မြောက်ဦးဆရာတော် ဘဒ္ဒန္တဝါယာမိန္ဒ(အဂ္ဂမဟာသဒ္ဓမ္မဇောတိကဓဇ၊ အဂ္ဂမဟာကမ္မဋ္ဌဌာနာစရိယ)က ရေဘေးသင့် ပြည်သူများအတွက် ပထမအကြိမ် အလှူငွေကျပ်သိန်း ၁ဝဝဝ မတည်၍ လှူဒါန်းမည်ဖြစ်ကြောင်း စက်တင်ဘာ ၁၃ ရက် ညနေပိုင်းတွင် ကြေညာထားမှုအရ သိရသည်။
အဆိုပါလှူဒါန်းငွေများကို ဆရာတော်၏ တပည့်များဖြစ်သည့် ဦးဇဝန၊ ဦးဥတ္တရဝံသနှင့် တပည့်ဒါယကာ၊ ဒါယိကာမများ မန္တလေးတို့က ဦးဆောင်၍ လိုအပ်ချက်များကို စီစဉ်နေကြကြောင်းသိရသည်။
မြောက်ဦးဆရာတော် ဘဒ္ဒန္တဝါယာမိန္ဒသည် လက်ရှိတွင် အမေရိကန်နိုင်ငံတွင် ခေတ္တရောက်ရှိ သီတင်းသုံးလျက်ရှိကြောင်း သိရသည်။
အလားတူ မဇ္ဈိမဂုဏ်ရည်ဆရာတော်ဒေါက်တာဘဒ္ဒန္တကောဝိဒကလည်း အလှူငွေ ကျပ်သိန်း ၁ဝဝဝ မတည်ပြီး ရေဘေးသင့်ပြည်သူများအတွက် လှူဒါန်းမည်ဖြစ်ကြောင်းနှင့် ဆရာတော်၏ ဦးဆောင်လမ်းညွှန်မှုဖြင့် တပည့်ဒါယကာ၊ ဒါယိကာမများကလည်း ရေဘေးသင့်ပြည်သူများအတွက် ဆရာတော်ဦးဆောင်သော မဇ္ဈိမပရဟိတသာသနာပြုဥပတ္ထမ္ဘကအဖွဲ့ကြီးထံ အလှူငွေများ လှူဒါန်းလျက်ရှိကြောင်း သိရသည်။
-
လူသေဆုံးမှုများ ဖြစ်ပြီးနောက် ဝက်သားစိမ်းများနှင့် ပတ်သက်၍ သတိပေး
-
ဒေါက်တာဇော်မြင့်မောင် ကွယ်လွန်
-
ဂျပန်က မြန်မာလုပ်သားခေါ်ယူရန် လုပ်ငန်းတမျိုးအသစ်ထပ်တိုး
-
မိုင်းဖြတ်မြို့နယ်၌ ရေကြီး၊ ရေလျှံမှုကြောင့် တံတားနှင့် ရေအားလျှပ်စစ် လုပ်ငန်းများ ထိခိုက်ပျက်စီးခဲ့ရ
-
မြန်မာနိုင်ငံ ခရီးစဉ်ဒေသများ၏ အခန်းကဏ္ဍကို ကွာလာလမ်ပူတွင်ကျင်းပသည့် နိုင်ငံတကာခရီးသွားလုပ်ငန်းနှင့် ယဉ်ကျေးမှုပြပွဲတွင် ဖြန့်ချိနိုင်ခဲ့
