ဂျပန်နိုင်ငံ၏ မြန်မာလုပ်သားခေါ်ယူသည့် အစီအစဉ်၌ သစ်တောလုပ်ငန်းအတွက် သစ်တောကဏ္ဍ လုပ်ငန်းအမျိုးအစားအသစ် တစ်မျိုးထပ်ဖြည့်လိုက်သောကြောင့် မြန်မာနည်းပညာအလုပ်သင်များအတွက် အခွင့်အလမ်းတခု ဖြစ်လာသည်။
ဂျပန်နိုင်ငံသည် မြန်မာလုပ်သားများကို နည်းပညာအလုပ်သင် သင်တန်းသားအစီအစဉ်ဖြင့် ခေါ်ယူနေသည့် လုပ်ငန်းများအနက် Agriculture and Forestry လုပ်ငန်းနယ်ပယ်က သစ်တောကဏ္ဍလုပ်ငန်းအမျိုးအစားအသစ် တစ်မျိုး ထပ်မံဖြည့်စွက်လိုက်ကြောင်း တိုကျိုမြို့ရှိ မြန်မာသံရုံးက အောက်တိုဘာ (၄)ရက်တွင် ထုတ်ပြန် အသိပေးထားသည်။
ယင်းအမျိုးအစားသည် အမျိုးသားလုပ်သားများအတွက် ဦးစားပေးရွေးချယ်မည့် လုပ်ငန်းမျိုးဖြစ်ကြောင်း အေဂျင်စီတခုက ပြောပြီး သစ်တောလုပ်ငန်းအတွက် သစ်တော သ စ်ပင်စိုက်ပျိုးထုတ်လုပ်ရသည့် လုပ်ငန်းဖြစ်ကြောင်းလည်း သိရသည်။
“သတ်လတ်ပိုင်းအမျိုးသားတွေအတွက်လို့ သံရုံးဘက်က အတိအကျမထုတ်ပြန်သေးဘူး၊ ခေါ်ရင်လည်း အနည်းဆုံး လူရာချီမှာ ဒါမှမဟုတ်ရင် လေးဆယ် ၊ငါးဆယ်လောက်ခေါ်မယ်တော့ ခန့်မှန်းထားတယ်” ဟု ပြည်ပအလုပ်အကိုင် အေဂျင်စီတခုမှ တာဝန်ရှိသူတစ်ဦးက ဆိုသည်။
ဂျပန်နိုင်ငံအနေဖြင့် ယခုနောက်ပိုင်းတွင် လုပ်ငန်းအလိုက် ကျွမ်းကျင်လုပ်သားခေါ်ယူသည့် စနစ်ကို ပိုမိုကျင့်သုံးလာကာ ဆောက်လုပ်ရေး၊ အထည်ချုပ်၊ စိုက်ပျိုးရေး၊ မွေးမြူရေး၊ စားသောက်ကုန်လုပ်ငန်း၊ စက်မှုလုပ်ငန်း၊ ကုန်ထုတ် လုပ်ငန်းများအတွက် အများဆုံး ခေါ်ယူလျက်ရှိနေသည်။
-
လူသေဆုံးမှုများ ဖြစ်ပြီးနောက် ဝက်သားစိမ်းများနှင့် ပတ်သက်၍ သတိပေး
-
ဒေါက်တာဇော်မြင့်မောင် ကွယ်လွန်
-
ဂျပန်က မြန်မာလုပ်သားခေါ်ယူရန် လုပ်ငန်းတမျိုးအသစ်ထပ်တိုး
-
မိုင်းဖြတ်မြို့နယ်၌ ရေကြီး၊ ရေလျှံမှုကြောင့် တံတားနှင့် ရေအားလျှပ်စစ် လုပ်ငန်းများ ထိခိုက်ပျက်စီးခဲ့ရ
-
မြန်မာနိုင်ငံ ခရီးစဉ်ဒေသများ၏ အခန်းကဏ္ဍကို ကွာလာလမ်ပူတွင်ကျင်းပသည့် နိုင်ငံတကာခရီးသွားလုပ်ငန်းနှင့် ယဉ်ကျေးမှုပြပွဲတွင် ဖြန့်ချိနိုင်ခဲ့
