ဧရာဝတီတိုင်းဒေသကြီး၊ ပန်းတနော်မြို့နယ်၊ ကညင်ကုန်းအုပ်စု၊ နတ်ဆည်ကျေးရွာတွင် တိုးမြစ်ရေ မြင့်တက်လာပြီး လူနေအိမ်ခြေ (၁၀၀) ကျော် ရေနစ်မြုပ်နေကြောင်း ဒေသခံများ၏ ပြောပြချက်အရ သိရသည်။
အဆိုပါဒေသ၌ စက်တင်ဘာ (၁၁) ရက်မှစတင်ပြီး မိုးသည်းထန်စွာရွာသွန်းမှုကြောင့် တိုးမြစ်ရေ မြင့်တက်လာကာ ရေနစ်မြုပ်မှုဖြစ်ပွားခဲ့ခြင်း ဖြစ်သည်။
” မိုးကဆက်တိုက်ရွာတာရယ်၊ မြစ်ရေမြင့်တက်လာတာတွေကြောင့် ရေနစ်မြုပ်တာ။ အကူအညီတွေက လိုအပ်တယ်။ ဒါပေမဲ့ တော်တော်များများက နေပြည်တော်နဲ့ တောင်ငူဘက်သွားကြတော့ ဒီဘက်သိပ်မလာကြဘူး။ ရေကြီးတာ တစ်ခေါက်ထက်တစ်ခေါက် ပိုပိုဆိုးလာတယ်”ဟု ကညင်ကုန်းအုပ်စု၊ နတ်ဆည်ကျေးရွာမှ ဒေသခံတစ်ဦးက ပေါ်ပြူလာနယူးစ်သို့ ပြောသည်။
ပြီးခဲ့သည့် ဇူလိုင်လ ပထမအပတ်တွင်လည်း မအူပင်မြို့နယ်၌ တိုးမြစ်ရေ ဝင်ရောက်မှုကြောင့် ရေကြီးရေလျှံမှု ဖြစ်ပွားလာကာ အိမ်ခြေထောင်ချီ ရေနစ်မြုပ်ခဲ့ပြီး အထက်တ န်းကျောင်းများ အပါအဝင် အခြေခံပညာကျောင်း (၂၂) ကျောင်းအထိ ပိတ်ခဲ့ရကြောင်း သိရသည်။
ထို့ပြင် မိုးကြီးပြီး ရေကြီးရေလျှံ ဖြစ်ပေါ်နေသည့် မြန်မာနိုင်ငံ အလယ်ပိုင်းဒေသ နေပြည်တော်နှင့် တိုင်းနှင့် ပြည်နယ် (၁၀) ခုတွင် စက်တင်ဘာ (၁၅) ရက်အထိ မိုးဆက်ကြီးနိုင်ကြောင်း မိုးဇလဌာနက အသိပေးထားသည်။
-
ရေကြီးနေသော ချင်းမိုင်တွင် ဆင်များကို ဆက်လက်ကယ်ထုတ်နေ
-
ဆားတောတံတားပြုပြင်ပြီးဖြစ်၍ ပြန်လည်ဖြတ်သန်းခွင့်ပြု
-
နိုင်ငံအတွက် လူ့စွမ်းအားအရင်းအမြစ်ကောင်းများမွေးထုတ်ပေးရေးတွင် ဆရာသည်သာ အခရာဖြစ်ဟု နစက ဥက္ကဋ္ဌပြောကြား
-
ဖီဖာ နိုင်ငံတကာခြေစမ်းပွဲများ ကစားမည့် ကစားသမားများစာရင်း ထုတ်ပြန်
-
မြို့သာစက်မှုဇုန်ရှိ မြန်မာ-တရုတ်ဖက်စပ် ဘီစကစ်စက်ရုံဓ-ားပြတိုက်ခံရပြီး ငွေကျပ်သိန်း (၃၀၀)နှင့်ကားတစ်စီးကို လုယက်ယူဆောင်သွား
