စစ်တောင်းမြစ်ရေ စိုးရိမ်ရေမှတ်အထက် မြင့်တက်ခဲ့သည့် တောင်ငူမြို့တွင် ရေဘေးရှောင်စခန်း (၅၁)ခု အထိဖွင့်လှစ်ထားရပြီး ဒေသခံပြည်သူများကို ရေဘေးလွတ်ရာသို့ ပြောင်းရွှေ့ထားရကြောင်း သိရသည်။
အဆိုပါ စစ်တောင်းမြစ်ရေ မြင့်တက်မှုကြောင့် တောင်ငူမြို့၊ အမှတ် (၁)၊ (၈)၊ (၉)၊ (၁၀)၊ (၁၉)၊ (၂၀)၊ (၂၃)ရပ်ကွက်နှင့် ကျေးရွာများရှိ မြေနိမ့်ပိုင်းများအပါအဝင် ယိုးဒယားပေါက်အနီး ရန်ကုန်-မန္တလေး လမ်းဟောင်း လမ်းမကြီးပေါ်သို့ စစ်တောင်းမြစ်ရေ ဝင်ရောက်လျက်ရှိကြောင်း သိရသည်။
ထို့ကြောင့် ရေဘေးသင့်ပြည်သူများအား တောင်ပိုင်းတိုင်းစစ်ဌာနချုပ်၊ တောင်ငူတပ်နယ်မှ တပ်မတော်သားများ၊ မီးသတ်တပ်ဖွဲ့ဝင်များနှင့် ပရဟိတအသင်းအဖွဲ့ဝင်များပူးပေါင်း၍ ဘေးလွတ်ရာသို့ ရွှေ့ပြောင်းပေးလျက်ရှိကြောင်း သိရသည်။
ရေဘေးရှောင်စခန်းများတွင် ဆန်၊ ဆီ၊ ကြက်ဥ၊ သောက်ရေသန့်နှင့် စားသောက်ဖွယ်ရာများ ထောက်ပံ့ပေးနိုင်ရန် ဆောင်ရွက်ပေးလျက်ရှိကြောင်း၊ တောင်ငူခရိုင် သဘာဝဘေးအန္တရာယ်ဆိုင်ရာ စီမံခန့်ခွဲမှု ကွပ်ကဲမှုရုံးကို သာသနာ့ဗိမာန်တော်ကြီး၌ ဖွင့်လှစ်ထားကြောင်းပြီး ရေဘေးသင့်ပြည်သူများအနေဖြင့် ဖုန်းနံပါတ်- ၀၉၅၀၃၂၆၄၆ သို့ အရေးပေါ်ဆက်သွယ်နိုင်ကြောင်း သိရသည်။
စစ်တောင်းမြစ်ရေသည် စိုးရိမ်ရေအမှတ် (၆၀၀) အထက်ကျော်လွန်ပြီး အမြင့်ဆုံးရေမှတ် (၈၁၉) စင်တီမီတာသို့ရောက်ရှိခဲ့ပြီးနောက် ယမန်နေ့နံနက် (၉) နာရီအချိန်တွင် (၈၀၉) စင်တီမီတာသို့ ကျဆင်းခဲ့သည်ဟု တောင်ငူ ခရိုင်မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။
-
စမ်းချောင်းတွင် ဆောက်လုပ်ရေး လုပ်ငန်းခွင်၌ အုတ်တံတိုင်းဖြိုချရာမှ လုပ်သားတစ်ဦး အုတ်တံတိုင်းပိမိခဲ့သည့်အတွက် ဆေးရုံသို့ ပို့ဆောင်ရ
-
ရေကြီးနစ်မြုပ်မှုကြောင့် မိုးစပါးသီးနှံ ထိခိုက်မှုရှိခဲ့သည့် စိုက်ခင်းများအတွက် တစ်ဧက ကျပ်တစ်သိန်းနှုန်းဖြင့် အတိုးမဲ့ ချေးပေးရန်လျာထား
-
အခြေခံပညာရေးအတွင်း ဥပဒေပိုင်းဆိုင်ရာ အခြေခံအသိအမြင်များ သင်ကြားပို့ချရန် နစကဥက္ကဋ္ဌ တိုက်တွန်း
-
ယနေ့ယူကရိန်းသည် မနက်ဖြန်၏ အရှေ့အာရှဖြစ်လာနိုင်ကြောင်း ဂျပန်ဝန်ကြီးချုပ်သစ် သတိပေး
-
ကုလဒုက္ခသည်အေဂျင်စီနှင့်WHO မှထောက်ပံ့ပစ္စည်းများ လက်ဘနွန်ရရှိ
