အင်္ဂလန်အသင်းနှင့် ဂျာမနီအသင်းတို့သည် ဘိုင်ယန်မြူးနစ်အသင်း၏ လူငယ်ကြယ်ပွင့် တောင်ပံကစားသမား ဂျမားလ်မူစီယာလာအား အပြိုင်လုနေကြကြောင်း သိရှိရသည်။
အသက် (၁၇)နှစ်အရွယ်သာရှိသေးသည် မူစီယာလာသည် ယခုရာသီတွင် ဘိုင်ယန်မြူးနစ်အသင်းကြီးအတွက် အချို့ပွဲစဉ်များတွင် ဝင်ကစားပေးနေပြီး ခြေစွမ်းပြလျက်ရှိသည်။
သူသည် ချယ်လ်ဆီးအကယ်ဒမီထွက် ကစားသမားတစ်ဦးဖြစ်ပြီး ယမန်နှစ်ကမှ ဘိုင်ယန်မြူးနစ်သို့ ထွက်ခွာသွားကာ ယခုရာသီတွင် ခြေစွမ်းပြနေသူဖြစ်သည်။
နိုင်ဂျီးရီးယားဖခင်နှင့် ဂျာမန်မိခင်တို့မှာ မွေးဖွားခဲ့ပြီး၊ သူ၏ မိသားစုသည် ငယ်စဉ်ကတည်းက အင်္ဂလန်တွင် ပြောင်းရွှေ့အခြေချခဲ့ခြင်းကြောင့် (၃)နိုင်ငံစလုံးအတွက် ကစားခွင့်ရနေသည်။
သူ့အား အင်္ဂလန်ယူ-၂၁ အသင်းက ရွေးချယ်ခဲ့သော်လည်း ဂျာမနီအသင်းကလည်း ကမ်းလှမ်းနေကြောင်း သိရှိရသည်။
မူစီယာလာသည် သက်တမ်းအလိုက်လူငယ်အသင်းအသင်းများ၌ ဂျာမနီရော အင်္ဂလန်အသင်းအတွက်ပါ ကိုယ်စားပြုကစားပေးခဲ့သူဖြစ်သည်။
၎င်းအနေဖြင့် အင်္ဂလန်ယူ-၁၅ အသင်းအတွက် (၃)ပွဲကစား (၄)ဂိုးသွင်း၊ အင်္ဂလန်ယူ-၁၆ အသင်းအတွက် (၉)ပွဲကစား (၃)ဂိုးသွင်း၊ ဂျာမနီယူ-၁၆ အသင်းအတွက် (၂)ပွဲကစား၊ အင်္ဂလန်ယူ-၁ရအသင်းအတွက် (၈)ပွဲကစား (၂)ဂိုးသွင်းခဲ့သည်။
-
အဂတိကင်းရှင်းသော နိုင်ငံ့ဝန်ထမ်းများဖြင့် ကောင်းမွန်သော အုပ်ချုပ်ရေးစနစ်ကို တည်ဆောက်ရမည်ဖြစ်ကြောင်း ပြည်ထောင်စုစာရင်းစစ်ချုပ် ပြောကြား
-
မြန်မာရေဘေးသင့်ပြည်သူများအတွက် ဂျပန်မှ ကုမ္ပဏီတစ်ခုနှင့် မြန်မာအစိုးရပညာတော်သင်များမှ အလှူငွေများလှူဒါန်း
-
စာပေနို့ဘဲလ်ဆု ကိုရီးယားစာရေးဆရာမ Hang Kang ရ
-
ဟောင်ကောင်ပါလီမန်သို့ ဝင်ရောက်ရန် ကြိုးပမ်းသည့် ဆန္ဒပြသူများအား ရဲတပ်ဖွဲ့က ပိတ်ဆို့ဟန့်တား
-
အိန္ဒိယအနောက်ပိုင်းသို့ ဦးတည်လာသည့် ဆိုင်ကလုန်းမုန်တိုင်း ပိုမိုအားကောင်းလာ