မန်စီးတီးကွင်းလယ်ကစားသမား ဒီဘရိုင်းနားက ဒဏ်ရာမှပြန်လည်သက်သာလာပြီးနောက် ပြသနေသည့် မိမိ၏ခြေစွမ်းအပေါ် မိမိကို်ယ်တိုင် အံ့သြမိကြောင်း ဝန်ခံပြောကြားခဲ့သည်။
ဖေဖော်ဝါရီ (၂၇) ရက်က ကစားခဲ့သည့် FA ဖလားပဥ္စမအဆင့်ပွဲစဉ် လူတန် (၂-၆) မန်စီးတီးပွဲတွင် ဒီဘရိုင်းနားသည် တိုက်စစ်မှူး ဟာလန်း သွင်းယူခဲ့သည့် (၅) ဂိုးတွင် (၄) ဂိုး အထိ ဖန်တီးပေးခဲဲ့သည်။
ထို့ကြောင့် ပွဲအပြီးတွင် မန်စီးတီးနည်းပြ ဂွါဒီယိုလာက ဟာလန်း နှင့် ဒီဘရိုင်းနားတို့၏ အချိတ်အဆက်မိမှုကို ချီးကျူးခဲ့သလို၊ လူတန်နည်းပြ အက်ဒ်ဝက်ဒ်ကလည်း ဟာလန်းနှင့် ဒီဘရိုင်းနားတို့မှာ လက်ရှိဘောလုံးလောကတွင် အကောင်းဆုံး နံပါတ် (၉) နှင့် နံပါတ် (၁၀) ကစားသမားများဖြစ်သည်ဟု ချီးကျူးခဲ့သည်။
ဒီဘရိုင်းနားသည် ရာသီအစက ရရှိခဲ့သည့် တံကောက်ကြောဒဏ်ရာကြောင့် (၆) လနီးပါး အနားယူခဲ့ရသော်လည်း ယခုရာသီ ပြိုင်ပွဲစုံ (၁၂) ပွဲတွင် (၂) ဂိုးသွင်းကာ ဂိုးဖန်တီးမှု (၁၂) ကြိမ်အထိ ပြုလုပ်ပေးထားသည်။
ထို့ ကြောင့် ဒီဘရိုင်းနားက မိမိအနေဖြင့် ဒဏ်ရာမှ ပြန်လာပြီးနောက် ယခုကဲ့သို့ ခြေစွမ်းပြကစားနိုင်လိမ့်မည်ဟု မမျှော်လင့်ခဲ့ကြောင်း ပြောကြားခဲ့ခြင်းဖြစ်သည်။
ဒီဘရိုင်းနားက ''တံကောက်ကြောဒဏ်ရာအတွက် ကျွန်တော် စိတ်မပူပါဘူး။ ဒါပေမဲ့ ရိုးသားစွာဝန်ခံရမယ်ဆိုရင် ပြန်ကစားချိန်မှာ အခုလို ခြေစွမ်းပြနိုင်လိမ့်မယ်လို့ ထင်မှတ်မထားခဲ့ပါဘူး။ ကျွန်တော်တို့က ပြိုင်ဘက်နဲ့ ကစားတဲ့အချိန်မှာ သူတို့ကို နာကျင်အောင်လုပ်နိုင်မယ့်နည်းလမ်းကို ရှာဖွေလေ့ရှိပါတယ်။ ဟာလန်းက ဂိုးတွေအများကြီး သွင်းနိုင်တာကလည်း ကျွန်တော်တို့အတွက် အရမ်းကောင်းပါတယ်''ဟု ပြောကြားခဲ့သည်။
-
လူသေဆုံးမှုများ ဖြစ်ပြီးနောက် ဝက်သားစိမ်းများနှင့် ပတ်သက်၍ သတိပေး
-
ဒေါက်တာဇော်မြင့်မောင် ကွယ်လွန်
-
ဂျပန်က မြန်မာလုပ်သားခေါ်ယူရန် လုပ်ငန်းတမျိုးအသစ်ထပ်တိုး
-
မိုင်းဖြတ်မြို့နယ်၌ ရေကြီး၊ ရေလျှံမှုကြောင့် တံတားနှင့် ရေအားလျှပ်စစ် လုပ်ငန်းများ ထိခိုက်ပျက်စီးခဲ့ရ
-
မြန်မာနိုင်ငံ ခရီးစဉ်ဒေသများ၏ အခန်းကဏ္ဍကို ကွာလာလမ်ပူတွင်ကျင်းပသည့် နိုင်ငံတကာခရီးသွားလုပ်ငန်းနှင့် ယဉ်ကျေးမှုပြပွဲတွင် ဖြန့်ချိနိုင်ခဲ့