ထိုင်းဝန်ကြီးချုပ် ပယ်ထုံထန်ရှင်နာဝါထရာသည် စက်တင်ဘာ ၁၃ ရက်က ချင်းရိုင်ပြည်နယ် မယ်ဆိုင် ခရိုင် ကို သွားရောက်ခဲ့ပြီး တိုင်ဖွန်းမုန်တိုင်းကြောင့် ရေဘေးဒဏ်ခံစားနေရသည့် ဒေသခံများကို အားပေးနှစ်သိမ့် စကားပြောကြားခဲ့သည်။
အကူအညီလိုအပ်နေသူများကိုကူညီရန် မမောနိုင်မပန်းနိုင်အလုပ်လုပ်နေကြသော လုပ်အားပေးများကို ကိုယ်ရေးကိုယ်တာအရ ကျေးဇူးတင်စကားပြောရန်နှင့် အခြေအနေနှင့်စပ်လျဉ်း၍ ရှင်းလင်းတင်ပြချက်များကို နားထောင်ရန် ၎င်းသည် ထိုင်း နိုင်ငံမြောက်ပိုင်းကို လာရောက်ခဲ့ခြင်းဖြစ်ကြောင်း၊ အပြင်းအထန်ကြိုးစားပြီး စွန့်လွှတ်အ နစ်နာခံသည့်် စေတနာ့ဝန်ထမ်းများကို ထိုင်းဘုရင်ကလည်း ကျေးဇူးတင်စကားပြော ကြားခဲ့သည်ဟုဝန်ကြီးချုပ်ပယ်ထုံထန်က ပြောသည်။
ပိတ်မိနေသူများနှင့်အစားအသောက် ထောက်ပံ့မှုများနှင့်အဆက်ပြတ်နေသူများကို အကူအညီပေးရန် စစ်သားများနှင့်အထူး စစ်ဆင်ရေး တပ်ဖွဲ့များကို ဖြန့်ကြက်ထား သည်ဟု စစ်တပ်တာဝန်ရှိသူများက ပြော ကြားသည်။ အချို့နေရာများကို မော်တော် ဘုတ်ငယ်များ၊ ရဟတ်ယာဉ်များဖြင့်သာ သွားနိုင်သောကြောင့် ကျွမ်းကျင် ဝန်ထမ်းများ လိုအပ်နေသည်။
ထိုင်းရေတပ်က ဝေးလံသောဒေသများ တွင် သောင်တင်နေသူ ၃၀၀ ခန့်ကိုကူညီရန် ကုန်းရေ နှစ်ထွေသွား တိုက်ခိုက်ရေးယာဉ်များကို အသုံးပြုခဲ့သည်ဟု ဆိုသည်။
ယင်းခရီးစဉ်အတွင်း ပယ်ထုံထန်သည် မဲဆောက်မြစ်ပေါ်ရှိ ပထမဆုံး ထိုင်း-မြန်မာ ချစ်ကြည်ရေးတံတားကို သွားခဲ့သည်။
ရေများကျသွားပြီဖြစ်သော်လည်း ရွှံ့များနှင့် အမှိုက်သရိုက်များကျန်ရှိနေသောကြောင့် အရေးကြီးသော နယ်စပ်စီးပွားရေးဇုန်ကို ထိ ခိုက်စေခဲ့သည်။ “ဝန်ကြီးချုပ်က ပွေ့ဖက်တာနဲ့တင် လုံ လောက်ပါပြီ”ဟု နယ်ခံတစ်ဦးက ပြောကြားခဲ့ သည်။
“ဒါဟာ ကျွန်မကို အင်အားတွေဖြစ်စေ ပါတယ်။ ကျွန်မဟာ ချက်ချင်းအလုပ်ပြန်လုပ် မှာဖြစ်ပြီးတော့ ဘာလျှော်ကြေး ပေးနိုင်မလဲ ဆိုတာကိုဆန်းစစ်မှာဖြစ်ပါတယ်” ဟု ပယ်ထုံထန်က ပြောကြားခဲ့သည်။
၎င်းတို့ကို မေ့မထားရန် ပြောကြားသော နယ်ခံများကိုလည်း ပယ်ထုံထန်က “ကျွန်မ ဟာ နယ်ခံတွေကို ပစ်မထားပါဘူး”ဟု ပြော ကြားခဲ့သည်။
ထိုင်း-မြန်မာနယ်စပ်တွင် ကျူးကျော် တည်ဆောက်ထားသော အဆောက်အအုံများ က ရေမြောင်းများကို ကျဉ်းသွားစေသော ကြောင့် ရေစီးဆင်းမှုကို သက်ရောက်စေသည် ဟု မဲဆောက်ခရိုင်၌ လုပ်ဆောင်သည့် ကနဦး စုံစမ်းစစ်ဆေးမှုအရ သိရသည်။ ထိုကျူးကျော် အဆောက်အအုံများကိစ္စကို ဖြေရှင်းရေးအ တွက် နှစ်ဦးနှစ်ဖက် ဆွေးနွေးမှုများ လိုအပ် လိမ့်မည်ဖြစ်သည်။
ဝန်ကြီးချုပ်သည် သွားလာရေး အခြေ အနေများတိုးတက်ကောင်းမွန်ရေးအတွက် ကျိုးကျသွားသော တံတားကို ပြင်ဆင်မှုများ လုပ်ဆောင်ရာတွင် အလုပ်တွင်စေရန် အဝေးပြေးကားလမ်းများ ဌာနကို ညွှန်ကြားခဲ့သည် ဟု သိရသည်။
-
လူသေဆုံးမှုများ ဖြစ်ပြီးနောက် ဝက်သားစိမ်းများနှင့် ပတ်သက်၍ သတိပေး
-
ဒေါက်တာဇော်မြင့်မောင် ကွယ်လွန်
-
ဂျပန်က မြန်မာလုပ်သားခေါ်ယူရန် လုပ်ငန်းတမျိုးအသစ်ထပ်တိုး
-
မိုင်းဖြတ်မြို့နယ်၌ ရေကြီး၊ ရေလျှံမှုကြောင့် တံတားနှင့် ရေအားလျှပ်စစ် လုပ်ငန်းများ ထိခိုက်ပျက်စီးခဲ့ရ
-
မြန်မာနိုင်ငံ ခရီးစဉ်ဒေသများ၏ အခန်းကဏ္ဍကို ကွာလာလမ်ပူတွင်ကျင်းပသည့် နိုင်ငံတကာခရီးသွားလုပ်ငန်းနှင့် ယဉ်ကျေးမှုပြပွဲတွင် ဖြန့်ချိနိုင်ခဲ့