အောက်တိုဘာလအတွက် လာလီဂါအကောင်းဆုံးကစားသမားဆုကို ဆိုစီဒက်အသင်း တောင်ပံကစားသမား အော်ယာဇာဘယ်လ် ဆွတ်ခူးရရှိခဲ့ကြောင်း သိရသည်။
ဆိုစီဒက်အသင်းသည် အောက်တိုဘာလအတွင်း ယှဉ်ပြိုင်ကစားသည့် လာလီဂါ သုံးပွဲစလုံး ရာနှုန်းပြည့်အနိုင်ရခဲ့ပြီး အော်ယာဇာဘယ်လ်က သုံးပွဲစလုံး ဂိုးသွင်းယူနိုင်ခဲ့သည်။
၎င်းသည် ဂီတာဖေးနှင့်ပွဲတွင် ပယ်နယ်တီမှတစ်ဂိုး၊ ဘက်တစ်နှင့်ပွဲတွင် ပယ်နယ်တီမှတစ်ဂိုး၊ ဟွယ်ဆကာနှင့်ပွဲတွင် ပယ်နယ်တီအပါအဝင် နှစ်ဂိုး၊ စုစုပေါင်း လေးဂိုးသွင်းယူနိုင်သဖြင့် တစ်လတာအကောင်းဆုံးကစားသမားဆု ဆွတ်ခူးရရှိခြင်းဖြစ်သည်။
အသက် ၂၃ နှစ်အရွယ် စပိန်လက်ရွေးစင်ကစားသမား အော်ယာဇာဘယ်လ်သည် ယခုရာသီ လာလီဂါပြိုင်ပွဲတွင် ခြောက်ဂိုးသွင်းယူထားပြီး ဂိုးအများဆုံးအဖြစ် ရပ်တည်လျက်ရှိသည်။
ပြီးခဲ့သည့်စက်တင်ဘာလ အကောင်းဆုံးဆုကိုမူ ဘာစီလိုနာအသင်းမှ လူငယ်ကြယ်ပွင့် အန်ဆူဖာတီက ရရှိခဲ့ကြောင်း သိရသည်။
လာလီဂါတစ်လတာအကောင်းဆုံးဆုကို ၂၀၁၃-၁၄ ရာသီက စတင်ချီးမြှင့်ခဲ့ပြီး ဘာစီလိုနာအသင်းခေါင်းဆောင် မက်ဆီက (၇)ကြိမ်ဖြင့် အများဆုံးရရှိထားသည်။
-
အဂတိကင်းရှင်းသော နိုင်ငံ့ဝန်ထမ်းများဖြင့် ကောင်းမွန်သော အုပ်ချုပ်ရေးစနစ်ကို တည်ဆောက်ရမည်ဖြစ်ကြောင်း ပြည်ထောင်စုစာရင်းစစ်ချုပ် ပြောကြား
-
မြန်မာရေဘေးသင့်ပြည်သူများအတွက် ဂျပန်မှ ကုမ္ပဏီတစ်ခုနှင့် မြန်မာအစိုးရပညာတော်သင်များမှ အလှူငွေများလှူဒါန်း
-
စာပေနို့ဘဲလ်ဆု ကိုရီးယားစာရေးဆရာမ Hang Kang ရ
-
ဟောင်ကောင်ပါလီမန်သို့ ဝင်ရောက်ရန် ကြိုးပမ်းသည့် ဆန္ဒပြသူများအား ရဲတပ်ဖွဲ့က ပိတ်ဆို့ဟန့်တား
-
အိန္ဒိယအနောက်ပိုင်းသို့ ဦးတည်လာသည့် ဆိုင်ကလုန်းမုန်တိုင်း ပိုမိုအားကောင်းလာ