြန်လည်ပြုပြင်ဖို့ ဆယ်သိန်းလှုဒါန်းခဲ့ပါတယ်။ဒီအိမ်ပြင်ပြီးရင် မိသားစုသုံးစုလောက် ပေါင်းနေဖို့ အဆင်ပြေသွားမှာပါ"ဟုရောင်စဉ်မဲ့လူမှုကူညီရေးအသင်းမှ တာဝန်ရှိသူတစ်ဦးက ပြောကြားသည်။
ထို့ပြင် နေအိမ်ပျက်ဆီးဆုံးရှုံးခဲ့သည့် အိမ်ထောင်စုတစ်စုလျှင် အလှုငွေငါးသောင်းကျပ်နှင့်ခေါက်ဆွဲခြောက်များ ဆက်လက်လှုဒါန်းခဲ့သည်။
-
အောင်ပန်းမြို့တွင် စာသင်ကျောင်းအနီး ရပ်ထားသည့် ကားကို ဆိုင်ကယ်မှ အရှိန်ဖြင့်ဝင်တိုက်မိရာ ဆိုင်ကယ်မောင်းသူကို ဆေးရုံသို့ ပို့ဆောင်လိုက်ရ
-
တောင်တွင်းကြီးမြို့တွင် နေအိမ် တစ်အိမ် မီးလောင်ကျွမ်းမှုဖြစ်ပွားရာ အိမ်အတွင်း အိပ်ပျော်နေသည့် ကလေးငယ် (၂) ဦး မီးလောင်အသက်ဆုံးရှုံးခဲ့ရ
-
မြဝတီ သောင်ရင်းမြစ်ရေ ပြန်ကျ
-
လေဖိအားနည်းရပ်ဝန်းအရှိန်ကြောင့် စစ်ကိုင်း အထက်ပိုင်း၊ ကချင်၊ ချင်းနှင့် ရခိုင်ပြည်နယ်တို့တွင် (၂၄)နာရီအတွင်း မိုးထစ်ချုန်းရွာနေဦးမည်
-
ကလောမြို့အနီး ကျောက်ဆောင်ကွေ့တွင် ရေကြီးမှုကြောင့် နေအိမ်ပျက်ဆီးဆုံးရှုံးခဲ့ရသူများ အကူအညီလိုအပ်လျှက်ရှိ