မာယော့ကာ - ဗီလာရီးယဲလ် (မြန်မာစံတော်ချိန် စက်တင်ဘာလ ၁၄ ရက် ည ၆:၃၀ နာရီ)
ဒီရာသီအစ ဗီလာရီးယဲလ်ရဲ့ခြေစွမ်းက မာဆယ်လီနိုလက်ထဲ တိုးတက်လာနေတာတွေ့ရတယ်။ လက်ရှိရှုံးပွဲမရှိသေးတဲ့ (၅)သင်းထဲမှာ ဗီလာရီးယဲလ်လည်းပါနေပြီး ခံစစ်မငြိမ်သေးပေမယ့် တိုက်စစ်နဲ့ဂိုးသွင်းအားပိုကောင်းလာတာက အားသာချက်လိုဖြစ်နေတယ်။ ဒီပွဲအတွက် အဓိကအဆုံးအဖြတ်ပေးမှာ က မာယော့ကာရဲ့ခံစစ်ကစားပုံဖြစ်ပြီး အိမ်ရှင်ရဲ့တိုက်စစ်အားကိုခုခံနိုင်မလားစောင့်ကြည့်ရမှာပါ။ သရေပွဲလို့ပဲမှန်းထားမယ်။
အက်စ်ပန်ညို - အလာဗတ်စ် (မြန်မာစံတော်ချိန် စက်တင်ဘာလ ၁၄ ရက် ည ၈:၄၅ နာရီ)
အက်စ်ပန်ညိုရဲ့အိမ်ကွင်းကစားအားက ပုံမှန်နီးပါးပြန်ဖြစ်လာနေပါပြီ။ ဒါ့ပြင် အလာဗတ်စ်ကလည်း အဝေးကွင်းကစားပုံနဲ့ ဂိုးသွင်းနှုန်းအတက်အကျမြန်တဲ့အသင်းဖြစ်လို့ အက်စ်ပန်ညိုကွင်းမှာ အမှတ်ရဖို့မလွယ်လောက်ဘူးထင်တယ်။ လက်ရှိခြေစွမ်းအရလည်း အက်စ်ပန်ညိုတို့ အိမ်ကွင်းမှာ အမှတ်ပြည့်ရဖို့ ပဲအားထုတ်လာမှာပါ။ အက်စ်ပန်ညိုနဲ့ ဂိုးအနည်းပဲ ရွေးထားမယ်။
ဆီဗီလာ - ဂီတာဖေး (မြန်မာစံတော်ချိန် စက်တင်ဘာလ ၁၄ ရက် ည ၁၁:၀၀ နာရီ)
(၂)သင်းစလုံးနိုင်ပွဲမရကြသေးဘူးဆိုပေမယ့် ဂီတာဖေးက ရှုံးပွဲမရှိသေးအောင်ပါ ကစားပြထားတဲ့အသင်းဖြစ်နေတယ်။ ဆီဗီလာကတော့ အိမ်ကွင်းမှာတောင် ရှုံးပွဲတွေဆက်နေတဲ့အထိ အသင်းက ကျနေသလိုတွေ့ရတယ်။ လက်ရှိဆီဗီလာရဲ့ခြေစွမ်းနဲ့ တော့ ဂီတာဖေးကိုအနိုင်ရဖို့လွယ်ဦးမယ်မထင်ဘူး။ ဂီတာဖေးရဲ့ ကွင်းမရွေးရုန်းကန်နိုင်စွမ်းက ဆီဗီလာကို အခက်တွေ့စေဦးမှာပါ။ ဂီတာဖေးနဲ့ ဂိုးအနည်းကပိုကောင်းလိမ့်မယ်။
ဆိုစီဒက် - ရီးယဲလ်မက်ဒရစ် (မြန်မာစံတော်ချိန် စက်တင်ဘာလ ၁၅ ရက် နံနက် ၁:၃၀ နာရီ)
ရီးယဲလ်မက်ဒရစ်တို့ တာထွက်ကောင်းအောင် ကြိုးစားနေရချိန်မှာ ဒဏ်ရာပြဿနာတွေကြောင့် အခက်အခဲတော့ရှိနေနိုင်တယ်။ အထူးသဖြင့် ကွင်းလယ်မှာ ဒဏ်ရာရသူတွေများနေလို့ အသင်းရဲ့အဓိက ခါးရိုးအားလျော့သလိုလည်းဖြစ်နေတယ်။ နောက်ပြီး အသင်းတွင်းကစားသမားတွေအကြားမှာလည်း အ ချင်းချင်းမကျေလည်တာမျိုးတွေပါဖြစ်လာနေလို့ ရီးယဲလ်ကို အန်ဆယ်လော့တီတစ်ယောက် ပြန်တည်ငြိမ်အောင်မနည်းလုပ်ယူနေရတဲ့ပုံစံမျိုးလည်း တွေ့နေရတယ်။ ဆိုစီဒက်ရဲ့ ရာသီအစခြေစွမ်းက အရင်လိုမတည်ငြိမ်ပေမယ့် အိမ်ကွင်းကစားနိုင်စွမ်းကိုတော့ လျှော့တွက်လို့မရဘူး။ ရာသီအစအိမ်ကွင်း (၂)ပွဲစလုံးရှုံး ထားလို့လည်း အခုရီးယဲလ်နဲ့ပွဲမှာ သိက္ခာပြန်ဆယ်နိုင်ဖို့ အားစိုက်လာမှာပါ။ ဒါ့ပြင် ရီးယဲလ်ရဲ့ ဒီရာသီအဝေးကွင်းခြေစွမ်းအားနည်းနေမှုကြောင့် ဆိုစီဒက်နဲ့ ဂိုးအနည်းပဲ ရွေးထားချင်တယ်။
-
လီဗာပူးလ်ဂိုးသမား အယ်လစ်ဆန် တံကောက်ကြောဒဏ်ရာကြောင့် (၆) ပတ်နားရမည် ဖြစ်ပြီး ချယ်လ်ဆီး၊ အာဆင်နယ်တို့နှင့်ကစားမည့် အရေးကြီးပွဲစဉ်များကို လွဲချော်မည်
-
ကျွန်းစုမြို့နယ်၌ လျှပ်စစ်ဓာတ်အားထုတ်လုပ်ဖြန့်ဖြူးရောင်းချရန် တိုင်းအစိုးရအဖွဲ့နှင့် လုပ်ငန်းဆောင်ရွက်မည့် ကုမ္ပဏီတို့လက်မှတ်ထိုး
-
မြန်မာနိုင်ငံရှိ ရေဘေးသင့်ဒေသများအတွက် မြန်မာသံရုံး၊ ဆိုးလ်မြို့သို့ အလှူငွေများလာရောက်လှူဒါန်းလျက်ရှိ
-
ရေဘေးသင့်ပြည်သူများအတွက် လှူဒါန်းငွေကျပ်ဘီလီယံ(၅၀)ကျော်ရှိပြီဟု နစက ဥက္ကဋ္ဌပြော
-
ပရီးမီးယားလိဂ်နှင့် ဖြစ်ခဲ့သည့်အမှုတွင် မိမိတို့ အာရုံစိုက်ခဲ့သည့်နှစ်ခုကို အနိုင်ရရှိခဲ့ပြီး ATP စည်းမျဉ်းသည် တရားမဝင်ဟု မန်စီးတီး ထုတ်ပြန်