လီဗာပူးလ်အသင်းက ခုနစ်ပွဲကစား ၁၆ မှတ်ဖြင့် ထိပ်ဆုံးနေရာတွင် ပူးတွဲရပ်တည်နေပြီး မန်စီးတီးအသင်းမှာမူ ခြောက်ပွဲကစား ၁၁ မှတ်ဖြင့် အဆင့် ၁၂ နေရာရောက်ရှိနေသည်။ သို့ဖြစ်ရာ မန်စီးတီး အသင်းအတွက် ရမှတ်ကွာဟမှုလျှော့ချရန် အရေးကြီးနေသော်လည်း ဂွါဒီယိုလာက ယခုလို သုံးသပ်ပြောကြားခြင်းဖြစ်သည်။
မန်စီးတီးအသင်းနည်းပြ ဂွါဒီယိုလာက လက်ရှိချန်ပီယံ လီဗာပူးလ်အသင်းနှင့်ကစားရမည့်ပွဲမှာ အရေးပါသော်လည်း ပရီးမီးယားလိဂ်ပြိုင်ပွဲမှာ အမေရိကန်သမ္မတရွေးကောက်ပွဲ၌ မဲအားလုံးရေတွက်ရသကဲ့သို့ ပွဲစဉ်အားလုံးအရေးပါကြောင်း သုံးသပ်ပြောကြားခဲ့သည်။
မန်စီးတီးအသင်းနှင့် လီဗာပူးလ်အသင်းသည် ပရီးမီးယားလိဂ်ပွဲစဉ် ၈ အဖြစ် ယနေ့ (တနင်္ဂနွေနေ့) မြန်မာစံတော်ချိန် ည ၁၁ နာရီ အချိန်တွင် မန်ချက်စတာမြို့ရှိ အီတီဟတ်ကွင်း၌ ယှဉ်ပြိုင်ကစားရမည်ဖြစ်သည်။ ယင်းပွဲမတိုင်မီ ချန်ပီယံ လီဗာပူးလ်အသင်းက ခုနစ်ပွဲကစား ၁၆ မှတ်ဖြင့် ထိပ်ဆုံးနေရာတွင် ပူးတွဲရပ်တည်နေပြီး မန်စီးတီးအသင်းမှာမူ ခြောက်ပွဲကစား ၁၁ မှတ်ဖြင့် အဆင့် ၁၂ နေရာရောက်ရှိနေသည်။ သို့ဖြစ်ရာ မန်စီးတီး အသင်းအတွက် ရမှတ်ကွာဟမှုလျှော့ချရန် အရေးကြီးနေသော်လည်း ဂွါဒီယိုလာက ယခုလို သုံးသပ်ပြောကြားခြင်းဖြစ်သည်။
"ဒါက အရေးကြီးတဲ့ပွဲပါ။ ဒါပေမဲ့ အမေရိကန်က သမ္မတရွေးကောက်ပွဲလိုပဲ မဲအားလုံးကို ရေတွက်ဖို့ လိုပါတယ်။ ဒါကြောင့် ရမှတ်တွေ အများကြီးအတွက် ကစားရဦးမှာပါ။ အရေးကြီးဆုံးအချက်ကတော့ ဗာဂျီလ် (ဗန်ဒိုက်) ရဲ့ ခွဲစိတ်ကုသမှုအဆင်ပြေပြီး တတ်နိုင်သမျှ အမြန်ဆုံးပြန်ကောင်းလာဖို့ပဲ မျှော်လင့်ပါတယ်။ ကျွန်တော် သူ့ကိုသတိရပါတယ်။ ကွင်းထဲမှာ အကောင်းဆုံးကစားသမားတွေနဲ့ ကစားရတာကို ကျွန်တော်သဘောကျပါတယ်။ လီဗာပူးလ်က မယုံနိုင်လောက်စရာအသင်း တစ်သင်း၊ ထိပ်တန်းအသင်းအဖြစ် ရှိနေဆဲပါပဲ။ ဘာဖြစ်လို့လဲဆိုတော့ သူတို့ရဲ့တည်ဆောက်ပုံကြောင့်ပါ။ အတ္တလန္တာနဲ့ပွဲရလဒ် ကိုကြည့်လိုက်ပါ။ သူတို့ (အတ္တလန္တာ) ကို အဝေးကွင်းမှာ အနိုင်ရဖို့ ဘယ်လောက်ခက်လဲဆိုတာ ကျွန်တော်တို့သိပါတယ်။ ဒါကို သူတို့လုပ်နိုင်ခဲ့ပါတယ်။ ဒါကြောင့်လည်း လီဗာပူးလ်က ထိပ်တန်းအသင်း၊ ကမ္ဘာ့အဆင့် အသင်းအဖြစ် ဆက်ရှိနေတာပါ။ ချန်ပီယံဆုအတွက် သူတို့က ရေပန်းအစားဆုံးပါပဲ။ ဒါပေမဲ့ ကပ်ရောဂါကြုံတွေ့နေတဲ့ ဒီရာသီက အရင်ရာသီတွေနဲ့မတူဘဲ တခြားအသင်းတွေကလည်း တကယ်အင်အားတောင့်လာတယ်လို့ ကျွန်တော်ထင်ပါတယ်" ဟု ဂွါဒီယိုလာက ဆိုသည်။
လီဗာပူးလ်အသင်းနည်းပြ ယာဂန်ကလော့ပ်ကလည်း "ဒီပွဲက အရမ်းခက်ခဲပါတယ်။ မန်ချက်စတာစီးတီးနဲ့ကစားရတာက ကမ္ဘာပေါ်မှာ အခက်ခဲဆုံးပွဲလို့ ကျွန်တော် ပြောချင်ပါတယ်။ နှစ်သင်းစလုံးအတွက် အရမ်းခက်ခဲမှာပါ။ ဘာဖြစ်လို့လဲဆိုတော့ နှစ်သင်းစလုံးက ထိပ်တန်းအဆင့်ပုံစံမျိုး ကစားကြမှာဖြစ်လို့ပါ။ ကျွန်တော်တို့အနေနဲ့ ကြံ့ခိုင်မှုအပြည့်ဝဆုံး၊ အကောင်းဆုံးကစားသမားတွေနဲ့ ရင်ဆိုင်ကစားသွားမှာပါ" ဟု သုံးသပ်ပြောကြားခဲ့သည်။
-
မြန်မာနိုင်ငံအလယ်ပိုင်း သဘာဝဘေးဒဏ်သင့် ပြည်သူများအား ကူညီထောက်ပံ့မှုများဆောင်ရွက်နိုင်ရန် သထုံမြို့ပေါ်ရှိ အခြေခံပညာမူလတန်းလွန်ကျောင်းများမှ ဆရာ၊ ဆရာမများ၊ ကျောင်းသား၊ ကျောင်းသူလေးများမှ အလှူငွေများလှူဒါန်း
-
မန္တလေးတိုင်းနှင့်မွန်ပြည်နယ်တို့ရှိ ရေဘေးသင့်ပြည်သူများအတွက် အလှူငွေပေးအပ်ပွဲတွင် ငွေကျပ်သိန်း(၁)သောင်းကျော်ရရှိ
-
စားအုန်းဆီကို အိမ်အရောက်ပို့စနစ်ဖြင့် တစ်လ (၃) ပိဿာရောင်းချပေးရာမှ (၂.၇၅) ပိဿာသာ ရောင်းချပေးတော့မည်ဟုဆို
-
ရေဘေးကြောင့် ပျက်စီးခဲ့သည့် ပညာရေးအဆောက်အဦများကို နိုင်ငံတော်အစိုးရမှအမြန်ဆုံးပြင်ဆင်တည်ဆောက်ပေးသွားမည်
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
